የሱስ ኪቴዳ ዮሃንስ ጻፌዳ ኮይሮ ኪታይ፥ ላኡ ሁጰ ቆፋቱዋ ኦይቄዳ፤ ሄዋንቱካ: ናባብያዋንቶ ጾሳናነ አ ናኣ የሱስ ክርስቶሳና እትፐተꬃይ ደአናዳን መንꬃናሳነ ሀ እትፐተꬃ ꬋይሳናዉ ዳንዳይያ ዎርዶ ትምርትያፐ ኡንቱንቱ ሃካና ማላ፥ ምንሲደ አኬክሳናሳ። ሄ ዎደ ደንዴዳ ዎርዶ ትምርቲ “ኢታተꬃይ ፑልትያዌ ሀ ኑን ደእያ ዎልቃማ አላምያና ጋከትያ ጋከꬃና ግድያ ድራዉ፥ ጾሳ ናአይ የሱስ ሙለካ አሳ ግዳናዉ ዎይ፥ አሳተꬃ ኤሻይ አዉ ደአናዉ ዳንዳየና” ያግያዋ። ሄ አስታማራቱ፥ “አቶተꬃ ጉሳይ አላምያ ደኦ ኡንኤትያዋፐ ላአ ከስያዋ” ያጊኖ። ሄዋ ቦላካ ቃይ “ኢታነ ኬካ ሻኪደ ኦይቂያዋ ዎይ፥ ሀራ አሳዉ ሲቁዋ በስያዋ ግዶፐካ፥ አቶተꬃና ኡንቱንታ ጋꬅያባይ ባዋ” ያጊኖ።

ጻፊ ሀ ትምርትያ ኤቀቲደ፥ “የሱስ ክርስቶስ ፖሎ አሳ፤ የሱሳን አማንያዋንቱነ ጾሳ ሲቅያዋንቱ ኡባይ ባረንቱ ግዶንካ እቱ እቱዋና ሲቀታናዉ በሴ” ያጊደ ኦዴዳ።