1 ሶሎሞነ ባረ ጎልያ ታማነ ሄዙ ላይꬃን ኬጺደ ዉርሴዳ። 2 ሊባኖሳ ዎራ ጎልያ ጌተትያ ጎልያ ሶሎሞነ ኬጼዳ፤ ሄ ጎልያ አዱሳተꬃይ ጼቱ ዋꬋ፤ ጎምፓይ እሻታሙ ዋꬋ፤ ጌሳይ ሀታሙ ዋꬋ። ዝጋ ቱቀቱ ኦይዱ ማራን ኤቄድኖ፤ ቃይ ማሰቴዳ ዝጋ ሙደꬃቱ ኡንቱንቱ ቦላ ዎꬌድኖ፤ 3 ሙደꬃቱ ሄዙ ማራን፥ እት እት ማራን ታማነ እቼሹ ሙደꬃቱ ደኢኖ፤ ኡንቱንቱ ኡባና ኦይታማነ እቼሻ። 4 ሄ ጎልያዉ ማስኮተቱ ሄዙ ማራን ደኢኖ፤ ኡንቱንቱ እቱ እቶ ስንꬃ ባጋን ደኢኖ። 5 ፐንገቱነ ማስኮተቱ ኦይዱ ዞዝያና ደኢኖ፤ ማስኮተቱ ሄዙ ማራን ግዲደ፥ እቱ እቶ ስንꬃ ባጋን ደኢኖ።

6 ሶሎሞነ ቱቀቱ ጎልያ ጌተትያ ጎልያካ ኬጼዳ፤ ሄ ጎልያ ኣዱሳተꬃይ እሻታሙ ዋꬋ፤ ጎምፓይ ሀታሙ ዋꬋ። ሄ ጎልያ ስንꬃን ዳሮ ቱቅያን ዘምፔዳነ ቦላና ካራን ካመቴዳ ባራንዳይ ደኤ። 7 ቃይ እ ፕርዳዉ ካዉተꬃ አራታይ ደእያ ፕርዳ ጎልያካ ኬጼዳ፤ ሄ ኬꬃይ ዉይግያፐ ቢደ ካራ ጋካናዉ ዝጋን ካመት ኡቴዳ። 8 ፕርዳ ጎልያፐ ጉየን ደእያ ሀራ ዳባባን ባረዉ ደአናዉ ካትያ ጎልያ የንኮ ጎለቱዋዳን ኦꬂደ ኬጼዳ፤ ባረ ማቻትዉ፥ ግብጼ ካትያ ናትዉካ ሄ ጎልያ ማላ ጎልያ ኬጼዳ። 1 ካታ. 3:1

9 ሀ ጎለቱ ኡባይ፥ ካረፐ ዶሚደ ቢደ ድርሳፐ ሶና ደእያ ዎልቃማ ጉታራ ጋካናዉ፥ ባሱዋፐ ዶሚደ ካራ ጋካናዉ፥ ልኪደ ማሴዳነ ሶናነ ካረና ሶፊደ ጊግሴዳ አልኦ ሹቻፐ ኦሰቴድኖ። 10 ግምቢ ሂጸቴዳዌ ታሙ ዋꬋ ዎይ ሆስፑን ዋꬋ ግድያ ሎአ ማሰቴዳ ዎልቃማ ሹቻና። 11 ሄዋፐ ቦላ ባጋና ልከቲደ ማሰቴዳ አልኦ ሹቻይነ ዝጋ ሙደꬃይ ደኤ። 12 ዎልቃማ ዳባባ ዩሹዋን ደእያ ግምቢ መꬍና ጎዳ ጌሻ ጎልያዳንነ ባራንዳዳን ማሰቴዳ ሹቻ ሄዛቱዋ፥ እቱዋ እቱዋ ቦላ ዎꬂደ፥ እት ዝጋ ማሰꬃ ኡንቱንቱ ቦላ ዎꬂደ ግምቤዳዋ።

