1 Pues entonces conda numuy cora día ojron Cawinquirar Dios taca e Samuel y che:

—¿Cobꞌa tiempo tuaꞌ ituruan tzajtaca oit tamar lo que unumse ubꞌa e Saúl? Pues nen machi ixto incꞌani tuaꞌ aquetpa rey tama e Israel. Entonces qꞌueche chic cora aceite* Tama e onian tiempo matucꞌa e bote de plástico cocha ayan coner, y tamar era e Samuel quetpa tuaꞌ ucꞌampes inteꞌ cacho tuaꞌ inteꞌ wacax tuaꞌ ubꞌutꞌi e aceite tamar. tuaꞌ e teꞌ oliva, cocha cꞌani inwebꞌtet iꞌxin esto tuyotot e Isaí xeꞌ aquetpa tama e chinam Belén, cocha insicbꞌix incojt uyunen tuaꞌ aquetpa rey, che Cawinquirar Dios. 2 Entonces ojron e Samuel y che:

—Ma cocha erer tuaꞌ inxin inche bꞌan cocha war awaren. Jay acꞌotoy unata e Saúl tucꞌa tuaꞌ que war inxin bꞌana, axin uchamsen, che e Samuel.

Entonces ojron Cawinquirar Dios y che:

—Qꞌueche chic incojt chuchu wacax y aren que cꞌani iꞌxin achamse y aputa tujor niwaltar. 3 Y de allí pejcan e Isaí tuaꞌ acꞌotoy tiaꞌ war achamse e arac, y nen tuaꞌ inwaret lo que ucꞌani tuaꞌ ache. Pues chen ungir tin e inwaret tujam uyunenobꞌ tuaꞌ aquetpa rey, che Cawinquirar Dios.

4 Entonces e Samuel ixin uche lo que arobꞌna umen Cawinquirar Dios. Y conda war acꞌotoy tama e chinam Belén, locꞌoyobꞌ cora nuquir winicobꞌ xeꞌ war achinchobꞌ taca e bꞌajcꞌut tuaꞌ utajwiobꞌ ubꞌobꞌ tacar. Y uyubꞌiobꞌ tuaꞌ y chenobꞌ:

—¿War ca watet taca e jiriar y majax tuaꞌ acꞌayon? chenobꞌ e nuquir winicobꞌ. 5 Entonces ojron e Samuel y che:

—War waten tuaꞌ taca inchamse incojt arac tuaꞌ cojytzꞌi ut Cawinquirar Dios. Entonces ustesic ibꞌa† Che era que “ustesic ibꞌa”, y war che que ucꞌani tuaꞌ uchiobꞌ santificar ubꞌobꞌ tuaꞌ uyujtzꞌiobꞌ ut Cawinquirar Dios, o erer caware que aquetpa tuaꞌ aꞌtiobꞌ tuaꞌ aquetpobꞌ erach tut e Dios. y laric tacaren tuaꞌ cachamse y caputa incojt arac tut Cawinquirar Dios, che e Samuel.

Y de allí e Samuel uyare e Isaí y uyunenobꞌ tuaꞌ aꞌtiobꞌ tuaꞌ uyustes ubꞌobꞌ tuaꞌ uyujtzꞌiobꞌ ut Cawinquirar Dios, y de allí uyare tuaꞌ acꞌotobꞌ tiaꞌ tuaꞌ uchamse y uputa e arac. 6 Y conda cꞌotoyobꞌ e Samuel cay uwira ut e Eliab xeꞌ jax e sacumbꞌir y cay ubꞌijnu cocha era y che: “Pues jax ixto e winic era xeꞌ sicbꞌabꞌir umen Cawinquirar Dios tuaꞌ aquetpa rey,” xeꞌ cay ubꞌijnu e Samuel.

7 Pero Cawinquirar Dios uyare e Samuel y che: “Machi tuaꞌ awira jay galan uwirnar e winic era y nien machi tuaꞌ awira cobꞌa uwatar, porque nen majax bꞌan imbꞌijnu. Pues e winicobꞌ tara tor e rum uwirobꞌ ut uwirnar inteꞌ tuaꞌ unatobꞌ jay imbꞌutz o jay majax imbꞌutz, pero nen inchꞌujcu inwira lo que ayan tama uyalma,” che Cawinquirar Dios.

8 Entonces e Isaí upejca e Abinadab xeꞌ jax uchajr sitz, y ucꞌotes tut e Samuel. Pero ojron e Samuel y che:

—Majax sicbꞌabꞌir umen Cawinquirar Dios, che e Samuel.

9 Y de allí e Isaí upejca e Samá tuaꞌ acꞌotoy tut e Samuel, pero che e Samuel:

—Majax, che e Samuel.

10 Y bꞌan cocha era e Isaí ucꞌotes siete uyunenobꞌ tut e Samuel, pero jaxir uyare que mamajchi tujamobꞌ xeꞌ sicbꞌabꞌirobꞌ umen Cawinquirar Dios. 11 Y de allí ojron e Samuel y che:

—¿Mix ca tucꞌa más oynenobꞌ? che e Samuel.

