1 Yennu, n piak a sann, kimaan a fatima,

a ki te ki n datai laami.

2 Yennu, n yikin ki loon sommir, ki a turin laafia.

3 Yennu, a nyinnin kaauk niwa.

N bo paa sɔnue ki siik tinpɔɔr ni, ki a tinn n manfoor.

4 Binba kur waa Yennu fanu, yinin yaŋ ki dontɔ,

Tiat man linba ki Kasii Daanɔ tun na, ki turɔ niipoouk.

5 U wutoor ki wei nan maaku,

Bubuuk sii be nyiɔko, ŋaan ki kpinkpammuk be sanyiɔk ni.

6 Yoo nba ki n gbanant maak na, ki n yet n mɔŋ a,

“N kan ban gbarii.”

7 Yennu, a bo ŋan ki turin,

ki bo guun kenken nan jɔtankpaauk na,

ŋaan yoo nba ki a bɔr a numm nanin, ki jaŋmaanii soorin.

8 Yennu, n yiin fine, n barimae ki a sommin.

9 “Mi-i kpo, nyɔlante ki a saa la?

N kaauk ni siku nyɔɔt sii tee bee?

Kpeemm fit piak ki dontir a sanni-i?

Bi saa fit mɔɔnt a barmɔnii ŋant nba teewa-a?

10 Yennu, gbiintir, ki tinin ninbaauk. Yennu, sommitin.”

11 A lebit n parbiire ki li tee parpeenn sawaak,

12 ki n ji saa yin yaŋe ki pak a sann, n kii ŋmini.

Yennu, fine tee n Yomdaanɔ,