13 ካቲ ሶሎሞነ ኪቲደ፥ ሁራማ ግያ ብታንያ ቂሮሳ ካታማፐ አሂሴዳ። 14 ሁራማ አታ አምኤ፤ አ ንፍታሌማ ዛረ አሳ። አ አዉ ቂሮሳ አሳ። ሁራም ናሃስያ ግያ ብራታ መꬍያ ሂላይ ደእያ አሳ፤ እ ናሃስያፐ ቆጺደ ከስያዋን ኡባን ሎይꬅ ሎሄዳ አሳ፤ ሶሎሞነኮ እ ዪደ፥ አ ኦሱዋ ኡባ ኦꬄዳ።

15 ሁራም እቱዋ እቱዋ ጌሳይ ታማነ ሆስፑን ዋꬋ አዱቂደ፥ ዩሹ ታማነ ላኡ ዋꬋ አኬዳ ላኡ ቱሳቱዋ ናሃስያ ሲልሲደ ትጊደ ከሴዳ። ቱሳቶ ግዱ ኮፋ። 16 ሄዋዳንካ፥ ቱሳቱዋ ሁጲያን ዎꬃናዉ ላኡ ጉምቦቱዋ ናሃስያፐ ሲልሲደ፥ መꬌዳ፤ እት እት ጉምቡ እቼሹ ዋꬋ አዱቄ። 17-18 ቱሳ ሁጲያን ደእያ እት እት ጉምቦቱዋ ግትያዳን ኦꬄዳ ላፑን ሳንሳላታ ቃጽቃሎቱዋንነ ላኡ ማራና ሮማነ ግያ ቴራ ምስለቱዋን አሌቂስ ዎꬄዳ። 19 ባራንዳን ኤቄዳ ቱሳቱዋ ቦላ ደእያ ጉምቦቱ ጪሻ ማላን መቴድኖ፤ ኡንቱንቱ ጌሳይ ኦይዱ ዋꬋ። 20 ላኡ ቱቀቱ ሁጲያን ደእያ ጉምቦቱዋን ሙሉሙቀቱ ኡቴዳ ሳፐ ቦላ ባጋና፥ ሳንሳላታ ቃጽቃሉዋፐ ካሊደ፥ ላኡ ጼቱ ሮማነ ቴራ ምስለቱ ላኡ ማራን ዩይ አꬊደ ደኢኖ። 21 ሁራም ሄ ላኡ ቱሳቱዋ ጌሻ ጎልያ ባራንዳ ማታን ኤሴዳ። ኡሸቻ ባጋና ኤቄዳ ቱሳ ያኪና ሱንꬄዳ፤ ሀድርሳ ባጋና ኤቄዳ ቱሳ ቃይ ቦኤዛ ሱንꬄዳ። 22 ቱሳቱ ሁጲያን ደእያ ጉምቦቱ ጪሻ ማላቲደ መቴድኖ። ሄዋዳን ሀኒደ ቱሳቱዋ ኪታይ ፖለቴዳ።

23 ሁራም አባ ሳኒያ ግያ እት ሎይꬅ ዎልቃማ ዎንግርያ ናሃስያ ብራታፐ ሲልሲደ ትግ መꬌዳ። ሄ አባ ዎንግርያ ዶናይ ሀ ጋጻፐ ያ ጋጻ ጋካናዉ ታሙ ዋꬋ፤ ጌሳይ እቼሹ ዋꬋ፤ ዩሹ ቃይ ሀታሙ ዋꬋ። 24 አባ ዎንግርያ ዶናን ካረ ባጋና ዝቂ ጊደ፥ አናና ኦይቀቲደ መቴዳ ጎሰቱዋ ምስለቱ ደኢኖ፤ ሄ ጎሰቱዋ ምስለቱ ላኡ ማራን፥ እት እት ዋꬋን ታሙ ታሙ ዩይ አꬊደ ሹሸቴድኖ።

