70
Yenmiaru nba jiin sommir po
1 Yennu, gbiintir ki tinnin;
N Yomdaanɔ, baat yian ki tan sommin.
2 A te ki damm nba koor a bin kpin na,
bin baa, ki ŋmat bi mɔŋ.
Ŋaant damm nba mɔk parpeenn n biak dinu po na,
bin ŋmat ki di fei.
3 A te damm nba laan ki sarikitin na,
lin bakitib bi baak ni.
4 Ŋaan niib nba kur baat a boor na,
bii mɔk parpeenn kii kpamm.
Ŋaant ki binba kur mɔk niipoturu a tinnu paak na-ii yeen a,
“Yennu-e tee yabint daanɔ.”
5 Yennu, n namii ki talas waan, li paak baat n boor yian,
fine tee n tinntɔɔ,
Yennu, baat ki tan sommin; a daa te ki li wei.