42
Hina Gode Ea Hawa: Hamosu Dunu
* Ma:diu 3:17, 17:5; Maga 1:11; Luge 3.22, 9:35Hina Gode da amane sia:sa,
“Na Hawa: Hamosu Dunu amoma Na da gasa iabe da goea.
Na da E ilegei dagoi.
Na da Ema hahawane gala.
Na da Na A:silibu Ema imunu,
amola E da fifi asi gala huluane ilima moloidafa hou gaguli misunu.
Ma:diu 12:18-21E da hame wele sia:mu amola gasawane hame sia:mu.
E da moilai logoga gasa fili bagade sia:su hame sia:mu.
E da saga: selefai amo hame fimu.
E da gamali ea sawa: ugugulala amo hame ha:ba:domu.
E da moloidafa hou eso huluane dialoma:ne,
dunu huluane fidima:ne, oule misunu.
E da hobea misunu hahawane hou dafawaneyale dawa:su hou hame fisimu
amola E da hame beda:mu.
E da osobo bagadega moloidafa hou dialoma:ne, ilegemu.
Soge sedaga fi dunu da hanaiwane Ea olelesu nabimusa: ouesala.
Asunasi Dunu Ilia Hou 17:24-25Gode da mu hahamone, fadegale gai.
E da osobo bagade amola fi huluane amo ganodini esalebe amo hahamoi.
E da osobo bagade fifi asi gala dunu huluane
ilima esalusu amola mifo i dagoi.
Amola wali Hina Godedafa da Ea Hawa: Hamosu Dunu Ema amane sia:sa,
§ Aisaia 49:6; Luge 2:32; Asunasi Dunu Ilia Hou 13:47, 26:23“Na, Hina Gode, da Dima misa:ne wele sia:nanu,
Dima moloidafa hou da osobo bagadega dialoma:ne,
Dia amo hou hamoma:ne, gasa i dagoi.
Dia hamobeba:le, Na da fifi asi gala dunu huluane ilima gousa:su hamomu.
Dia hamobeba:le, Na da fifi asi gala huluane ilima hadigi imunu.
Di da si dofoi dunu amo ilia si fadegamu.
Amola dunu ilia gasi se iasu diasu ganodini amo ilia halegale masa:ne, ilia se dabe iasu logo doasimu.
Na, Nisu fawane da Hina Gode, Dia Gode.
Eno ‘gode’ liligi da Na Hadigi gilisili hame lamu.
Hamedei ‘gode’ loboga hamoi liligi da Nama nodosu gilisili lama:ne,
Na da logo hame doasimu.
Na da hobea misunu hou musa: olelei dagoi.
Amola amo hou defele da doaga:i dagoi.
Wali Na da gaheabolo hou hobea misunu, amo dilima olelemu.”
Nodosu Gesami Hea:su
10 Hina Godema gesami gaheabolo hea:ma! Osobo bagade fifi asi gala huluane!
Ema nodone gesami hea:ma!
Dilia dunu amo dusagai ganodini hano wayabo bagadega ahoa!
Ema nodoma!
Amola liligi huluane hano wayabo bagade amo ganodini esala!
Ema nodoma!
Soge sedaga amola amo ganodini esalebe dunu huluane!
Ema gesami hea:ma!
11 Hafoga:i soge amola moilai amo ganodini diala da Godema nodomu da defea.
Gida fi dunu da Ema nodomu da defea. Nowa dunu da Sila amo ganodini
esala da goumi da:iya hahawaneba:le wele sia:mu da defea.
12 Dunu da soge sedagaga esala,
ilia da hadigi amola nodosu Hina Godema imunu da defea.
13 Hina Gode da gegesu dunu defele gegemusa: ahoa.
E da gegesu hamoma:ne, momagei amola hanaiwane esala.
E da gegemusa: halasa.
E da Ea ha lai hasanasimusa:, Ea gasa hou olelesa.
Gode da Ea Fi Fidimusa: Ilegele Sia:sa
14 Gode da amane sia:sa,
“Na da eso bagohame ouiya:le, Na fi dunuma hame adole i.
Be wali Na hamomu eso da doaga:i dagoi.
Na da uda da mano lalelegemu gadenesea wele sia:sa,
amo defele Na da wele sia:sa.
15 Na da agolo amola goumi wadela:lesimu.
Na da gisi amola ifa bioma:ne hafoga:mu.
Na da hano fago amo afadenene bu hafoga:i soge hamomu.
Amola hano wayabo hafoga:mu.
16 Na da Na dunu si dofoi amo logo ilia da musa: hame ahoasu, amoga oule masunu.
Na da ilia gasi afadenene, bu hadigi hamomu
amola soge fofagoi amo bu umi hamomu.
Na da amo sia:i dagoi amola amo sia:i liligi Na da mae fisili, didili hamomu.
17 Be dunu huluane da ‘gode’ loboga hamoi liligi dafawaneyale dawa:sa,
amola ilia loboga hamoi liligi da ‘gode’ ilia da sia:sa,
amo huluane Na da fonobomu amola ilia da gogosiasu bagade ba:mu.
Isala:ili da Dawa: Hame Lasu
18 Hina Gode da amane sia:sa,
“Dilia ge hamedei dunu! Nabima!
Dilia si dofoi dunu! Noga:le ba:ma!
19 Na hawa: hamosu dunu (Isala:ili fi) da si dofoidafa.
Amola Na sia:ne iasu dunu Na asunasisu da ge hamedei.
20 Isala:ili! Dilia da bagadewane ba:i dagoi.
Be ba:i liligi hame lalegagui.
Dilia da nabima:ne ge gala. Be hamedafa nabi.”
21 Hina Gode da gaga:musa: hanai gala.
Amaiba:le, E da Ea sema amola Ea olelesu gaguia gadoi.
Amola E da Ea fi amo Ea olelesu fa:no bobogema:ne, E da hanai galu.
22 Be wali Ea fi dunu da wamolai dagoi ba:sa.
Ilia da se dabe iasu diasu amo ganodini ga:si amola wamolegei dagoi ba:sa.
Dunu eno da ilia liligi huluane lai dagole,
dunu afae ilia gaga:musa: manebe hame ba:i.
23 Dunu afae da amo sia: nabima:bela:?
Dilia da wali amola fa:no amola noga:le nabimu da defea.
24 Nowa da eno dunu ilia Isala:ili fi wadela:lesima:ne
amola ilia liligi lama:ne logo doasibala:?
Hina Gode Hisu da amo logo doasi.
Bai ninia da Ema wadela:le hamoi.
E da ninia Ea hanai defele
amola Ea olelesu nabawane esaloma:ne dawa:i galu.
Be ninia da higa:i.
25 Amaiba:le, E da Ea ougi ninima olelei
amola ninia gegesu amo ganodini Ea se iasu nabima:ne, logo doasi dagoi.
Ea ougi gia:i bagade lalu agoane
Isala:ili soge huluane ganodini nenanu ba:i dagoi.
Be amo hou ninima doaga:i, ninia da hame dawa:i.
Ninia da amoga dawa: hamedafa lasu.

*42:1: Ma:diu 3:17, 17:5; Maga 1:11; Luge 3.22, 9:35

42:2: Ma:diu 12:18-21

42:5: Asunasi Dunu Ilia Hou 17:24-25

§42:6: Aisaia 49:6; Luge 2:32; Asunasi Dunu Ilia Hou 13:47, 26:23