1 ታናዳን አማንያዋንቶ፥ ታን ህንተንቶ ኦዴዳ ምሽራቹዋ ቃላ ህንተ አኬዳዋነ ቃይ ህንተ አማኑ አን ኤቄዳዋ ህንተንታ ቆፈꬃይ። 2 ህንተንቱ አማኑ መላ ግዳና ꬋዮፐ፥ ቃይ ታን ህንተንቶ ኦዴዳ ቃላ ሎይꬅ ኦይቆፐ፥ ህንተ ሄ ምሽራቹዋ ቃላን አቴድታ።

3 አያዉ ጎፐ፥ ታን ቃይ አኬዳዋ ኡባባፐ አꬊደ ኮሽያዋ ካሰታደ ህንተንቶ እማድ። ሄዌ አዬ ጎፐ፥ ጾሳ ማጻፋይ ግያዋዳን፥ ክርስቶስ ኑ ናጋራ ድራዉ ኢሳ. 53:5-12 4 ሀይቂደ ሞገቴዳ። ጾሳ ማጻፋይ ግያዋዳንካ፥ ሄዘንꬅያ ጋላስ ሀይቁዋፐ ማዝ. 16:8-10፤ ማቶሳ 12:40፤ ኪታ 2:24-32 5 ደንዲደ፥ ጰጽሮሳዉ ቆንጬዳ። ሄዋፐ ጉይያን፥ ባረ ኪቴዳ ታማነ ላአቶ ቆንጬዳ። ማቶሳ 28:16-17፤ ማር. 16:14፤ ሉቃሳ 24:34፣ 36፤ ዮሃ. 20:19 6 ሄዋፐ ጉይያን፥ እቼሹ ጼቱዋፐ ዳርያ ባረና ካልያ አሳዉ እት ካላ ቆንጬዳ። ኡንቱንቱፐ ዳርያ ባጋይ ሀኖ ጋካናስካ ፓጻ ደኢኖ፤ ሽን አማሬዳዋንቱ ሀይቄድኖ። 7 ሄዋፐ ጉይያን፥ ያቆባዉ ቆንጬዳ፤ ጉየፐ ባረ ኪቴዳ ኡባቶ ቆንጬዳ።

8 ቃይ ኡባፐ ዉርሰꬃን፥ ዎዲ ጋከናን የለቴዳ ታዉካ ቆንጬዳ። ኪታ 9:3-6 9 አያዉ ጎፐ፥ የሱስ ኪቴዳ ኡባፐ ታን ላፋ፤ ታን ጾሳ ዎሳ ጎልያ ዋይሴዳ ድራዉ፥ የሱስ ኪቴዳዋ ጌተታደ ጼሰታናዉካ በስከ። 10 ሽን ጾሳ አꬎ ኬካተꬃን ታን ታናካ። ቃይ ታዉ እ እሜዳ አꬎ ኬካተꬃይ መላ ግድቤና፤ ሽን ታን ኡንቱንታ ኡባፐ አꬃደ ኦꬃድ። ሽን ታናና ደእያ ጾሳ አꬎ ኬካተꬃይ ኦꬄዳፐ አትን፥ ታና ግድከ። 11 ስም ታና ግዶፐካ፥ ዎይ ኡንቱንታ ግዶፐካ፥ ኑን ኡባይ ኦድያዌ ሀዋ፤ ህንተንቱካ ሀዋ አማኔድታ።

