1 ካትያ ሄሮድሰ *ሄሮድሰ፦ ሀዋ ጉሳይ ሄሮድሰ አግሪጳ ኮይሩዋ ግዲደ፥ ፓላስቲነ ግያ ጋድያ ኡባ ሞድያዋ። ሄዌኔካ ዎጋ ሄሮድሰ ሄዘꬃ የለታ። ሄ ዎደ ዎሳ ጎለ አሳፐ አማሬዳዋንታ ዋይሱዋ ዶሜዳ። 2 ዮሃንሳ እሻ ያቆባ ማሻን ዎꬍሴዳ። 3 ሄዌ አይሁዳቱዋ ናሸቼዳዋ በኢደ፥ ጉጅ ጰጽሮሳካ ኦይቄዳ፤ ሄዌ ማጋገ ኡክꬃ ባላ ቦንችያ ጋላሳቱዋና። 4 ጰጽሮሳ ኦይቂደ ቃቼዳ። ፓስጋ ባላ ቦንችያ ጋላሳቱዋፐ ጉይያን፥ ጋደ አሳ ስንꬃ አꬃናዉ ቆፒደ፥ ኦይዱ ኦይዱ ዎታዳራቱ አ ናጋናዳን፥ ታማነ ኡሱፑን ዎታዳራቶ አꬂደ እሜዳ። ከሳ 12:1-27 5 ሄዋ ድራዉ፥ ጰጽሮስ ቃሾ ጎልያን ናገቴ፤ ሽን ዎሳ ጎለ አሳይ አዉ ምንሲደ ጾሳ ዎሴ።

6 ሄሮድሰ ጰጽሮሳ አሳ ስንꬃ አꬃናዉ ቆፓናፐ ካሰ ቃማ፥ ጰጽሮስ ላኡ ሳንꬃላታን ቃሸቲደ፥ ላኡ ዎታዳራቱዋፐ ግዱዋን ገምእሼዳ፤ ናግያዋንቱካ ቃሾ ጎለ ፐንግያን ኤቂደ ናጊኖ። 7 አኬከናን ደእሽን፥ ጎዳ ኪታንቻይ ሄዋን ኤቂ አጌዳ፤ ቃሾ ጎለንካ ፖኡ ፖኢ አጌዳ። ኪታንቻይ ጰጽሮሳ ምይያ ደች ቤጎꬂደ አ፥ “ኤለ ደንዳ” ያጌዳ፤ ሄ ማንእያን ሳንꬃላታይ አ ኩሽያፐ ዎꬍ አጌዳ። 8 ኪታንቻይ አ፥ “ነ ሱርያ ዳንጫ፤ ነ ጫማካ ዎꬃ” ያግና፥ ጰጽሮስ ሄዋዳን ኦꬄዳ፤ ኪታንቻይ፥ “ነ ማዩዋ ማያደ ታና ካላ” ያጌዳ።

9 ጰጽሮስ ቃሾ ጎልያፐ ከሲደ፥ ኪታንቻ ካሌዳ፤ አዉ ሳፃ በእያዋ ማላቴዳፐ አትን፥ ኪታንቻይ ኦꬅያባይ ቱማ ግዴዳዋ ኤርቤና። 10 ኪታንቻይነ ጰጽሮስ ኮይሮ ዎታዳራፐነ ላኤንꬆ ዎታዳራፐ አꬊደ፥ ካታማ አፍያ ብራታ ፐንግያኮ ጋኬድኖ፤ ፐንጊካ ኡንቱንቶ ባረካ ዶየት አጌዳ፤ ኡንቱንቱ ከሲደ እት ኦግያና ቢሽን፥ ኪታንቻይ ኤለካ ጰጽሮሳፐ ሻከት አጌዳ።

11 ጰጽሮስ ባረና ጋኬዳባ አኬኪደ፥ “ታና ጎዳይ ባረ ኪታንቻ ኪቲደ፥ ሄሮድሳ ኩሽያፐነ አይሁዳ አሳይ ናግ ኡቴዳ ኡባባፐ አሼዳዋ ሀእ ቱሙ ኤራድ” ያጌዳ።

