82
Yennu-e tee kpanbarjaann
1 Yennu kar u naangbouŋ paak,
ki barbuura bonchiann be u tɔɔnn,
ki u bu bi buut ki yaa,
2 “I daa nyikin barmɔnii bunu,
I daa bu ki teen tondamm na mɔnii.
3 Bumin barmɔnii buut ki somm nandamm nan kpeebii,
pakin barmɔnii ki somm talas damm nan binba ki li diimm na.
4 Fatirib ki nyinnib biit damm nuu ni.
5 “Bi ki mi siari, bi bia ki bant siar paaki,
ki tee ŋmabir damm,
ki barmɔnii paku bot durinya na teeb boor.
6 Ki min Yennu yet a, ‘I tee barbuurae, i kur tee Yennu waase,’
7 ŋaan i kur tan saa kpoe nan nileeb na,
ki bia kpo nan doo guuteleeb na.”
8 Yennu, setir ki bu tingbouŋ na buut,
kimaan digbana na kur tee a yare.