12 ክርስቶስ ሀይቁዋፐ ደንዴዳዋ ኦድያዋ ግዶፐ፥ ህንተንቱፐ እት እት አሳቱ ያትና ዎቲደ፥ “ሀይቄዳ አሳይ ሀይቁዋፐ ደንደና” ያጊኖ? 13 ሀይቄዳ ኡራይ ሀይቁዋፐ ደንድቤናዋ ግዶፐ፥ ያትና ሄኮ ክርስቶስካ ሀይቁዋፐ ደንድቤና ግያዋ። 14 ክርስቶስ ሀይቁዋፐ ደንድቤናዋ ግዶፐ፥ ያትና ኑን ኦድያዌካ መላ፤ ቃይ ህንተ አማኑካ መላ። 15 ቃይ ኑን፥ “ክርስቶሳ ሀይቁዋፐ ደንꬄዳ” ያጊደ ጾሳባ ማርካቴዳ ድራዉ፥ አ ዎርዶ ማርካቱዋ ግዲደ ቤቴዶ። ሽን ሀይቄዳዋንታ ሀይቁዋፐ እ ደንꬅቤናዋ ግዶፐ፥ ክርስቶሳካ ደንꬅቤና። 16 አያዉ ጎፐ፥ ሀይቄዳዋንቱ ሀይቁዋፐ ደንደናዋ ግዶፐ፥ ስም ክርስቶስካ ደንድቤና። 17 ክርስቶስ ሀይቁዋፐ ደንድቤናዋ ግዶፐ፥ ህንተ አማኑካ መላ፤ ቃይ ህንተ ሀዋ ጋካናዉካ ናጋራና ደኢታ። 18 ስም ክርስቶሳ አማኒደ ሀይቄዳዋንቱካ ቃይ ꬋዬድኖ ግያዋ። 19 ኑን ሀ ደኡዋ ጻላላዉ ክርስቶሳን ህዶቴዳ *ህዶታ፦ ክርስቶሳን ኑ ዎꬄዳ ኑ ኡባ ህዶታይ፥ ሀ አላምያን ደኡዋሳ ግዶፐ፥ ሀ አላምያን ደእያ ሀራ አሳቱዋ ኡባፐካ ኑባይ አꬊደ ኢታ፥ ጉሳ። ግዶፐ፥ ሀ አላምያን ደእያ አሳ ኡባፐካ ኑባይ ሎኤና።

20 ሽን ክርስቶስ ሀይቄዳዋንቱ ደንዶ ባይራ ግዲደ፥ ሀይቁዋፐ ደንዴዳዌ ቱማ። 21 አያዉ ጎፐ፥ ሀይቁ እት አሳ ባጋና ሀ አላምያ ዬዳ፥ ሀይቄዳዋንቱ ደንዱካ ቃይ እት አሳ ባጋና ዬዳ። 22 አያዉ ጎፐ፥ አሳይ ኡባይ አዳማና እትፐተꬃ መꬌዳ ድራዉ ሀይቄዳዋዳን፥ ክርስቶሳና እትፐተꬃ መꬌዳ ድራዉ፥ ኡባይ ደኦ ደንዳና። 23 ሽን ኡባይካ ባረ ካላን ካላን ደንዳና። ክርስቶስ ኡባፐ ካሰቲደ ደንዴዳ፤ ሄዋፐ ጉይያን፥ ክርስቶሳዋንቱ ክርስቶስ ይያ ዎደ ደንዳና።

24 ሄዋፐ ጉይያን፥ ክርስቶስ ማታ ኡባ፥ ጎዳተꬃ ኡባነ ዎልቃ ኡባ ꬋይሲደ፥ ጾሳዉ ባረ አቦ ካዉተꬃ እምያ ዎደ፥ ዎድያ ዉርሰꬃይ ያናዋ። 25 አያዉ ጎፐ፥ ጾሳይ አ ሞርከቱዋ ኡባ አ ገድያፐ ጋርሳና ዎꬃና ጋካናዉ፥ ክርስቶስ ሞዳናዉ በሴ። ማዝ. 110:1 26 ኡባፐ ዉርሰꬃን ꬋዪደ ደእያ ሞርኪ ሀይቁዋ። 27 አያዉ ጎፐ፥ ጾሳ ማጻፋይ፥ “ጾሳይ ኡባባ አ ገድያፐ ጋርሳና ዎꬂደ ሞድሴዳ” ያጌ። ሽን ኡባባ አ ገድያፐ ጋርሳና ዎꬂደ ሞድሴዳ ግያ ዎደ፥ ኡባባ ኦꬄዳ ጾሳፐ አትን፥ የኮ ኡባይ ሞደቴዳ ግያዌ ቆንጨ። ማዝ. 8:6 28 ሽን ኡባባይ ክርስቶሳዉ ሞደቴዳዋፐ ጉይያን፥ ክርስቶስ ቃይ ባረ ሁጰዉ ኡባባ ባረና ሞድሴዳ ጾሳዉ ሞደታና። ጾሳይ ቃይ ኡባባ ዉርሲደ ሞዳና።

