6
Tâm kơl nôk geh nau jêr ndrăng nơm
Ơ oh nô ta nau nsing, lah geh du huê bunuyh i bu ban dôl jan ndơ djơh, bu moh i geh Brah Huêng Ueh gŭ, ăn dăp nkra bunuyh i nây ma nuih n'hâm mleh. Yơn ma njrăng săk păng nơm, klach lah geh nau ndơm kơt bunuyh i nây đŏng.* 6:1-2: Mat 18:15; Kôl 4:6; 1Tê 5:14-15; 2Tê 3:11-15 Ăn tâm kơl moh geh nau jêr ndrăng nơm, jan kơt nây khân ay may jan tâng nau vay Brah Krist ngăn. Lah bu moh i kơp êng săk păng nơm jêng bunuyh geh nau khlay, tih ma mâu ôh geh nau khlay, păng i nây jêng mƀrôh êng săk păng nơm dơm.* 6:3: Phi 2:3 Ăn du huê du huê mêt uănh êng săk păng nơm jan hŏ, ăn gŭ răm maak ma ndơ păng nơm jan hŏ, lơi ôh rđâl ma bunuyh êng,* 6:4: 1Kô 4:7 yorlah ta nar jât năp tay, dâng lĕ bunuyh iăt ma mbơh ma Kôranh Brah dâng lĕ ndơ khân păng jan* 6:5: ‘Yorlah ta nar jât năp tay...ma Kôranh Brah’, mâu lah ‘Moh ndơ Kôranh Brah ăn ma bân du huê du huê, iăt ma ăp nơm du huê du huê jan tâng’..* 6:5: Rôm 14:12
Bu moh i bu ntŭm nti nau Kôranh Brah, ăn khân păng sŏ drăp ndơ i khân păng nơm geh aƀă pă ăn ma năk i ntŭm nti ma khân păng nây.* 6:6: Luk 10:7; Kar 20:33-35; 1Kô 9:4-15 Dăn khân ay may lơi ôh vĭ, mâu dơi ôh mƀrôh Kôranh Brah, Păng mra tê̆ dôih ma bu moh i mưch Păng. Moh găr ntil i bu tuch ta neh, bu mra rek bơh găr ntil i nây ro. Bu moh i jan tâng nuih n'hâm ơm i ŭch jan djơh bơh ndŭl me, păng i nây tâm ban ma tuch găr djơh, jêh ri Kôranh Brah mra tê̆ dôih ma păng i nây ro, tâm ban ma păng i nây rek nau tê̆ dôih. Yơn ma bu moh i gŭ rêh gay ma Brah Huêng Ueh răm maak, păng i nây tâm ban ma tuch găr ueh, jêh ri păng mra geh nau rêh n'ho ro tă bơh Brah Huêng Ueh.* 6:8: Rôm 8:6 Ăn bân lơi ôh dâl jan nau ueh, tât di nar ri tay bân mra geh rek play ueh ro, lah bân jan ueh nâng.* 6:9: 2Tê 3:13; Êph 2:10 10 Lah ndri lah bân dơi jan 6:10: ‘Lah bân dơi jan’, mâu lah ‘Nôk bân hôm geh mong’., ăn bân jan ndơ ueh ma dâng lĕ bunuyh dô, lơ ma hô jan ndơ ueh ma oh nô ta nau nsing.* 6:10: Yôh 13:34-35; Rôm 12:13; 2Kô 8:12-14
Nau ntŭm nti n'glĕ dŭt
11 Uănh hŏm, rplây rso i kuŏng kuŏng i khân ay may uănh ntơm bơh ntŭk dja jât dŏng jêng ti gâp nơm nchih.* 6:11: Kôl 4:18; 2Tê 3:17 12 Mpôl bunuyh phung Israel i nchâp khân ay may koh ntô tâng nau vay Môsê, khân păng ŭch bu lư ma khân păng nơm, khân păng man ma jan kơt nây gay ma lơi ăn phung Israel jan jêr dơm, yor ma nti lĕ rklaih jêh tă bơh nsing ma Brah Krist i khât ta si tâm rkăng, mâu ôh khăch jan du ntil ndơ a êng jât.* 6:12: Gal 5:11 13 Bol lah phung i lĕ koh ntô nây, săk khân păng nơm mâu ôh ndjôt tâng dâng lĕ nau vay Môsê, khân păng đă khân may koh ntô nây, gay ma păng n'hi êng săk khân păng nơm, yor ma khân may lĕ iăt tâng nau khân păng đă.* 6:13: Gal 5:3 14 Yơn ma gâp dja, lơi ăn gâp n'hi êng săk ma du ntil ndơ, man ma n'hi êng săk ma nau khât Brah Yêsu Krist ta si tâm rkăng i Kôranh bân hŏ. Yor ma ndơ Brah Yêsu Krist jan ta si tâm rkăng i nây, dâng lĕ ndơ ta neh ntu dja mâu hôm ôh geh khlay ma gâp, jêng tâm ban ma nkhât ta si tâm rkăng i nây, jêh ri gâp tâm ban ma lĕ khât ta si tâm rkăng đŏng, ndri bunuyh i mâu nsing ma Brah Yêsu Krist mâu ôh kơp gâp khlay.* 6:14: Gal 2:19; Rôm 6:11; 1Kô 1:29-31 15 Nau geh koh ntô, nau mâu geh koh ntô, mâu ôh geh nau khlay. Ndơ i geh nau khlay jêng nau Kôranh Brah ăn nau rêh mhe, nau i nây tâm ban ma Păng njêng bân du tơ̆ jât.* 6:15-16: Gal 3:26-28; 1Kô 12:12-13; 2Kô 5:17 16 Dăn Kôranh Brah ăn nau đăp mpăn, ndrel ma nau yô̆ nđach ma bu moh i ndjôt tâng nau rêh mhe i nây, nđâp ma dâng lĕ phung i jêng ƀon lan Kôranh Brah nơm ngăn 6:16: ‘Dâng lĕ phung i jêng ƀon lan Kôranh Brah nơm ngăn’, mâu lah ‘Nđâp ma phung Israel Kôranh Brah’..
17 Ntơm bơh dja jât năp, lơi ôh ăn bunuyh jan ăn gâp geh nau jêr jât tă bơh nau bu nti nklă, yorlah khap Brah Yêsu nơm lĕ geh ta săk gâp jêh, jêng nau bu rpăt mbang ma gâp.* 6:17: 2Kô 4:10 18 Ơ oh nô ta nau nsing, dăn nau ueh Brah Yêsu Krist i Kôranh bân nơm gŭ ndrel ta nuih n'hâm khân ay may. Ơ ăn geh kơt nây ngăn ro§ 6:18: ‘Ơ ăn geh kơt nây ngăn ro’, mâu lah ‘Amen’..

