1 ዳዊተነ ኦላ ጋዳዋቱ አሳፋ ናናቱዋፐ፥ ሄማና ናናቱዋፐነ ይዱቱና ናናቱዋፐ ማስንቁዋን ዲꬃንነ ዳላን ትምቢትያ ኦድያዋንቱ ኦሶ ኦꬃናዳን ዱማዬድኖ። ባረንቶ እመቴዳ ኪታ ኦꬅና፥ ሱንꬃይ ማዝጋበቴዳ አሳቱ ሀዋንታ።

2 አሳፋ ናናይ ዛኩራ፥ ዮሴፎ፥ ናታንያነ አሳርኤላ። አሳፋ ናናይ ካቲ አዛዝና፥ ትምቢትያ ኦድያ አሳፋፐ ጋርሳና አዛዘቲኖ።

3 ይዱቱና ናናይ ጋዳልያ፥ ጻራ፥ ይሻእያ፥ ሽምአ፥ ሀሻብያነ ማቲትያ። ሀ ኡሱፑናቱ ማስንቁዋን ትምቢትያ ኦዲደ፥ መꬍና ጎዳ ጋላቲድነ ቦንቺደ፥ ባረንቱ አዉዋ ይዱቱናፐ ጋርሳና አዛዘቴድኖ።

4 ሄማና ናናይ ቡቂያ፥ ማታንያ፥ ኡዝኤላ፥ ሻቡኤላ፥ ያርሞታ፥ ሀናንያ፥ ሀናና፥ ኤልኣታ፥ ግዳልታ፥ ሮማምትኤዘራ፥ ዮሽባቃሻ፥ ማሎታ፥ ሆቲራነ ማህዝኣታ። 5 ሀዋንቱ ኡባይ ካትያዉ ትምቢትያ ኦድያ ሄማና ናና። ጾሳይ ካሰ እማና ጌዳዋዳን፥ ሄማና ꬎቁ ꬎቁ ኦꬃና ማላ፥ ሀ ታማነ ኦይዱ አቱማ ናናነ ሄዙ ማጫ ናና አዉ እሜዳ። 6 ሀዋንቱ ኡባይ መꬍና ጎዳ ጌሻ ጎልያን ዳላ ቃꬃናዉ፥ ዲꬃነ ማስንቁዋ ዲጺደነ የጺደ ጎይናናዉ፥ ባረንቱ አዉዋፐ ጋርሳና ደኢኖ።

አሳፈ፥ ይዱቱንነ ሄማን ካትያ አዛዙዋን ደኢኖ። 7 ሀዋንቱ ላታማነ ኦይዱ አሳቱ ዳሮ ኤራይ ደእያ አሳቱዋ። ኡንቱንቱ ዳቦቱ፤ መꬍና ጎዳዉ የꬃን ሎሄዳዋንታ፤ ኡንቱንቱ ኡባና ላኡ ጼታነ ሆስፑን ታማነ ሆስፑና። 8 ኡንቱንቱ ባረንቱ ኪታ ሻክ ኤራናዉ ዳሩ ጉꬃይ፥ አስታማሪ ታማሪ፥ ኡባይካ ላገꬃ ሳማ የጌድኖ።

9 ኮይሮ ሳማይ አሳፋ ናኣ ዮሴፎ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ። ላኤንꬆ ሳማይ ጋዳልያ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ። 10 ሄዛንꬆ ሳማይ ዛኩራ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ። 11 ኦይደንꬆ ሳማይ ጻራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 12 እቼሸንꬆ ሳማይ ናታንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 13 ኡሱፑንꬃ ሳማይ ቡቂያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 14 ላፑንꬃ ሳማይ አሳርኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 15 ሆስፑንꬃ ሳማይ ይሻእያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 16 ኡዱፑንꬃ ሳማይ ማታንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 17 ታማንꬃ ሳማይ ሽምአ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 18 ታማነ እተንꬅያ ሳማይ ኡዝኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 19 ታማነ ላኤንꬃ ሳማይ ሀሻብያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 20 ታማነ ሄዘንꬃ ሳማይ ሻቡኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 21 ታማነ ኦይደንꬆ ሳማይ ማቲትያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 22 ታማነ እቼሻንꬃ ሳማይ ያርሞታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 23 ታማነ ኡሱፑንꬃ ሳማይ ሀናንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 24 ታማነ ላፑንꬃ ሳማይ ዮሽባቃሻ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 25 ታማነ ሆስፑንꬃ ሳማይ ሀናና ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 26 ታማነ ኡዱፑንꬃ ሳማይ ማሎታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 27 ላታማንꬃ ሳማይ ኤልኣታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 28 ላታማነ እተንꬅያ ሳማይ ሆቲራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 29 ላታማነ ላኤንꬃ ሳማይ ግዳልታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 30 ላታማነ ሄዘንꬃ ሳማይ ማህዝኣታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ። 31 ላታማነ ኦይደንꬆ ሳማይ ሮማምትኤዘራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።