29 ሄዋ ግዳና ꬋዮፐ፥ ሀይቄዳዋንቱ ኮታ ጻማቀትያዋንቱ አያ ኦꬂኖ? ሀይቄዳዋንቱ ኡባካ ደንደናዋ ግዶፐ፥ አሳይ ሀይቄዳዋንቱ ኮታ አያዉ ጻማቀቲ?

30 ያትና፥ ኑን ኡባ ዎደ አያዉ ሀሳየና መቱዋን ገሌቶ? 31 ታናዳን አማንያዋንቶ፥ ታን ኑ ጎዳ ክርስቶሳ የሱሳን ታዉ ደእያ ህንተናን ጬቀታደ፥ ጋላሳን ጋላሳን ሀይቃይ። 32 ታን ኤፈሶነን አሳ ቆፋዳን ዱኣና ባጸቴዳዌ ታና አያ ማዲ? ሽን ሀይቄዳዋንቱ ሀይቁዋፐ ደንደናዋ ግዶፐ፥

33 ጭመቶፕተ፤ ኢታ ላገተꬃይ ሎኦ ሀኖታ ባይዜ። 34 ጽሎተꬃኮ ስምተ። ናጋራ ኦꬆፕተ። ህንተንቱፐ እት እት አሳይ ጾሳ ኤረና፤ ታን ሀዋ ህንተንታ ዬላያናዉ ጋይ።

35 ሽን እት አሳይ፥ “ሀይቄዳ አሳይ ዋኒደ ደንዳኔ? ኡንቱንቱ አያ ማላ ቦላና ያኔ?” ያገናን አገና። 36 ኔኖ ኤያዉ፥ ኔን ጋድያን ዘርያ ዘረꬃይ ሀይቀናን ሞከና። 37 ኔን ዘርያዌ ዛርጋ ግድና ዎይ ሀራ ቆሞ ካꬃ ግድና፥ አይፍያ ጻላላፐ አትን፥ ላም ዶሊደ ከስያዋ ግደና። 38 ሽን ጾሳይ ዘረꬃዉ ባረ ዶሴዳ ቦላ እሜ፤ ቃይ ዘረꬃ ኡባዉካ ሁጲያን ሁጲያን ኡንቱንቱ ቦላ እሜ። 39 መታ ኡባ አሹ እቱዋ ግደና። ሽን አሳ አሹ እቱዋ፤ መህያ አሹ ዱማ፤ ካፋቱዋ አሹካ ዱማ፤ ቃይ ሞልያ አሹካ ዱማ።

40 ቃይ ሳሉዋ አሳተꬃቱነ ሳኣ አሳተꬃቱ ደኢኖ። ሽን ሳሉዋ ቦላ ቦንቹ ዱማ፤ ቃይ ሳኣ ቦላ ቦንቹ ዱማ። 41 አዋይፍያዉ አ ሁጰ ቦንቹ ደኤ። አገናዉካ አ ሁጰ ቦንቹ ደኤ። ቃይ ጾልንታቶካ ዱማ ቦንቹ ደኤ፤ አያዉ ጎፐ፥ እት ጾልንቲ የኮ ጾልንትያፐ ቦንቹዋን ዱማቴ።

