84
Parpeenn nba be Yenjiantu ni
1 Yabint daanɔ Yennu, a ŋasaakak mantik ŋan bonchiann.
2 N mantik loon ki mii be leŋ,
n seek kur loon ki mii be Yennu ŋasaakak nie,
kii yiin parmaasir yanii nan n par kur
kii teen Yennu nba fo na.
3 Yabint daanɔ nba tee n kpanbar nan n Yennu,
jablankpiitii gbaa, ŋaan bi mɔk bi ŋei,
ki tabilantianii mun bia luu bi tiat ki kaatir bi waas li ni,
ki li kpia a maruŋ binbintir.
4 Parpeenn be binba kɔɔ a ŋaak ni na paak,
bi sii tun yiin yaniie ki dontira.
5 Binba ki bi paŋ nyi a boor na, parpeenn tee bi yare,
ki tee binba jii bi para ki teen siir nan bin saan
Sayɔnn kunkonn boor na.
6 Baa somm ki gar Baka baakoouŋ na ni na,
ki bi te leŋ teen nyuntona.
Siɔk-i baar, ki saak baa, nyunboa tuu dɔɔre,
7 ki bi saa ki ŋammit laat paŋ tee-e
nan baa tan saa baar Yennu boor, Sayɔnn kunkonn na paak.
8 Yabint daanɔ Yennu, gbatir n miaru,
Fin nba ki Jakɔb din jiantir na, gbiintirin.
9 Yennu, kpanbar nba ki a gannɔ na, teent piisin u paak.
10 Mi-i dɔɔr daar yennkɔɔ a ŋasaakak ni,
li chee nan man dɔɔr siar po daa tusir.
Mi-i see Yennu ŋasaakak boor ki guu tammɔb,
li chee nan man kɔɔ nibiiuk ŋaak.
11 Kimaan Yennu-e tee ti guutɔɔ nan ti kpanbar,
ki tee piisin ti paak, ki ti laat burchint nan baakir,
ki binba tuun linba ŋan, u ki miimm bonŋana.
12 Yabint Yennu, parpeenn be damm nba teena yada paak.