49
Isala:ili da Fifi Asi Gala Huluane ilima Gamali agoane Ba:mu
1 * Yelemaia 1:5Fifi asi gala fi sedagawane esala! Na sia: nabima!
Musa: hemonega na da hame lalelegeiya,
Hina Gode da na Ea hawa: hamomusa:gini ilegei dagoi.
2 † Hibulu 4:12; Wamolegei Sia: Olelesu 1:16E da na sia:, amo gegesu gobihei mei bagade defele hamoi dagoi.
E da Ea loboga na gaga:i, amola na hou e da dadi agoane,
agesoi amola hawa: hamomusa: momagei dagoi, agoane hamoi.
3 E da nama amane sia:i, “Isala:ili!
Di da Na hawa: hamosu dunu.
Dia hawa: hamobeba:le, dunu huluane da Nama nodomu.”
4 Na da amane sia:i,
“Na da hawa: hamoi, be hamedei agoane ba:i.
Na gasa da ebelei dagoi, be na da udigili hawa: hamoi dagoi.
Be Hina Gode da na hou amola na asigi dawa:su huluane dawa:beba:le, na hawa: hamoi defele Nama bidi imunu.
5 Na da hame lalelegeiya, Hina Gode da na ilegei.
E da Ea fi dunu amo Isala:ili dunu afafai dagoi,
amo bu oule misa:ne, E da na hawa: hamomusa: ilegei dagoi.
Hina Gode da nama nodosa, amola E da nama gasa i dagoi.
6 ‡ Aisaia 42:6; Luge 2:32; Asunasi Dunu Ilia Hou 13:47, 26:23Hina Gode da nama amane sia:i, “Dafawane!
Di da Isala:ili dunu amo da hame bogoi esala,
ilima ilia musa: gasa bagade hou ilima bu imunu.
Be amo baligili, osobo bagade fifi asi gala huluane da gaga:sudafa ba:ma:ne, Na da di Dienadaile dunu ilima gamali agoane asunasimu.
7 Isala:ili fi ilia Hadigi Gode amola Gaga:su dunu,
da dunu ilima eno dunu amola fifi asi gala ilia bagade higasa,
amola dunu amo da ouligisu dunu ilia udigili hawa: hamosu dunu esala,
E da ilima amane sia:sa,
“Hina bagade dunu ilia da di ba:sea, ilia da dima nodomusa: wa:legadomu.
Hina bagade ilia mano amola ilia di ba:sea,
dima nodomusa:, gududafa begudumu.
Bai Hina Gode da Ea hawa: hamosu dunu ilegei dagoi.
Amola Isala:ili fi ilia Hadigi Gode, da Ea ilegele sia:i amo fisimusa: hame dawa:.
Yelusaleme da Bu Hahamoi Dagoi Ba:mu
8 § 2 Golidia 6:2Hina Gode da Ea fi dunu ilima amane sia:sa,
“Dilia gaga:su eso ilegei doaga:sea, Na da hahawane hou dilima olelemu.
Dilia da Nama fidima:ne disia, Na da di fidimusa: adole imunu.
Na da dili gaga:mu amola dilia dioba:le,
fifi asi gala fi huluane ilima gousa:su hamomu.
Wali dilia soge da wadela:lesi dagoi diala.
Be Na hamobeba:le, dilia da amo soge ganodini bu esala sodomu.
9 Na da se dabe iasu diasu ganodini sali dunu ilima,
“Hahawane gadili masa!
Amola dunu gasi ganodini esala, ilima ‘Hadigi amoga misa’, amane sia:mu.
Ilia da sibi amo da agologa gisi naha, amo defele ba:mu.
10 ** Wamolegei Sia: Olelesu 7:16-17Ilia da hame ha:mu amola hano hame hanamu.
Eso da gia:sea amola hafoga:i sogega gia:sea ilia da se hame nabimu.
Bai ilima asigi Dunu da ili oule masunu.
E da ili hano si galoba amoga oule masunu.
11 Na fi dunu hahawane masa:ne,
Na da logo bagade amo goumiga masa:ne hahamomu.
12 Na fi dunu da soge sedaga amoga bu misunu.
Ilia da soge ga (north) amola gusudili,
amola Asawane ga (south) soge amoga misunu.
13 Fedege sia:. Muagado dialebe liligi! Dilia gesami hea:ma!
Osobo bagade! Hahawaneba:le, wele sia:ma!
