8
Ki jiin Yennu nan nisaarik po
1 Yennu, fin nba tee ti Yomdaanɔ na,
tingbouŋ na munn laat a yabint nba tee biaŋinba.
A dontir do ki baat sanpagbant.
2 Ki waas nan sanpantii yiinir yaŋ.
A biir a dataiwa, ki tuu ber binba biira na,
ki bin nyik a biiru.
3 Maa tuu got sanpaak nba ki a nan na, nan ŋmaarik,
nan ŋmaabira nba ki a teemm bi binbeboor na,
4 nisaarik tee bee ki a baka be u po,
nisaarik mun ki a gbiin u po?
5 A din te ki u pɔ waan malakanba boor,
ki bia te ki u la dontir nan paku.
6 Fine gannɔ a wuu gorii tingbouŋ na ni bonfoa
nba ki a nan kur, ki teenɔ bonnaŋir kur yudaanɔ.
7 Ŋanne tee nei nan pei nan muuk ni bonkobit
8 nan nɔɔnii nan janii nan nyun ni bonfoa kur.
9 Yennu, fin nba tee ti Yomdaanɔ na,
tingbouŋ na munn laat a yabint nba tee biaŋinba.