114
Yukitgar* 114.1 Yennu malaka din kpii Ijipt teeb bijakpera, ŋaan nyik Israel yab. (Nyinu 12.29) tiaru yaŋ
1 Israel teeb nba din nyii Ijipt yoo nba,
ŋamm Jakɔb yaaboona nba din nyii tingaŋ maŋ niŋ yoo nba na,
2 ŋamm Juda yaaboona din teen Yennu kasii niibe;
Israel teeb maŋ din teen Yennu tiɔŋ niibe.
3 Ki Mɔkmuŋ na jiant got ŋaan gbab,
ki Jɔɔdann mɔkir jit, ki ji ki puub.
4 Ki jɔjaana mɔbit nan buunii na,
ki kunkona yuuk nan pebis na.
5 Mɔkgbeŋir, bee teen ki a gbabi?
Ki fin Jɔɔdann mɔkir muni, bee teen ki a jit ki ji ki puubi?
6 Yimm jɔjaana na, bee teen ki i mɔbit nan buunii na?
Ki yimm kunkona mun, bee teen ki i yuuk nan pebis na?
7 Tingbouŋ, ii jekir nan jaŋmaanii,
kimaan Yennu baaru paak,
ŋɔɔ Yennu nba ki Jakɔb din jiantir na.
8 Ŋɔɔe kpintir tanpiit ki tee nyunbua,
ki kpintir jɔkunkona ki tee nyuntona.