25 ሄ አባ ሳኒ ናሃስያ ብራታፐ መቴዳ ታማነ ላኡ ቦራቱዋ ምስለቱ ዞክያን ኡቴዳ። ቦራቱዋ ምስለቱዋፐ ሄዛቱ ሁጲሳ ባጋ፥ ሄዛቱ አዋይ ዉልያ ባጋ፥ ሄዛቱ ገድሳ ባጋ፥ ሄዛቱ ቃይ አዋይ ዶልያ ባጋ ስሚደ ጼልያዋ ማላቲኖ። አባ ሳኒ ኡንቱንቱ ቦላ ኡቴዳ፤ ኡንቱንቶ ጉየ ባጋይ ግዱዋኮ ስም ኡቴዳ። 26 አባ ሳኒ እት ታካ ኬሻ ኦርዱዋ፤ አ ዶናይ ዋንጫ ዶና ማላ፤ ቃይ ጪሻይ ጪሼዳዋካ ማላቴ። ሄ አባ ሳኒ ኦይታሙ ሻአ ሊትሮ ግድያ ሃꬃ ኦይቂያዋ።

27 ሁራም ቃይ ታሙ ጋረቱዋ ናሃስያ ብራታፐ መꬌዳ። ሄ ጋረቱ እቱ እቱ ኦይዱ ዋꬋ አዱሳ፤ ኦይዱ ዋꬋ አኮነ ሄዙ ዋꬋ ꬎቃ። 28 ሄ ጋረቱ ሀዋዳን ኦሰቴድኖ፤ ፑደ ኤቄዳ ኦይዱ ብራታቱዋ ቦላ ፕድ ጊደ ሎቻ ናሃስያ ብራታቱ ኦይቀት ኡቴድኖ። 29 ሄ ብራታቱዋ ቦላ ጋሞቱዋ፥ ቦራቱዋነ ክሩበላ ማላትሲደ መꬌዳ ምስለቱ ደኢኖ፤ ጋሞቱዋነ ቦራቱዋ ምስለቱዋፐ ሁጲሳናነ ህርክ ባጋና ደእያ ብራታቱዋ ቦላ ቃይ ቆጺደ መꬌዳ ጪሻ ኤንጩርሳ ምስለቱ ደኢኖ። 30 እት እት ጋርያዉ ናሃስያፐ ኦꬄዳ ኦይዱ ይንግርያዋንቱነ ይንግርያዋንታ ጋꬅ ዋጽያ ናሃስያ ካሶቱ ደኢኖ። ሄዋዳንካ፥ ኦይዱ ዞዘቱን ከርያ ዘምፕስያባቱ ደኢኖ። ሄ ዘምፕስያባቱ ጪሻ ኤንጩርሳ ማላትያ ምስለቱዋን አሌቀት ኡቴድኖ። 31 ጋርያ ዘምፕስያባቱ ሁጲያን ይንግርያዋንቱ ኡቴዳ ሻሺ ደኤ፤ ሄ ሻሺ ጋርያ ጼራፐ ፑደ እት ዋꬋ ግድያዋ ꬎቁ ጊደ፥ ዱገ ባጋ ዋꬋ ግድያዋ ዝቂ ጊደ መቴ። ሄ ሻሽያዉ ዶናይ ዩይ አꬊደ ምስልያን አሌቀት ኡቴዳ። 32 ይንግርያዋንቱ ጌሳይ እት ዋꬋነ ባጋ፤ ይንግርያዋንቱ ሎቻ ናሃስያ ብራታቶ ጋርሳ ባጋና ደኢኖ። እርዝዞቱ ኦይቀት ኡቴዳ ካሶቱ ጋርያና ኦይቀት ኡቴድኖ። 33 ይንግርያዋንቱ ኦላ ፓራ ጋርያ ይንግርያዋንቱዳን መቴድኖ፤ ይንግርያዋንታ ጋꬂደ ኦይቂያ ካሶቱ፥ ቻርከቱነ ቅንቂረተቱ ኡባይካ ናሃስያፐ ትገቲደ ኦሰቴድኖ። 34 ሄ ጋረቱዋ ኡባ ዞዘቶካ ኡንቱንቱ ህርክ ባጋና ህርክባጋና ኡንቱንቱና እቱዋ ግድ ኦይቀቲደ፥ ናሃስያፐ መቴዳ ዘምፖቱ ደኢኖ። 35 እት እት ጋርያ ሁጲያ ዩሹዋን እት ዋꬋዉ ባጋ አዱቂያ ሻሺ ደኤ፤ ዘምፖቱነ ሎቻ ናሃሰቱ ጋርያና ኦይቀቲደ፥ እቱዋ ግዲደ ኦሰቴድኖ። 36 ሀ ዘምፖቱዋፐነ ሎቻ ናሃሰቱዋፐ ግዱዋን ደእያ ካሎ ሳአቱ ኡባይ ክሩበቱዋ፥ ጋሞቱዋነ ዛምባቱዋ ምስለቱዋን አሌቀት ኡቴድኖ፤ ቃይ ኡንቱንቱ ዩሹ ጪሻ ኤንጩርሳ ምስልያን አሌቀት ኡቴዳ። 37 ስም ታሙ ጋረቱካ ሀዋዳን ኦሰቴድኖ፤ ሲልሲደ ኡንቱንቱ ትጌዳ ሚሻይ እቱዋ ግድያ ድራዉ፥ ኡንቱንቱ ጌሳይካ ኡንቱንቱ ያራይካ እት ማላ።

