1 ጰንጸቆስተ*ጰንጸቆስተ፦ አይሁድያ አሳይ ፓስጋ ባላ ቦንቾደፐ እሻታሙ ጋላሳይ አꬍ ስምና ቦንቼትያ ዛርጋ ቆይቻ ባላ ጌተትያዋ። ግያ ጋላሳይ ጋኬዳ ዎደ፥ አማንያዋንቱ ኡባቱ እትፐ ግዲደ፥ እትሳ ሺቅ ደእሽን፥ ዎጋ 23:15-21፤ ዛረ. 16:9-11 2 ዎልቃማ ጎቱዋዳን ጉምያ ጉንꬃይ ዎዛና አናን ሳሉዋፐ ዪደ፥ ኡንቱንቱ ኡቴዳ ጎልያ ኡባ ኩሜዳ። 3 ቃይ ታማ ላጩዋዳን ፖዱግያዌ ኡንቱንቶ ቤቲደ፥ ሻከት ሻከት፥ ኡንቱንቱ ኡባ ቦላ ዎꬌዳ። 4 ኡንቱንቱ ኡባን ጌሻ አያናይ ኩሚደ፥ ዱማ ዱማ ቃላን ሃሳያና ማላ፥ ኡንቱንታ ዳንዳይስና፥ ሃሳያ ዶሜድኖ።

5 ሳኣን ደእያ አሳ ዘረꬃ ኡባፐ ዪደ፥ ጾሳዉ ያይያ እትፐ ደእያ አይሁዳቱ የሩሳላመን ደኢኖ። 6 ሀ ጉንꬃ ስሴዳ ዎደ፥ አሳይ ኡባይ ሺቄዳ፤ ኡንቱንቱ ባረንቱ ቃላን ቃላን ሃሳይሽን ስሴዳ ድራዉ፥ ግያዋ ꬋዬድኖ።

7 አሳይ ኡባይ ማላለቲደነ ሀዌ ኦራꬃባ ጊደ፥ “በእተ፤ ሀ ሃሳይያዋንቱ ኡባቱ ጋሊላ አሳቱዋ ግድክኖ? 8 ያትና፥ ኑን ኑ የለቴዳ ጋደ ቃላን ኡንቱንቱ ሃሳይሽን ዋኒደ ስሴቶ? 9 ኑን ጳርተ አሳቱ፥ ሜዶነ አሳቱ፥ ኤላሜጸ አሳቱ፥ ላኡ ሻፋቱዋፐ ግዱዋን ደእያዋንቱ፥ ይሁዳን፥ ቃጳዶቅያን፥ ጳንጾሳን፥ ኢስያን፥ 10-11 ፕርግያን፥ ጵንፍልያን፥ ግብጼን፥ ቀሬና ባጋን ደእያ ሊብያ ዎራዳቱዋን ደእያዋንቱ፥ ሮመፐ ዬዳ እማꬃቱ፥ አይሁዳቱ፥ አይሁዳተꬃዉ ላመቴዳ ኑፐ አማሬዳዋንቱ፥ ቃርጼሰ አሳቱነ፥ አራብያ አሳቱ፥ ጾሳይ ኦꬄዳ ዎልቃማ ኦሱዋ ኑ ቃላን ኡንቱንቱ ሃሳይሽን ስሴዶ” ያጌድኖ። 12 ኡባይካ ማላለቲደ፥ የዉ ባረንቶ ገለናን እጽና ባረንቱ ግዶን፥ “ላ ሀዌ ዋግያዌ?” ያጌድኖ። 13 ሽን ሀራ አሳቱ አማንያዋንቱ ቦላን ቅሊጪደ፥ “ሀዋንቱ ኡሺደ ማꬆቴድኖ” ያጌድኖ።

14 ሽን ጰጽሮስ፥ የሱስ ኪቴዳ ሀራ ታማነ እት ኪተቶዋንቱና ደንድ ኤቂደ፥ ባረ ኮሻ ꬎቁ ኦꬂደ፥ ኡንቱንቶ ሀዋዳን ያግ ኦዴዳ፤ “አይሁዳቶ፥ ቃይ የሩሳላመን ደእያ ኡባቶ፥ ታን ኦድያዋ ስስተ። ሀዌ ህንተንቶ ኤረቶ፤ ህንተንቱ ቆፕያዋዳን፥ ሀዋንቱ ማꬆትበይክኖ። 15 አያዉ ጎፐ፥ ዎንታፐ ብሮ ሄዙ ሳተ ግዴ። 16 ሽን ሀዌ ናብያ ኢዩኤል ሃሳዬዳዋ።

22 “እስራኤልያ አሳቶ፥ ሀ ቃላ ስስተ፤ ናዝሬትያ የሱስ ህንተንቱ ግዶን ጾሳይ ባረናን ኦꬄዳ ዎልቃማ ኦሱዋን፥ ኦራꬃባንነ ማላታን ህንተንቶ ꬊሽሴዳ አሳ፤ ሄዋ ህንተንቱካ ኤሪታ። 23 የሱስ ህንተንቶ እመታና ማላ፥ ጾሳይ ካሰ ባረ ሸንያንነ ባረ ኤራን ባረ ቆፋ ቃች ዎꬄዳ፤ ያትና፥ አ ህንተንቱ ናጋራንቻቱዋ ኩሽያን ማስቃልያ ቦላ ምስማርያን ꬍሽሲደ፥ ካቅስ ዎꬍሴድታ። 24 ሽን ሀይቁ የሱሳ ኦይቃናዉ ዳንዳይቤና ድራዉ፥ ጾሳይ ሀይቁዋ ሴላ አፐ ꬋይሲደ፥ አ ደንꬄዳ። 25 አያዉ ጎፐ፥ ዳዊተ የሱሳባ ሀዋዳን ያጌዳ፤

