1 ካቲ ሶሎሞነ እስራኤልያ ቢታ ኡባ ቦላ ካተቴዳ። 2 እ ሱንꬄዳ ካፓቱ ሀዋፐ ካሊደ ጻፈቴዳዋንታ። ሳዶቃ ናአይ አዛርያስ ቄሳ፤ 3 ሺሻ*ሺሻ፦ ሀ ብታኒ እብራዌꬁዋን ኦይዱ ዱማ ዱማ ሱንꬃን ጼሰቴ 2 ሳም። 8:17፤ 20:25 ነ 2 ኦድ። 18:16 ጼላ። ናናይ ኤልሆሬፍነ አኪይ ዋና ጻፈቱዋ፤ አህሉዳ ናአይ ዮሳፌጸ ሀኔዳባ ጻፍያዋ፤ 4 ዮዳሄ ናአይ ባናይ ኦላ ጋዳዋ፤ ሳዶቅነ አብያታረ ቄሳቱ ዋ፤ 5 ናታና ናአይ አዛርያስ ደርያ ሄምያዋንቱ ካፑዋ፤ ናታና ናአይ ዛቡድ ቄሰነ ካትያ ዱማ ዞርያዋ፤ 6 አህሻር ካትያ ጎልያ ካፑዋ፤ አብዳ ናአይ አዶንራም ጎሻንቻቱዋ ካፑዋ።

7 ቃይ ሶሎሞናዉ እስራኤልያ ቢታን ኡባን ታማነ ላኡ ደረቱዋ ሄምያዋንቱ ደኢኖ፤ ኡንቱንቱ ካትያዉነ ካትያ ሶን ደእያ አሳ ኡባዉ ምያ ካꬃ አህያዋንታ። ኡንቱንቱፐ እቱ እቱ ላይꬃ ግዶን እት እት አግና ካꬃ አሄ። 8 ኡንቱንቱ ሱንꬃይ ሀዋፐ ካሊደ ጻፈቴዳ።

በንሁር ኤፍሬማ ገዝያ ሄምያዋ። 9 በንደቃር ማቃጻ፥ ሻአልቢማ፥ ቤት-ሸመሻነ ኤሎን-ቤትሀናና ካታማቱዋ ሄምያዋ። 10 በንሄሴድ አሩቦታ ቢታ ሄምያዋ፤ ሶኮ ቢታይ ሄፌራ ቢታይ ኡባይካ አዋ። 11 በናብናዳብ ዶራ ግያ ቢታ ኡባ ሄምያዋ፤ እ ሶሎሞና ናቶ ጻፋቶ አኬዳዋ። 12 አህሉዳ ናአይ ባኣና ታእናካነ ማግዶ ግያ ካታማቱዋ፥ እዝራኤልያፐ ጋርሳን ጻርታና ማታን ደእያ ቤትሻና ቢታ ኡባ፥ ቤትሻናፐ ቢደ አቤል-ማሆላና አꬊደ፥ ዮቅማኣማ ሄፍንꬃ ጋካናዉ ደእያ ካታማቱዋ ሄምያዋ። 13 በንገቤር ጋላኣደን ራሞታ ግያ ካታማ፥ ጋላኣደን ምናሰ ናኣ ያኢራ ካታማቱዋነ፥ ዩሹዋን ግምቤነ ግምቢያ ፐንገቱዋን ናሃስያ ብራታ ሽካላቱ ደእያ ኡሱፑን ታሙ ዎልቃማ ካታማቱዋና ደእያ፥ አርጎባ ግያ ቢታ ሄምያዋ አርጎብ ባሳነን ደኤ። 14 እዶ ናአይ አህናዳብ ማህናይማ ግያ ቢታ ሄምያዋ። 15 አህማኣጽ ንፍታሌማ ቢታ ሄምያዋ፤ እ ሶሎሞና ናቶ ባሰማቶ አኬዳ። 16 ሁሻያ ናአይ ባኣን አሴራ ጋድያነ ባኣሎታ ካታማ ሄምያዋ። 17 ፓሩሀ ናአይ ዮሳፌጸ ይሳኮራ ቢታ ሄምያዋ። 18 ኤልያ ናአይ ሽምእ ቢንያማ ቢታ ሄምያዋ። 19 ኡራ ናአይ ገቤር ጋላኣደ ቢታን አሞራዋናቱዋ ካቲ ስሆንነ ባሳነ ካቲ ኦግ ካተቴዳ ቢታቱዋ ሄምያዋ፤ ሄ ቢታቱዋ ሄምያዌ አ ጻላላ።