38 ሁራም ሜጨትያ ታሙ ከረቱዋ ናሃስያፐ መꬌዳ፤ እት እት ከርያ ጎምፓይ ኦይዱ ዋꬋ አኮ ግዲደ፥ ሆስፑን ጼቱ ሊትሮ ሃꬃ ኦይቄ፤ ታሙ ጋረቶ ሁጲያን ሁጲያን እት እት ሜጨትያ ከሪ ደኤ። ከሳ 30:17-21 39 ሁራም ጋረቱዋ እቼሻቱዋ ጌሻ ጎልያዉ ሁጲሳ ባጋና፥ እቼሻቱዋ ቃይ ጌሻ ጎልያዉ ገድሳ ባጋና ዎꬄዳ፤ ቃይ ናሃስያፐ ኦሰቴዳ አባ ሳኒያ ጌሻ ጎልያፐ ገድሳ አዋይ ዶልያ ባጋ ዛሪደ ኤሴዳ።

40 ቃይ ሁራም ከረቱዋ፥ አካፋቱዋነ ኩይጻሮቱዋ መꬌዳ፤ ያቲደ ካትያ ሶሎሞናዉ መꬍና ጎዳ ጌሻ ጎልያ ኪታ ኦꬂደ ፖሌዳ።

41 እ ኦꬄዳ ኦሶቱካ:

48 ቃይካ ሶሎሞነ መꬍና ጎዳ ጌሻ ጎልያ ግዶን ደእያ ሚሻቱዋ ኡባ ዎርቃፐ መꬍሴዳ። ሄዋንቱካ:

51 ካቲ ሶሎሞነ መꬍና ጎዳ ጌሻ ጎልያ ኪታ ኡባ ፖሌዳዋፐ ጉይያን፥ አ አዉ ዳዊተ መꬍና ጎዳዉ ዱማዪደ ዎꬄዳ ብራ፥ ዎርቃነ ሀራ ሚሻቱዋካ ኡባ አሂደ፥ ጌሻ ጎልያ ሚሻ ምንጅያሳን ዎꬄዳ።2 ሳሜላ 8:11፤ 1 ኦዱዋ 18:11