29 “እሻቶ፥ ኑ አዎቱዋ ካፑዋ ዳዊተባ ታን ህንተንቶ ጌሻደ ኦዳናዉ በሴ፤ ዳዊተ ሀይቂደ ሞገቴዳ፤ አ ዱፉ ሀቼ ጋካናዉካ ኑ ማታን ደኤ። 30 ዳዊተ ናብያ ግዴዳ ድራዉነ ጾሳይ አ ናና ዘረꬃፐ እቱዋ አ ካዉተꬃ ኦይድያን ኡትሳናዉ አዉ ጫቄዳዋ ኤሬዳ ድራዉ፥ ማዝ. 132:11፤ 2 ሳሜላ 7:12-13 31 ክርስቶሳ ደንዱዋ ስንꬃዉ ጼሊደ፥ ‘አ ሸምፑ ስኦልያን አትቤና፤ አ ቦላይካ ዎቂቤና’ ጊደ ኦዴዳ።

32 “ጾሳይ የሱሳ ሀይቁዋፐ ደንꬄዳዎ ኑን ኡባይ ማርካ። 33 ሄዋ ድራዉ፥ ጾሳይ ባረፐ ኡሸቻ ባጋን †ኡሸቻ ባጋ፦ ጉሳይ ቦንቹዋነ ዎልቃ በስያ ሳኣ። አ ꬎቁ ꬎቁ ኦꬂደ፥ አዉ ጌሻ አያና እማና ጌዳዋዳን፥ ጌሻ አያና አኪደ፥ ሀዋ ህንተንቱ ሀእ በእያዋነ ስስያዋ ኑ ቦላ ጉሴዳ።

34-35 “አያዉ ጎፐ፥ ዳዊተ ባረ ሁጰዉ ሳሉዋ ከስቤና፤ ሽን ያጌዳ፤

36 “ሄዋ ድራዉ፥ ጾሳይ ማስቃልያ ቦላ ምስማርያን ሀ ህንተንቱ ꬍሺደ ካቄዳ የሱሳ ጎዳነ ክርስቶሳ ኦꬄዳዋ እስራኤልያ አሳ ዘረꬃይ ኡባይ ቱሙፐ ኤሮ” ያጌዳ።

37 አሳይ ጰጽሮስ ጌዳዋ ስሴዳ ዎደ፥ አሳዉ ዎዛናይ ዳሮፐ ቦሸትና፥ ጰጽሮሳነ የሱስ ኪቴዳ ሀራቱዋ፥ “ኑ እሻቶ፥ ያትና ኑን አያ ኡዳኔ?” ያጌድኖ።

38 ጰጽሮስ ኡንቱንታ፥ “ህንተንቱ ናጋራይ አቶ ጌተታና ማላ፥ ናጋራፐ ስሚደ፥ ህንተንቱ ሁጲያን ሁጲያን የሱስ ክርስቶሳ ሱንꬃን ጻማቀትተ። ጾሳይ እምያ ጌሻ አያና ህንተንቱ አካና። 39 አያዉ ጎፐ፥ ጾሳይ እማና ጌዳ ቃላይ ህንተንቱሳ፥ ህንተንቱ ናናቱዋሳነ ጎዳይ ኑ ጾሳይ ባረኮ ጼስያ ሃኩዋን ደእያዋንቱ ኡባሳ” ያጌዳ።

40 ጰጽሮስ ኡንቱንቶ ቃላ ሀራካ ጉጅ ማርካቲደ፥ “ሀ ዎድያ ጌላ አሳፐ ህንተንቱ ሁጲያ አሽተ” ያጊደ ዞሬዳ። 41 ጰጽሮስ ኦዴዳዋ አኬዳዋንቱ ጻማቀቴድኖ፤ ሄ ጋላስ ሄዙ ሻአ ግድያ አሳይ አማኔድኖ። 42 ኡንቱንቱ የሱስ ኪቴዳዋንቱ ትምርትያን፥ እትፐተꬃን ኡክꬃ መንꬅ ምያዋንነ ጾሳ ዎሳን ገንጪኖ።

43 የሱስ ኪቴዳዋንቱ ኩሽያን ዳሮ ኦራꬃባይነ ማላታቱ ኦሰትና፥ አሳ ኡባ ያሻይ ኦይቄዳ። 44 አማኔዳ ኡባቱ እትፐ ደኢኖ፤ ቃይ ባረንቶ ደእያባ ኡባካ እትፐ ሻክ አኬድኖ። 45 ኡንቱንቱ ባረንቱ ጋድያነ ባረንቶ ደእያባ ዛልእ ዛልኢደ፥ ኦናነ ኮሼዳ ኬና ሚሻ ኡባዉ ሻኬድኖ። 46 ቃይ ኡባ ጋላስ፥ እት ዎዛና ግዲደ፥ ጌሻ ጎልያን ፓጨናን ጋከቲደ፥ ባረንቱ ጎለ ጎለ ጼሰቲደ ናሸቻንነ ፓሽካ ዎዛናን ቁማ ሚኖ። 47 ጾሳ ጋላቲደ፥ አሳ ኡባን ሳበቴድኖ። ቃይ ጎዳይ አማን አትያዋንታ ጋላስ ጋላስካ ኡንቱንቱ ቦላ ጉጄ።