85
Yenmiaru nba saa somm Israel teeb
1 Yennu, a mɔk ninbatinu nan a tiŋ.
A te ki Israel teeb bia ŋamm mɔkita.
2 A nyikchab a niib bi yanbɔmma,
ki bia piin bi biit kurawa.
3 A nyik ki ji ki dont wutoor nammi,
ki soor a parbeenn na.
4 Yennu, fine tee ti tinntɔɔ,
jenin nant, ki nyik, ki daa dont wutoor nanti.
5 A saa donn wutoor ti paak ki li ki mɔk yoo-o?
A kan ban nyik a wutoor maŋi-i?
6 A ŋammit, ki tii paar,
ki timm nba tee a niib na n dont a sann.
7 Yennu, want a lomm nba be yoo kur na,
ki bia sommit, ki tinnit.
8 N saa gbiint linba ki ti Yomdaanɔ Yennu yete;
li-i tee ki ti ki ŋmat ti jat binbeŋ ni,
u senn mɔsonn a u saa tur timm u niib parmaasira.
9 Barmɔnii, u teen siir nan wun tinn binba baakitɔ,
ki u baakir saa kpakin ti tiŋ ni.
10 Lomm nan barmɔnpakue che leeb,
ki kasii binbeŋ nan parmaasir barin leeb.
11 Binbenŋaŋ saa nyi tingbouŋ na nie,
ki popeensin n nyi yendɔuŋ ni.
12 Yennu saa turit linba ŋan,
ki te ki ti tiŋ n kpiak ki nan jeet.
13 Popeensime tuu lii Yennu tɔɔnn, ki ŋammit sɔnu ki teenɔ.