53
Ki jiin nisaarii nɔɔntont po
(Yaŋ 14)
1 Jatit dukii bi para ni a, “Yennu kaa.”
Sɔɔ kur tee niyoonne, ki tun bonbilankanta,
sɔɔ kaa ki tuun linba tooki.
2 Yennu be sanpaapo ŋaan gorii nisaarii,
a wun laan siab be ki sub, ki bia jiantirɔ-ɔ?
3 ŋaan bi kur ŋmante ki tuun toonbiit,
ki bi sɔɔ kaa ki tuun linba ŋan, nan yenɔkɔɔwa gbaa.
4 Yennu boi a, “Bi ki mi-i?
Toonbiit damm maŋ ki mi siari-i?
Bi di n niib nan nirɔ nba tuu di jeet nae,
ki bia ki meimi.”
5 Jaŋmaanii bia saa ŋamm soorib ki gar baa tuu mi biaŋinba.
Yennu saa kpi u niib datai ki yat bi kpaba.
Yennu yêtibe, ki saa te ki Israel teeb na n nyannib.
6 N mei Yennu-e a nyannu n nyi Sayɔnn
ki baar u niib Israel teeb paak.
Yoo nba ki Yennu saa te ki Israel teeb na n mɔkit na,
bi tan sii mɔk parpeenn bonchiann.