Y che e Isaí:

—Pues ayanto incojt xeꞌ jax e cumix, pero jaxir turu tacꞌopot war ucojco cora oveja, che Isaí.

Entonces ojron e Samuel y che:

—Aren tuaꞌ axin asicbꞌana, porque machi tuaꞌ caturuan caweꞌ este que ayopa, che e Samuel.

12 Entonces e Isaí uyare tuaꞌ axin ataresna. Y conda cꞌotoy e chꞌom sitz, erna umen e Samuel que galan chacopen chacopen ut, y que galan uyeroj.

Entonces Cawinquirar Dios uyare e Samuel y che:

—Pues jax era xeꞌ sicbꞌabꞌir nimener. Chen ungir tuaꞌ aquetpa rey, che Cawinquirar Dios.

13 Entonces e Samuel uchꞌami imbꞌijc e aceite tuaꞌ e teꞌ oliva xeꞌ taresna umener, y uche ungir e David tut tunor usacunobꞌ tuaꞌ aquetpa rey. Y tamar taca e día era cꞌaxi ucꞌotorer Unawalir e Dios tama e David inyajrer. Y de allí e Samuel sutpa ixin esto tama e chinam Ramá.

14 Pues Unawalir e Dios najtiri ixin tut e Saúl, y de allí tari inteꞌ mabꞌambꞌan mein xeꞌ ebꞌtana tari umen Cawinquirar Dios xeꞌ cay uche unumse ubꞌa este que cay bꞌacta meyra. 15 Entonces tin e manobꞌ tuaꞌ uyareobꞌ cocha era y chenobꞌ:

—Cawinquiret, war uchiet anumse abꞌa inteꞌ mabꞌambꞌan mein xeꞌ ebꞌtana tari umen e Dios xeꞌ war uchiet ibꞌacta meyra. 16 Pues non caware que aren tuaꞌ asicbꞌana tin e oꞌbꞌna alajbꞌa tama e arpa, y tamar era conda e mabꞌambꞌan mein axin uchiet anumse abꞌa erer alajbꞌa este que axin asisa e bꞌajcꞌut, chenobꞌ e manobꞌ. 17 Entonces ojron e Saúl y che:

—Bueno yaꞌ. Sicbꞌanic chi xeꞌ oꞌbꞌna alajbꞌa, y taresic taniut, che e Saúl.

18 Entonces ojron incojt tujam umanobꞌ e Saúl y che:

—Pues ayan incojt winic xeꞌ ucꞌabꞌa Isaí xeꞌ aturuan tama e chinam Belén xeꞌ ayan incojt uyunen xeꞌ oꞌbꞌna alajbꞌa tama e arpa, y jax inteꞌ chꞌom sitz xeꞌ unata uche e tzꞌojyir y machi abꞌacta. Y oꞌjron taca e natanyaj, y galan uwirnar y turu Cawinquirar Dios tacar, che incojt uman e Saúl.

19 Entonces ebꞌtana ixin cora man umen e Saúl tuaꞌ uyareobꞌ e Isaí cocha era y chenobꞌ: “Actan taric oynen David xeꞌ ajcojc oveja tuaꞌ alajbꞌa taniut,” xeꞌ chenobꞌ umanobꞌ e Saúl. 20 Y entonces e Isaí ojron y che: “Uyubꞌi pue,” y de allí uyebꞌta ixin e David tuaꞌ alajbꞌa tut e Saúl. Y uyebꞌta ixin incojt chuchu chij xeꞌ cachar inteꞌ chiquiꞌ tupat xeꞌ bꞌutꞌur taca e pan tuaꞌ uyajcꞌu e Saúl. Y uyebꞌta ixin incojt chivo y inteꞌ bolsa xeꞌ chembꞌir taca e qꞌuewer xeꞌ bꞌutꞌur taca e vino. 21 Y bꞌan cocha era e David cꞌotoy quetpa ajtacarsiaj tuaꞌ e Saúl xeꞌ cꞌotoy uyajta ut meyra este que uturbꞌa tuaꞌ aquetpa tin e uqꞌueche axin uyescudo. 22 Entonces e Saúl uyebꞌta ixin inteꞌ ojroner tut e Isaí tuaꞌ ucꞌajti tuaꞌ actana aquetpa e David tacar, cocha war atzay uwira e David. 23 Entonces e Isaí ojron y che: “Uyubꞌi pue,” y bꞌan cocha era quetpa e David taca e Saúl. Y tama inyajr inyajr conda e mabꞌambꞌan mein xeꞌ ebꞌtana tari umen e Dios acꞌotoy tuaꞌ uche unumse ubꞌa e Saúl, e David acay alajbꞌa tama e arpa este que sisa uyalma e Saúl y este que anajtiri e mabꞌambꞌan mein tut.