1 አንጾክያን ደእያ አማንያ አሳ ግዶን ናባቱነ ታማርስያዋንቱ ደኢኖ፤ ኡንቱንቱካ ባርናባሳ፥ ካረꬃ ግያ ስሞና፥ ቀሬናፐ ዬዳ ሉቅዮሳ፥ ጋድያ ሞድያ ሄሮድሳና *ሄሮድሳ፦ ሄሮድ አንትጳሳ ጌተትያ ዎጋ ሄሮድሰ ናኣ። ሄዌኔካ ጋሊላ ግያ ጋድያ ሞድያዋ። ሉቅ። 3:1 ጼልተ። ድጬዳ ምናሀነ ሳኦላ። 2 ኡንቱንቱ ጎዳዉ ጎይንሽናነ ጾምሽን፥ ጌሻ አያናይ፥ “ታን ጼሴዳ ኦሶ ባርናባሳነ ሳኦላ ታዉ ዱማይተ” ያጌዳ።

3 ኡንቱንቱ ጾሜዳዋፐነ ዎሴዳዋፐ ጉይያን፥ ባረንቱ ኩሽያ ባርናባሳ ቦላንነ ሳኦላ ቦላን ዎꬂደ፥ ኡንቱንታ የዴድኖ።

4 ሄዋ ድራዉ፥ ጌሻ አያናይ ኡንቱንታ ኪትና፥ ሴሉቅያ ዎꬌድኖ፤ ሄዋፐ ዎንግርያን ገሊደ፥ ቆጲሮሳ ሃꬃን ዶደቴዳሳ ቤድኖ። 5 ኡንቱንቱ ስልማና ጋኪደ፥ አይሁዳ ዎሳ ጎለቱዋን ጾሳ ቃላ ኦዴድኖ፤ ኡንቱንታ ማዳናዉ ዮሃንስ †ዮሃንሳ፦ ሀራ ሱንꬃይ ማር. 12:12፣ 25 ጼልተ። ኡንቱንቱና ደኤ።

6 ኡንቱንቱ ቆጲሮሳ ሃꬃን ዶደቴዳ ሳኣ ኡባ ጳፉ ጋካናዉ ዩዪደ፥ ናብያ እት ዎርዳንቻ፥ አይሁዳ አሳ ባር-የሱሳ ግያ ሻሬቹዋ ደሜድኖ። 7 ሄ ሻሬቹ ጋድያ ሞድያ ሳርግዮሳ ጳዉሎሳ ግያ አኬካንቻ ብታንያና ደኤ። ሳርግዮሳ ጳዉሎሳ ባርናባሳነ ሳኦላ ባረኮ ጼሲደ፥ ጾሳ ቃላ ስሳናዉ ኮዬዳ። 8 ሽን ሻሬቹዋ ኤልማስ (ግሪከ ቃላን ሄዌ አ ሱንꬃ) ጋድያ ሞድያዋ አማኑዋ ድጋናዉ ኮዪደ፥ ኡንቱንቱ ሃሳያ ጳልቄዳ።

9 ሽን ጳዉሎሳ ግያ ሳኦል ባረናን ጌሻ አያናይ ኩምና፥ ሻሬቹዋ ጫድ ጼሊደ፥ 10 አ፥ “ላ ሀ ጻላህያ ካፑዋ ናአዉ፥ ገነተꬃይ ኡባይነ ኢታተꬃይ ኡባይ ኩሜዳዎ፥ ጽሎተꬃ ኡባ ሞርከዉ፥ ጎዳ ኦግያ ሱርያ ጌላይያዋ አግኪ? 11 በአ፤ ሀእ ጎዳ ኩሺ ነ ቦላ ደኤ፤ ኔን ቆቃ ግዳና፤ አማሬዳ ዎዲ ጋካናዉ፥ አዋ ፖኡዋ በአካ” ያጌዳ።

ሄ ማንእያን ሻኖቻይነ ꬉማይ አ አይፍያ ጎዝና፥ ባረ ኩሽያ ኦይቂደ፥ ካለꬅያ ኡራ ኮዪደ ዩዬዳ። 12 ሄ ዎደ ጋድያ ሞድያዌ ሄዋ በኤዳ ዎደ፥ ጎዳይ ታማርስያዋን ማላለቲደ አማኔዳ።

13 ጳዉሎስነ አናና ደእያዋንቱ ጳፉፐ ደንዲደ፥ ጵንፍልያን ደእያ ጰርገ ዎንግርያን ቤድኖ፤ ዮሃንስ ኡንቱንቱፐ ሻከት፥ የሩሳላመ ስሜዳ። 14 ሽን ኡንቱንቱ ጰርገፐ አꬊደ፥ ጲሲድያን ደእያ አንጾክያ ጋኬድኖ፤ ሳምባታ ጋላሳን አይሁዳ ዎሳ ጎለ ገሊደ ኡቴድኖ። 15 ሙሴ ህጊነ ናባቱዋ ማጻፋይ ናባበቴዳዋፐ ጉይያን፥ አይሁዳ ዎሳ ጎለ ካፓቱ፥ “ኑ እሻቶ አሳ ምንስያ ቃላይ ህንተንቶ ደኦፐ፥ አሳዉ ሃሳዬርክቴ” ያጊደ ኡንቱንቶ ኪቴድኖ።

