146
Dontir nba saa tinnu Yennu boor
1 Pakin Yennu man. N seek, pakin Yennu.
2 N saa dont ŋɔɔe n manfoor kur ni;
n saa yin yaŋ ki tur Yennu-e.
3 Daa jikit a dindann ki tee nisaarii tɔɔndamm ni;
nisaarik kaa ki saa fit tinna.
4 Bi-i kpo, bi tuu ŋmat kpant tante,
li daar maŋ, bi lora kur tuu kpakin yanne.
5 Parpeenn be daanɔ nba ki Yennu
nba ki Jakɔb jiantir na tee u sommtɔɔ na paak,
wunba ki u dindann maa u Yomdaanɔ Yennu maŋ paak na,
6 Yennu nba nan sanpaak nan tiŋ nan mɔkgbeŋa
nan linba kur be li ni.
U yɔɔ dia u mɔsonae,
7 ki bu sommit binba be mukisuk ni,
ki bia teen komma na jeet.
Yennu-e nyint dansarkɔɔra yann,
8 ki bia te jɔɔnii nyɔɔntir.
Ŋɔɔe fiint binba baa na,
ki mɔk lomm nan u popeendamm.
9 Yennu-e guu saamm nba be ti tiŋ na ni,
ŋɔɔe sommit pakɔi nan kpeebii,
ŋaan biir biit damm na lora.
10 Yennu-e tee kpanbar yoo kur.
Sayɔnn doo, a Yennu nae sii yɔɔ dia-a yaayoo nan yaayoo.
Pakin Yennu man.