1 Yimm nba tee yudamm na, i bu buut fanu-u?

I bu buut nan barmɔnii ki teen sɔɔ kuri-i?

2 Aaii, i dukii toonbiit nba ki i saa tun na kɔɔe,

ki tuun ki biir leeb tiŋ na paak.

3 Toonbiit damm fiir bi bisin niŋewa,

ki fa fai nan bi manfoor gbennu.

4 Ki bi mɔi gbee nan lɔbiie, nan waalabirii yar na,

5 ki ji kan gbat daanɔ nba maŋit wai para na yeriki,

daanɔ maŋ-i lekii sub biaŋinba.

6 Yennu, a faa kɔnn nibiit maŋ nyana.

7 Ŋaant ki bin bot nan nyun nba tuu fɔɔr na;

bi-i dat bi tɔrbana yoo nba, fan ŋaan ki bi peenii na n gbitik.

8 Bi-i saa, bii tee nan jayeruk nba tuu saa ki mian na,

kii bia kii tee nan sanpantik nba ki bi tuu marɔ kpeent

9 Bi tuu tan bant na, ki sɔɔ ki bi chɔɔb nan mɔɔt nawa;

Yennu saa pebirib ki yaat namm nan u wutoor,

baa lek be bi manfoor ni gbaa.

10 Kasii damm sii mɔk parpeenn,

11 Ki niib ji saa yet a, “Barmɔniie, kasii damm gaan bi paatii;

barmɔnii, Yennu nba bu tingbouŋ na buut na set be.”