1 ህንተ ኑናና ጾሳ ኦሱዋ ኦꬂደ፥ አ አꬎ ኬካተꬃ አኪደ ሀነና ኦግያን ጎኤተና ማላ፥ ኑን ህንተና ዎሴቶ። 2 አያዉ ጎፐ ጾሳይ፥

3 ኑን ኑ ኦሱዋ ኦንነ ቦራናዋ ኮዮኮ፤ ቃይ ኦናነ ꬉባናዋ ኮዮኮ። 4 ሽን ኡባባን ኑን ጾሳ ኦሳንቻቱዋ ግድያዋ ኑ ሁጲያን በሴዶ፤ ዳሮ ገንጫን፥ ዋይያን፥ መቱዋን፥ ዎልቃማ ቱጋን፥ 5 ልሱዋን ሾጨትያዋን፥ ቃሹዋን፥ ሻቢረቱሳን፥ ዳቡራን፥ ገምእሹዋ ꬋይያዋን፥ ጾማን፥ 6 ጌሻተꬃን፥ ኤራተꬃን፥ ዳንዳያን፥ ኬካተꬃን፥ ጌሻ አያናን፥ ቱሙ ሲቁዋን፥ 7 ቱሙዋ ሃሳይያዋን፥ ጾሳ ዎልቃን ኑን ጾሳ ኦሳንቻቱዋ ግድያዋ ኑ ሁጲያን በሴዶ፤ ቃይ ጽሎተꬃ ቶራ ኡሸቻ ኩሽያን፥ ጎንዳልያ ሀድርሳ ኩሽያን ኦይቃና። 8 ኑን ቦንቼቴዶነ ቶሸቴዶ፤ ቦረቴዶነ ጋላተቴዶ። ቃይ ቱሙዋ ሃሳዬቶ፤ ሽን አሳይ ኑና ዎርዱዋ ጊደ ቆፔ። 9 ኑን አሳይ ኤረና አሳ ማላ፤ ሽን አሳይ ኡባይ ኑና ኤሬ፤ ኑን ሀይቄዳ አሳ ማላ፤ ሽን ህንተ በእያዋዳንካ ደኤቶ፤ ሙረቴዳ አሳ ማላ፤ ሽን ሀይቂበይኮ። 10 ኑን ካዮትያዋንታ ግዶፐካ፥ ኡባ ዎደ ናሸቴቶ። ህዬሳ ማላቴቶ፤ ሽን ዳሮ አሳ ዱረዬቶ፤ ቃይ አያይነ ባይና አሳ ማላቴቶ፤ ሽን ኡባባይካ ኑዋ።

11 ቆሮንቶሳን ደእያ አሳዉ፥ ኑን ህንተንቶ ቆንጭያን ኦዴዶ፤ ኑ ኡሉዋካ ህንተና በሴዶ፤ 12 ኑን ህንተንቶ ꬍብበይኮ፤ ꬍቤዳዋንቱ ህንተና። ኑን ኑ ኡሉዋ ህንተንቶ ገንꬅበይኮ፤ ሽን ህንተ ኡሉዋ ኑዉ ገንꬄዳዋንቱ ህንተና። 13 ሀእ ታን ታ ናናዉ ሃሳይያዋዳን፥ ህንተንቶ ሃሳያይ፤ ኑን ህንተና ኑ ኡሉዋ በሴዳዋዳን፥ ህንተካ ኑና ህንተ ኡሉዋ አስ ዶዪደ በስተ።

14 አማነና አሳቱዋና ዙፐቲደ፥ ጊገና ኦሱዋ ኦꬆፕተ። አያዉ ጎፐ፥ ጽሎተꬃዉነ ናጋራዉ አያን ጋከꬃይ ደኢ? ፖኦነ ꬉማዉ አያን እትፐተꬃይ ደኢ? 15 ክርስቶሳነ ዳብሎሳ *ዳብሎሳ፦ ግሪክያ ማጻፋይ “በልያር” ጌ። ሄዋ ጉሳይ እብራይስጽያን “በልያል” ግያዋ። ላኡዋ ብለꬃይካ “ማካላንቻ” ዎይ “ማደናዋ” ጉሳ። እትፐ ጋꬅያባይ አዬ? ቃይ አማንያዌነ አማነናዌ ኮጽያዌ አዬ ደኢ? 16 ጾሳ ጌሻ ጎለዉነ ኤቃዉ አይበ ዙፐተꬃይ ደኢ? አያዉ ጎፐ ጾሳይ፥