1 Yennu, jiin a paŋ ki tinnin, jiin a paŋ na ki ŋaan yann.

2 Yennu, gbatir n miaru, ki gbiint n mɔmaan.

3 Karinbaandamm fiir n paaka, ki nitont koor a bin kpin;

ŋamme tee binba baka kaa nan fin Yennu na.

4 Ŋaan barmɔnii, Yennu-e tee n sommtɔɔ.

5 Yennu n te ki n datai na toonbiit n ŋmat kii tee bi tubdatu.

U saa boontib, kimaan u kasii binbeŋ na paak.

6 Yennu, n saa mann parpeenn maruŋo ki tura.

N saa pak ki dont a sann, kimaan a ŋan.

7 A nyinnin n daamii kura niwa, ki n la ki n datai baa.