16 ጳዉሎስ ደንድ ኤቂደ፥ ባረ ኩሽያን ጾርሲደ፥ ሀዋዳን ያጌዳ፤ “እስራኤልያ አሳቶ፥ ጾሳዉ ያይያዋንቶ ስስተ። 17 ሀ እስራኤልያ አሳ ጾሳይ ኑ አዎቱዋ ዶሪደ፥ ግብጼ ጋድያን እማꬃተꬃን ኡንቱንቱ ደእሽን፥ ኡንቱንታ ጮርሴዳ፤ ባረ ዎልቃማ ዎልቃንካ ግብጼ ጋድያፐ ኡንቱንታ ከሴዳ። ከሳ 1:7፤ 12:51 18 ባዙዋን ኦይታሙ ላይꬃ ኬና ኑ አዎቱዋ እ ዳንዳዬዳ። ፓይ. 14:34፤ ዛረ. 1:31 19 ካናነ ግያ ጋድያን አይሁዳ ግደና ላፑ ካዉተꬃ ꬋይሲደ፥ ኡንቱንቱ ጋድያ ባረ አሳ ላትሴዳ። ዛረ. 7:1፤ ኢያሳ 14:1 20 ሄዋፐ ጉይያን፥ ናብያ ሳሜላ ዎድያ ጋካናዉ፥ ኦይዱ ጼታነ እሻታሙ ላይꬃ ኬና ዳናቱዋ ኡንቱንቶ እሜዳ። ዳኔላ 2:16፤ 1 ሳሜላ 3:20 21 ሄዋፐ ጉይያን፥ ኡንቱንቱ ባረንቶ ካትያ እማና ማላ ዎስና፥ ጾሳይ ቢንያማ ዛርያፐ ቂሳ ናኣ ሳኦላ ኦይታሙ ላይꬃዉ ካተታና ማላ፥ ኡንቱንቶ እሜዳ። 1 ሳሜላ 8:5፤ 10:21 22 ጾሳይ ሳኦላ ሻሬዳዋፐ ጉይያን፥ ኡንቱንቱ ቦላ ዳዊተ ካተታና ማላ፥ አ ደንꬄዳ፤ ዳዊተባ ማርካቲደ፥ ‘ታን ኮይያ ኡባባ ታ ዎዛናዳን ኦꬅያ እሰይ ናኣ ዳዊታ ደማድ’ ያጌዳ። 1 ሳሜላ 13:14፤ 16:12፤ ማዝ. 89:20

23 “ጾሳይ፥ ‘ታን ዳዊታ ዛርያፐ እስራኤልያ አሳ አሽያዋ አሀና’ ቃላ ገሌዳዋዳንካ፥ የሱሳ አሄዳ። 24 የሱስ ያናፐ ካሰ እስራኤልያ አሳይ ኡባይ ባረንቱ ናጋራፐ ስሚደ ጻማቀታና ማላ፥ ዮሃንስ ቃላ ኦዴዳ። ማር. 1:4፤ ሉቃሳ 3:3 25 ቃይ ዮሃንስ ባረ ኦሱዋ ዉርሳና ሀኒደ አሳ፥ ‘ታና ኦና ጊደ ቆፒቴ? ታን ህንተ ናግያዋ ግድከ፤ ሽን በእተ፥ አ ገድያ ጫማ ቃሹዋካ ገድያፐ ብላናዉ ታዉ በሰናዌ ታፐ ጉየና ዬ’ ያጌዳ።

26 “ታናዳን አማንያዋንቶ፥ አብራሃመ ዘረꬃቶ፥ ቃይ ሀዋን አይሁዳ ግደናዋንቶ ጾሳዉ ያይያዋንቶ፥ ሀ አቶተꬃ ቃላይ ኑዉ ኪተቴዳ። 27 አያዉ ጎፐ፥ የሩሳላመን ደእያ አሳይነ ኡንቱንቱ ካፓቱ የሱሳነ ሳምባታ ጋላሳ ኡባን ናባበትያ ናባቱዋ ቃላ አኬክቤና ድራዉ፥ አ ቦላ ፕርዲደ፥ ናባቱዋ ቃላ ፖሌድኖ። 28 የሱሳ ዎꬍሳናዉ እት ጋሱካ ኡንቱንቶ ቤተናን እጽና፥ ጵላጾስ አ ዎꬋና ማላ ዎሴድኖ።