42 ቃይ ሀይቄዳዋንቱ ሀይቁዋፐ ደንድያ ዎደ ሄዋዳን ሀናና፤ ሀይቂያ ቦላይ ሞገቲደ፥ ሀይቀና ቦላ ግዲደ ደንዳና። 43 ቦላይ ቶሽያን ሞገቲደ፥ ቦንቹዋን ደንዳና። ቃይ ዳቡራን ሞገቲደ፥ ዎልቃን ደንዳና። 44 መታ ቦላይ ሞገቲደ፥ ጌሻ አያናን ካለሰትያ ቦላ ግዲደ ደንዳና። መታ ቦላይ ደኦፐ፥ ቃይ ጌሻ አያናን ካለሰትያ ቦላይካ ደኤ።

45 ሀዋዳንካ፥ ቃይ ጾሳ ማጻፋን፥ “ኮይሮ ብታኒ፥ አዳም፥ ፓጻ ደእያ አሳ ግዲደ መቴዳ” ያጌ። ሽን ዉርሰꬃ አዳም ደኡዋ እምያ አሳ ግዴዳ። ዶመꬃ 2:7 46 ሽን መታ አሳይ ኮይሮ ዪና፥ ጌዶፐ አያና አሳይ ዬዳፐ አትን፥ አያናዌ ኮይሮ ይቤና። 47 ኮይሮ አዳም ቢታፐ መቴዳ፤ እ ቢታፐ መቴዳዋ። ላኤንꬁዋ አዳም ሳሉዋፐ ዬዳ። 48 ሀ ሳኣ አሳቱ ቢታፐ መቴዳዋ ማላቲኖ። ቃይ ሳሉዋ አሳቱ ሳሉዋፐ ዬዳዋ ማላቲኖ። 49 ኑን ቢታፐ መቴዳዋ ማላ ማዬዳዋዳን፥ ሳሉዋፐ ዬዳዋ ማላካ ቃይ ማያና።

50 ታናዳን አማንያዋንቶ፥ ታን ግያዌ ሀዋ፤ አሹነ ሱꬃይ†ሀ ሳኣ ቦላ ደኢደ አሳይ ማዬዳ አሹዋነ ሱꬃ፥ ጉሳይ ሀ አላምያ አሳተꬃ ጉሳ። ጾሳ ካዉተꬃ ላታና ዳንዳየና። ቃይ ዎቂያዌ ዎቀናዋ ላተና።

51-52 ስስተ! ታን ህንተንቶ እትባ ጹራይ። ኑን ኡባይ ሀይቆኮ። ሽን ዉርሰꬃ ጹሩምባይ ፑነትያ ዎደ፥ ልጴዳ አይፊ ጼላናዉ ዎዛና አናን ላመታና። አያዉ ጎፐ፥ ጹሩምባይ ፑነትያ ዎደ፥ ሀይቄዳ አሳይ ዎቀና አሳ ግዲደ ደንዳና፤ ኑንካ ላመታና። 1 ተስ. 4:15-17 53 አያዉ ጎፐ፥ ሀዌ ዎቂያዌ ዎቀናዋ ማያናዉ በሴ፤ ቃይ ሀዌ ሀይቂያዌ ሀይቀናዋ ማያናዉ በሴ።

54 ሽን ሀዌ ዎቂያዌ ዎቀናዋ ማይያ ዎደ፥ ቃይ ሀዌ ሀይቂያዌ ሀይቀናዋ ማይያ ዎደ፥ ሄ ዎደ፥ ጾሳ ማጻፋይ፥

58 ታን ሲቅያ ታናዳን አማንያዋንቶ፥ ሄዋ ድራዉ፥ ቃጸናን ምን ኤቂተ። ህንተንቱ ዳቡራይ ጎዳ ባጋና መላ ግደናዋ ኤሪደ፥ ኡባ ዎደ ጎዳ ኦሱዋ አዛለናን ኦꬅተ።