21
Yenmiaru nba jiin dontir po
1 Yennu, kpanbar kpamme, kimaan a turɔ paŋa.
U kpamme, kimaan a te ki u la nyannuwa,
2 A turɔ u par nba loon linbawa, ki gaar u miaru.
3 A gaarɔ, ki turɔ piisin nba yab,
ki yirin salima fokirik u yur paaka.
4 U boi manfoor po, ki a turɔ manfoor nba kaa gbennu.
5 U baakir yab, kimaan faa turɔ sommir ki u nyann na paak.
Ki a turɔ yugontir nan sann.
6 Barmɔnii, a set turɔ piisin nba kaa gbennuwa,
ki a benu te ki u mɔk parpeenn.
7 Kpanbar jikit u yada ki tee yabint daanɔ Yennu niŋe,
kimaan Yennu lomm paak, ki siar kan ban dammɔ.
8 Ki u tuu saa nyann u datai kur,
ki nyann wunba kur ki loon u maan.
9 Ki u tan saa lekit bi boor ki dib,
ki boontib nan muyeruk nba saa di siar na.
Yennu saa donn u wutoor bi paak, ki di boontib.
10 Ki kpanbar na saa kpi bi maaru kur,
ki boontib tingbouŋ na paak.
11 Bi lorin bonbiir u paak, a bin biirɔ, ŋaan bi kan tɔɔrii.
12 Kpanbar na saa yekit u peeniie ki bin ŋmat chiar.
13 Yennu, ti piak dontira, kimaan a panchiɔŋ paak.
Ti saa yin yaŋ, ki dont a sann.