*6:1 6:1-2: Mat 18:15; Kôl 4:6; 1Tê 5:14-15; 2Tê 3:11-15

*6:3 6:3: Phi 2:3

*6:4 6:4: 1Kô 4:7

*6:5 6:5: ‘Yorlah ta nar jât năp tay...ma Kôranh Brah’, mâu lah ‘Moh ndơ Kôranh Brah ăn ma bân du huê du huê, iăt ma ăp nơm du huê du huê jan tâng’.

*6:5 6:5: Rôm 14:12

*6:6 6:6: Luk 10:7; Kar 20:33-35; 1Kô 9:4-15

*6:8 6:8: Rôm 8:6

*6:9 6:9: 2Tê 3:13; Êph 2:10

6:10 6:10: ‘Lah bân dơi jan’, mâu lah ‘Nôk bân hôm geh mong’.

*6:10 6:10: Yôh 13:34-35; Rôm 12:13; 2Kô 8:12-14

*6:11 6:11: Kôl 4:18; 2Tê 3:17

*6:12 6:12: Gal 5:11

*6:13 6:13: Gal 5:3

*6:14 6:14: Gal 2:19; Rôm 6:11; 1Kô 1:29-31

*6:15 6:15-16: Gal 3:26-28; 1Kô 12:12-13; 2Kô 5:17

6:16 6:16: ‘Dâng lĕ phung i jêng ƀon lan Kôranh Brah nơm ngăn’, mâu lah ‘Nđâp ma phung Israel Kôranh Brah’.

*6:17 6:17: 2Kô 4:10

§6:18 6:18: ‘Ơ ăn geh kơt nây ngăn ro’, mâu lah ‘Amen’.