29 “ኡንቱንቱ የሱሳባይ ጾሳ ማጻፋን ጻፈቴዳዋ ኡባ ፖሌዳ ዎደ፥ ማስቃልያፐ አ ዎꬂደ ሞጌድኖ። 30 ሽን ጾሳይ ሀይቁዋፐ የሱሳ ደንꬄዳ። 31 ሄዋፐ ጉይያን እ ባረናና ጋሊላፐ የሩሳላመ ዬዳ አሳቶ ጮራ ጋላሳ ቤቴዳ ኡንቱንቱ ሀእ አባ አሳዉ ማርካቲኖ።

32 “ጾሳይ ኑ አዋቶ እማና ጌዳ ዎንጋላ ምሽራቹዋ ኑን ህንተንቶ ኦዴቶ። 33 ዳዊተ ማዝሙርያ ማጻፋን ላኤንꬆ ሸምፑዋን፥

38-39 “ሄዋ ድራዉ፥ ታናዳን አማንያዋንቶ፥ ናጋራ አቶ ጌተቴዳዌ ህንተንቶ የሱሳ ባጋና ኦደቴዳዌነ፥ ሙሴ ህግያን ጽላናዉ ህንተንቶ ዳንዳየተና ኡባባፐ አን አማንያ ኡባይ ጽላናዌ ህንተንቶ ኤረቶ። 40 ሄዋ ድራዉ፥ ናባቱ ጌዳዌ ህንተ ቦላ ጋከና ማላ ናገትተ፤

42 ጳዉሎስነ ባርናባስ አይሁዳ ዎሳ ጎልያፐ ከስሽን፥ አሳይ ኡንቱንታ ላኤንꬁዋ ሳምባታንካ ሄዋ ጉጂደ ኦዳና ማላ ዎሴድኖ። 43 ሺቁ ላለቴዳዋፐ ጉይያን፥ ጮራ አይሁዳቱነ አይሁዳቱዋ አማኑዋን ገሊደ ጾሳዉ ያይያ ጮራቱ፥ ጳዉሎሳነ ባርናባሳ ካሌድኖ፤ የሱስ ኪቴዳዋንቱ ጾሳ አꬎ ኬካተꬃን ምን ደአና ማላ፥ ኡንቱንቶ ኦዲደ ምንሴድኖ።

44 ላኤንꬁዋ ሳምባታን አማሬዳ አሳቱዋፐ አትን፥ ካታማ አሳይ ኡባይ ጾሳ ቃላ ስሳናዉ ሺቄዳ። 45 ሽን አይሁዳቱ ጮራ አሳ በኤዳ ዎደ፥ ጳዉሎሳ ቃናቴድኖ፤ አ ሃሳያ ጳልቂደ፥ አ ቦሬድኖ።

46 ጳዉሎስነ ባርናባስ ጻሊደ፥ “ጾሳ ቃላይ ካሰቲደ ህንተንቶ ኦደታናዉ ኮሼ፤ ሽን ቃላ ህንተ እጼዳ ድራዉነ መꬍና ደኡዋ አካናዉ ህንተንቶ በሰና ጊደ፥ ህንተ ህንተንቱ ሁጲያን ፕርዴዳ ድራዉ፥ በእተ፥ ኑን አይሁዳ ግደናዋንቱኮ ስሜቶ። 47 አያዉ ጎፐ፥ ጎዳይ ኑና፥ ኢሳ. 42:6፤ 49:6

48 አይሁዳ ግደናዋንቱ ሄዋ ስሴዳ ዎደ፥ ናሸቲደ ጾሳ ቃላ ቦንቼድኖ፤ ቃይ መꬍና ደኦ ዶረቴዳ ኡባይ አማኔድኖ።

49 ጎዳ ቃላይ ሄ ጋድያ ኡባ ጋኬዳ። 50 ሽን አይሁዳቱ ጾሳዉ ጎይንያ ቦንቼቴዳ ማጫዋንታነ ካታማን ደእያ ዎልቃማ አሳቱዋ ጳዉሎሳ ቦላንነ ባርናባሳ ቦላ ደንꬅና፥ አሳቱ ኡንቱንታ የደርሱዋ ዶሚደ፥ ባረንቱ ጋድያፐ ከሴድኖ። 51 ሽን የሱስ ኪቴዳዋንቱ ኡንቱንታ እጽያዋንቶ ማላታ ግዳና ማላ፥ ባረንቱ ገድያፐ ባና ሾጪደ፥ ‡ባረንቱ ገድያፐ ባና ሾጪደ፦ ሀዌ አሳይ አከናን እጾዋ በስያ ኦግያ። እቆንዮነ ካታማ ቤድኖ። 52 ቃይ አንጾክያን ደእያ ካልያዋንቱንካ ጌሻ አያናይነ ናሸቻይ ኩሜዳ።