3
1 ሶሎሞነ አዉ ዳዊተ መꬍና ጎዳ ጌሻ ጎል ኬጸታና ሳኣ ሞርያ ግያ ደርያን የሩሳላመን ጊግስ ዎꬄዳ። ሄ ሳአይ መꬍና ጎዳይ ዳዊታዉ ባረና በሴዳ፥ ያቡስያ ኦርና ኡዱማ። ዶመꬃ 22:2 2 ሶሎሞነ ባረ ካተቴዳ ኦይደንꬆ ላይꬃን፥ ላኤንꬆ አግናን፥ ላኤንꬆ ጋላሳን ጌሻ ጎልያ ኬጻናዉ ዶሜዳ።
3 ሶሎሞነ ጾሳ ጌሻ ጎልያ ኬጻናዉ ባሴዳ ባሱዋ ጌሳይ ኡሱፑን ታሙ ዋꬋ፤ ጎምፓይ ላታሙ ዋꬋ። 4 ጌሻ ጎልያ ገልያ ሳኣን ደእያ ባራንዳ ጎምፓይ ጌሻ ጎልያ ጎምፓካ ኬሻ ላታሙ ዋꬋ፤ ጌሳይ ላታሙ ዋꬋ። አ ግዱዋ ጌሻ ዎርቃን ሼሼዳ። 3:4 ላታሙ ዋꬋ: እብራዌꬁ እት ጼታነ ላታሙ ዋꬋ ጌ። 5 ዉይገ አዳራሽያ ጽድያ ጻላላን ልቅ ካሜዳ፤ ሙሩታ ዎርቃን ሼሼዳ፤ ያቲደ ዛምባ ምስልያንነ ሳንሳላታን አሌቂሴዳ። 6 ጌሻ ጎልያ አልኦ ሹቻን አሌቂሴ፤ እ አሌቂሴዳ ዎርቃይ ፓርዋይማ ጋድያፐ ዬዳ ዎርቃ። 7 ማረቱዋ፥ ግምበቱዋ፥ ቆስለꬃንነ ፐንገቱዋ ዎርቃን ሼሼዳ፤ ቃይ ጎዳ ቦላ ክሩበቱዋ ምስልያ ማሴዳ።
8 ሶሎሞነ ኡባፐ አꬍያ ጌሻ ሳኣ ኬጼዳ። ሄ ሳኣ ጌሳይ ጌሻ ጎልያ ጎምፓዳን ላታሙ ዋꬋ፤ ጎምፓይ ላታሙ ዋꬋ። ሄ ሳኣ ጎዳ ላታሙ ሻአ ኪሎ ግራመ ጻልታ ዎርቃን ሼሼዳ። ከሳ 26:33-34 9 ኡንቱንቱ ጎኤቴዳ ምስማሪ እቼሹ ጼታነ ላፑን ታሙ ግራመ ዎርቃፐ መቴዳ። ፖቅያን ደእያ ክፍለቱዋካ ዎርቃን ሼሼዳ።
10 ሶሎሞነ ኡባፐ አꬍያ ጌሻ ሳኣን ላኡ ክሩበቱዋ ምስለቱዋ ማስ ጊግሲደ፥ ዎርቃን ሼሼዳ። ከሳ 25:18-20 11 ሄ ክሩበቱዋ ቀፊ ምጨቴዳ፥ ላታሙ ዋꬋ፤ ኮይሮ ክሩብያዉ ኮይሮ ቀፊ እቼሹ ዋꬋ ግዲደ፥ ጌሻ ጎልያ ጎዳ ቦቼ፤ ላኤንꬆ ቀፊካ እቼሹ ዋꬋ ግዲደ፥ ሀራ ክሩብያ ቀፍያ ቦቼ። 12 ላኤንꬆ ክሩብያዉ ኮይሮ ቀፊ እቼሹ ዋꬋ ግዲደ፥ ጌሻ ጎልያ ጎዳ ቦቼ፤ ላኤንꬆ ቀፊካ እቼሹ ዋꬋ ግዲደ፥ ኮይሮ ክሩብያ ቀፍያ ቦቼ። 13 ሀ ላኡ ክሩበቱዋ ቀፊ ምጨቴዳ፥ ላታሙ ዋꬋ ግዴዳ፤ ኡንቱንቱ ባረንቱ ዴሙዋ ጌሻ ሳኣኮ ዛሪደ፥ ባረንቱ ገድያን ኤቄድኖ።
14 ሶሎሞነ ሳሉዋ ማላትያ ማዩዋፐ፥ ኦቻ ቴራ ማላትያ ማዩዋፐ፥ ዞኦ ማዩዋፐነ ሱፍያ ቃጭናፐ ዳደቴዳ ማዩዋፐ ጋርዱዋ ኦꬂደ፥ አ ቦላ ክሩበቱዋ ምስለቱዋ መꬌዳ።ከሳ 26:31
ላኡ ናሃስያ ቱሳቱዋ
(1 ካታ. 7:15-22)
15 ሶሎሞነ ጌሻ ጎልያ ስንꬃን እቱዋ እቱዋ ጌሳይ ሀታማነ እቼሹ ዋꬋ አዱቂያ ላኡ ቱሳቱዋ መꬍሴዳ፥ ኡንቱንቱ ሁጲያን እቼሹ ዋꬋ ጉምቡዋ ዎꬄዳ። 16 ቃይ ሳንሳላታ ግትያዳን መꬍሴዳ፥ ቱሳቱዋ ሁጲያን ዎꬄዳ፤ ያቲደ ሮማነ ጌተትያ ቴራ ምስለቱዋ ጼታቱዋ መꬍሴዳ፥ ሳንሳላታ ቦላ ዎꬄዳ። 17 ቱሳቱዋፐ እቱዋ ጌሻ ጎልያ ስንꬃን ኡሸቻ ባጋና፥ ላኤንꬁዋ ቃይ ሀድርሳ ባጋና ኤሴዳ። ኡሸቻ ባጋና ደእያ ቱሳ ያኪና *ያኪና፦ ሀ ሱንꬃ ብለꬃይ እብራዌꬁዋን፥ “ጾሳይ ኬጼዳ” ግያዋ። ሱንꬄዳ፤ ሀድርሳ ባጋና ደእያ ቱሳ ቦኤዛ †ቦኤዛ፦ ሀ ሱንꬃ ብለꬃይ እብራዌꬁዋን፥ “ጾሳ ምኖተꬃ” ግያዋ። ሱንꬄዳ።