20 ይሁዳ አሳይነ እስራኤልያ አሳይ አባ ዶና ሻፍያዳን ጮራቴድኖ፤ ኡንቱንቱ ሚድነ ኡሺደ ናሸቲደ ደኢኖ። 21 ሶሎሞነ ኤፍራጺሳ ሻፋፐ ዶሚደ ፕልስጼማ ጋድያ ጋካናዉ፥ ሄዋፐካ ግብጼ ዛዋ ጋካናዉ ደእያ ካዉተꬃቱዋ ኡባ ሞዴዳ። ሄ ቢታ አሳቱ አዉ ጊራ ጊሬድኖ፤ ኡንቱንቱ አ ደኡዋ ላይꬃ ኡባን አዉ ሞደቴድኖ። ዶመꬃ 15:18፤ 2 ኦዱዋ 9:26

22 ሶሎሞናዉ ሀቼ ሀቼ ቁማዉ እሻታሙ ኮንታለ ሙሩታ ꬊልያ፥ ጼቱ ኮንታለ ꬊልያ፥ 23 ꬊክና ሞꬌዳ ታሙ ቦራቱዋ፥ የዳን ሜዳ ላታሙ ቦራቱዋነ ጼቱ ዶርሳቱዋ፥ ኡንቱንቱ ቦላካ ጋራቱዋ፥ ገንኤቱዋነ ኦርዶ ኩቶቱዋ ኮሼ።

24 ሶሎሞነ ኤፍራጺሳ ሻፋፐ አዋይ ዉልያ ባጋና ደእያ ካዉተꬃቱዋ ኡባ ትፍሳሀ ካታማፐ ዶሚደ ጋዛ ካታማ ጋካናዉ ሞዴዳ፤ ባረ ዩሹዋን ደእያ ቢታ ኡባናካ ሳሮ ደኤዳ። 25 አ ደኡዋ ላይꬃ ኡባን ይሁዳ አሳይነ እስራኤልያ አሳይ ዳናፐ ቢደ በርሳበሀ ጋካናዉ፥ ኡባይ ባረ ዎይንያ ቱራ ኩዋንነ ባረ ባላስያ ኩዋን ሳሮ ደኤዳ።

26 ሶሎሞናዉ ኦላ ፓራ ጋረቱዋ ጎችያ ኦይታሙ ሻአ ጋጻታ ፓራቱነ ታማነ ላኡ ሻአ ፓራ አሳቱ ደኢኖ። 1 ካታ. 10:26፤ 2 ኦዱዋ 1:14፤ 9:25 27 ሄ ደርያ ሄምያዋንቱ ባረንቱ አግናን አግናን ካቲ ሶሎሞንነ አ ማዳን ማናዉ ዬዳ አሳይ ኡባይ ምያባ ሺሼድኖ። ኡንቱንቱ ሄዋፐ አያነ ፓጭስበይክኖ። 28 ኡንቱንቱ ቃይ ጋርያ ፓራቱነ የንኮ ፓራቱ ማናዉ ባንጋነ ዳላ ባረንታ ጋኬዳዋ ጋኬዳዋ አሂደ አ ዎꬅያ ሳኣን ዎꬄድኖ።

29 ጾሳይ ሶሎሞናዉ አꬌዳ ኤራ፥ አኬካነ ዛዋይ ባይና አኮ ቆፋ እሜዳ። 30 ሶሎሞና አꬌዳ ኤራተꬃይ አዋይ ዶልያ ባጋና ደእያ አሳ ኡባ አꬌዳ ኤራተꬃፐነ ግብጼቱዋ አꬌዳ ኤራተꬃ ኡባፐ አꬌዳ። 31 እ አሳ ኡባፐ አꬌዳ ኤራንቻ፤ ቃይ እ ኤዝራህያ ኤታናፐካ፥ ማሆላ ናናቱዋ ሄማናፐ፥ ካልኮላፐነ ዳርዳአፐካ አꬌዳ ኤራንቻ። አ ዎሪ ዩሹዋን ደእያ ካዉተꬃቱዋ ኡባ ጋኬዳ። ማዝ. 89 (ሁጲያ) 32 እ ሄዙ ሻአ ሌምሳቱዋ ሃሳዬዳ፤ ቃይ አ የꬃቱ እት ሻአነ እቼሻ። ሌም. 1:1፤ 10:1፤ 25:1፤ ስቁዋ 1:1 33 ሶሎሞነ ሊባኖሳ ዝጋፐ ዶሚደ፥ ጎልያ ግምቢያ ቦላ ሞክያ ሂሶጵያ ግያ ምꬃ ጋካናዉ፥ ምꬃባ ኦዴዳ፤ ሄዋዳንካ ቃይ መሄቱዋባ፥ ዶአቱዋባ፥ ካፎቱዋባ፥ ሳኣና ጎሸትያ መታቱዋባነ ሞለቱዋባ ታማርሴዳ። 34 አ አꬌዳ ኤራ ስሴዳ ሳኣን ደእያ ካተቱ ኡባይ ኪትና፥ ካዉተꬃ ኡባፐ አሳይ ሶሎሞና አꬌዳ ኤራ ስሳናዉ ዬዳ።