Goumi amola da fudagala:lewane gesami hea:mu da defea.
Hina Gode da Ea fi ilia dogo denesimu.
Ilia da se bagade naba, be E da ilima asigimu.
14 Be Yelusaleme dunu da amane sia:sa,
“Hina Gode da nini yolesi dagoi.
E da nini gogolei dagoi.”
15 Amaiba:le, Hina Gode da bu adole iaha,
“Uda da ea dudubu mano gogolema:bela:?
E da ea mano lalelegei amoma hame asigima:bela:? Hame mabu!
Be osobo bagade ame da ea mano gogolei ganiaba,
Na da dili hamedafa gogolemu.
16 Yelusaleme! Na da di gogolemu da hamedei.
Na da dia dio amo Na lobo gafe da:iya dedei dagoi.
17 Yelusaleme! Di da mugului dagoi.
Be dunu ilia da di bu gagumusa: misunu da gadenesa.
Dunu ilia da di wadela:lesi amo da fisili masunu.
18 Ba:le gagale, hou hamobe ba:ma! Isala:ili fi da gilisilala.
Ilia da di Yelusaleme amoga buhagimu.
Na da Godedafa esala, amo dafawaneyale dawa:ma.
Amo defele, di da dia bu misunu mano amo hahawane ba:mu.
A:fini da ea uda gaguli lasu eso amoga ea nina: hamoi liligi hahawane ba:sa,
amo defele di da ili hahawane ba:mu.
19 Dia soge da wadela:lesi dagoi, amola dunu hame esalebe ba:i.
Be wali dunu bagohame da buhagili manebe ba:beba:le,
dia soge da fonobahadidafa agoane ba:mu.
Amola dunu ilia da di wadela:lesili, fisili asi,
amo da dima sedagadafa esalebe ba:mu.
20 Amola dia fi dunu ilia da mugululi asi soge amo ganodini lalelegei,
eso enoga da dima amane sia:mu,
“Amo soge da fonobahadidafa.
Ninia eno soge amo ganodini esaloma:ne hanai.”
21 Amasea, di da dima amane gobele sia:mu,
“Amo mano huluane wali esalebe, nowa da nama ima:ne lalelegebela:?
Na da na mano huluane fisi dagoi amola eno lalelegemu hamedei ba:i.
Na da enoga sefasili, mugululi asi.
Nowa da amo mano asigilama:ne, fofobela:?
Na da nisu esalebe ba:i!
Amo mano huluane da habidili misibela:?”
22 Hina Gode Ouligisudafa da Ea fi dunu ilima amane sia:sa,
“Na da fifi asi gala ilima dawa:digisu olelemu.
Amasea, ilia da dia mano dima bu oule misunu.
23 Hina bagade ilia da dima ada agoane ba:mu
amola hina bagade uda da dima ame agoane ba:mu.
Ilia dima beguduli, dima nodomu.
Ilia da ilia hou fofonobone, dima nodomu.
Amasea, Na da Hina Godedafa amo di da dawa:mu.
Nowa da Na fidisu lama:ne ouesalea, e da da:i diosu hame ba:mu.”
24 Di da dadi gagui dunu ea wamolai liligi bu samogemu dawa:bela:?
Di da nimi bagade ouligisu dunu
amo ea se dabe iasu diasu hamosu dunu gagulaligi,
amo gaga:mu dawa:bela:? Hame mabu!
25 Be Hina Gode da amane bu adole iaha,
“Na da amo defele hamomu.
Na da dadi gagui ea se iasu diasu hamosu dunu gagulaligi,
amo bu samogemu. Amola nimi bagade ouligisu dunu ea liligi lai
amo bu samogemu. Nowa da dima gegesea, Na da ilima gegemu.
Amola Na da dia manolali gaga:mu.
26 Na da hamobeba:le, dima se iasu dunu da sinidigili,
sama da ea sama medole legemu.
Ilia da medole legesu hou, amola ougi bagade hou hamonanebeba:le,
adini bagade ba:i dunu agoane ba:mu.
Amasea, Na da Hina Gode, dilia gaga:su dunu,
amola dilia se iasu diasu logo doasisu dunu,
amo osobo bagade dunu huluanedafa da dawa:mu.
Na da Isala:ili dunu ilia gasa bagade Gode, amo ilia da dawa:mu.