67
Niipoturu yaŋ
1 Yennu, a tinit ninbaauk, ki teen piisin ti paak,
ki gotit nan burchint,
2 ki lin te durinya teeb kur n bann a yanbɔɔt,
ki bia te digbana teeb kur n la a tinnu.
3 Yennu, ŋaant niib n donta, ki bia te niib kur n paka.
4 Ŋaant ki digbana teeb-ii mɔk parpeenn
ki yin yanii nan kpinkpammuk,
kimaan a bu niib buut nan barmɔnii,
ki bia ŋmakitir digbana kur tingbouŋ na paak.
5 Yennu, ŋaant niib kur n donta, ki bia te niib kur n paka,
6 ki li saa te tiŋ na n nan jeet.
Yennu, fin nba tee ti Yennu na, teen piisin ti paaka.
7 Yennu saa teen piisin ti paak,
ki tingbouŋ na niib kur saa baakɔ.