12 እ ሄዋ አኬኬዳ ዎደ፥ ጮራ አሳይ እትፐ ሺቂደ ጾሳ ዎስያሳ፥ ማርቆሳ ግያ ዮሃንሳ ዳይ ማይራም ሶይ 13 ቢደ ፐንግያን ጼስና፥ እት ሮዶ ግያ ቆማታ ዶያናዉ ያዱ። 14 ሮዳ ጰጽሮሳ ቃላ ግዴዳዋ ኤሬዳ ዎደ፥ ባረና ናሸችና፥ ፐንግያ ዶየናን ጉየ ዎጻደ፥ ጰጽሮስ ካረን ኤቄዳዋ አሳዉ ኦዳዱ።

15 አሳይ እዞ፥ “ሀነ፥ ኔን ጎያ” ያጌዳ። ሮዳ ጰጽሮሳ ግዴዳዋ ጌሻደ ኦዳዱ። ኡንቱንቱ፥ “ሄዌ አ ኪታንቻ”†አ ኪታንቻ፦ አ ናግያ ኪታንቻ ግደናን አገና ጉሳ። ያጌድኖ።

16 ሽን ጰጽሮስ ካረን ጼሲደ አገናን እጽና፥ አሳይ ካርያ ዶይ፥ አ በኢደ ማላለቴድኖ። 17 ሽን ኡንቱንቱ ጮኡ ጋና ማላ፥ ጰጽሮስ ባረ ኩሽያን ጾርሲደ፥ ጎዳይ ቃሾ ጎልያፐ አ ዎት ከሴደንቶ፥ ኡንቱንቶ ቆንጭስ ኦዲደ፥ “ሀዋ ያቆባዉነ ‡ያቆባ፦ ጎዳ እሻ። እሻቶ §እሻቶ፦ አማንያ ሀራቶ። ኦድተ” ጊደ፥ ከስ ሀራሳ ቤዳ።

18 ሳአይ ዎንቴዳ ዎደ፥ ጰጽሮስ ሀቃ ብድጌደንቶ ጊና ዎታዳራቱዋ ግዶን ዳሮ ዋላሳይ ከሴዳ። 19 ሄሮድሰ ጰጽሮሳ ኮይሽን፥ እ ꬋዬዳ ዎደ፥ ናግያዋንታ ቆሪደ፥ ኡንቱንታ ዎꬋና ማላ አዛዜዳ፤ ሄዋፐ ጉይያን፥ ይሁዳፐ ቂሳርያ ዎꬊደ፥ ሄዋን አማሬዳ ዎድያ ኡቴዳ።

20 ሄሮድሰ ጺሮሳ አሳዉነ ሲዶና አሳዉ ሎይꬅ ሀንቀቴዳ፤ ኡንቱንቱ ጋደ አሳይ ካꬃ ሄሮድሳ ጋደ አሳፐ ደምያ ድራዉ፥ ኡንቱንቱ እትፐ ግዲደ፥ አ ጎልያ ካፑዋ ብላስጾሳ ባረንቱ ባጋ ኦꬂደ፥ ስገታና ማላ ዎሳናዉ ሄሮድሳኮ ቤድኖ።

21 ሄሮድሰ ሱንቴዳ ጋላስ፥ ባረ ካዉተꬃ ማዩዋ ማዪደ፥ ካዉተꬃ ኦይድያን ኡቲደ፥ አሳዉ ሃሳዬዳ። 22 አሳይ፥ “ሀዌ ጾሳ ቃላ፤ አሳ ቃላ ግደና” ያጊደ ኮሻ ꬎቂሲደ ሃሳዬዳ። 23 ሄሮድሰ ጾሳ ቦንችቤና ድራዉ፥ ሄ ማንእያን ጎዳ ኪታንቻይ አ ደችና፥ ጉጹንያን ሜተቲደ፥ ሀይቂ አጌዳ።

24 ሽን ጾሳ ቃላይ ድጬነ ዳር ዳር ቤ።

25 ባርናባስነ ሳኦል ባረንቱ ኦሱዋ ፖሊደ፥ ማርቆሳ ግያ ዮሃንሳ ባረንቱና አኪደ፥ የሩሳላመፐ ስሜድኖ።