1 Arubarikaden gbɛ̃ kũ àdi gbɛ̃ vãninↄ lɛ́damma maro ũ,

àdi kifirinↄ zɛ́ sɛ́ro,

àdi vutɛ kũ gbɛ̃ foborinↄoro.

2 Dikiri doka mɛ́ àdi káagu,

àdigↄ̃ laasun lɛ́a fãnantɛ̃ kũ gwãanio.

3 À de lán lí kũ ò pɛ̀tɛ swa sarɛ bà,

a lá dì kori kɛro,

àdigↄ̃ nɛ́ i a gↄrↄa,

yã kũ àdi kɛ pínki karana vĩ.

4 À de lɛɛlɛ kũ gbɛ̃ vãninↄoro,

ò de lán ése ũkã kũ ĩa dì sɛ́tɛ bà.

5 Gbɛ̃ vãninↄ ni bo mana yãkpatɛkɛgↄrↄ zĩro,

kifirinↄ ni zɛ gbɛ̃ mananↄ sarɛro.

6 Dikiri dì gbɛ̃ mananↄ zɛ́ dãkpãńnɛ,

gbɛ̃ vãninↄ zɛ́ sↄ̃ à mì pɛ́ kakatɛnaaa.