5
እስራኤልያ አሳይ ናጋራ ፓጻና ማላ ኦደቴዳ
1 እስራኤልያ አሳቶ፥ ታን ህንተ ቦላ ዝላልያ ዝላሳ ስስተ!
2 “ወዶሮ እስራኤላታ ኩንዳዱ፤
ስም ላኤንꬆ ደንዱኩ።
ሳኣን ኦለታዱ፤
እዞ ደንꬅያዌካ ባዋ!” ያጋድ።
3 ኡባ ሞድያ መꬍና ጎዳይ ሀዋዳን ያጌ፤ “ሻኡ ኦላንቻቱዋ ኦላዉ የድያ እስራኤልያ ካታማዉ ጼቱ ኦላንቻቱዋ ጻላላይ አታና፤ ጼቱ ኦላንቻቱዋ ኦላዉ የድያ እስራኤልያ ካታማዉ ቃይ ታሙ ኦላንቻቱዋ ጻላላይ አታና” ያጌ።
4 መꬍና ጎዳይ እስራኤልያ አሳዉ ሀዋዳን ያጌ፤ “ታና ኮይተ፤ ያቶፐ፥ ህንተ ደኡዋን ደአና። 5 ሽን ቤቴለ ኮዮፕተ። ገልጋላ ገሎፕተ። በርሳበሄ ፕኖፕተ። አያዉ ጎፐ፥ ገልጋል ኦሞደታና፤ ቤቴልካ ꬋያና” ያጌ።
6 መꬍና ጎዳ ኮይተ፤ ያቶፐ፥ ህንተ ደኡዋን ደአና። ሄዌ ꬋዮፐ፥ እ ዮሴፎ ዛርያ ታማዳን ጹጋና፤ ቤቴለን ደእያ አሳካ ታማይ ማና። ሄ ታማ ኡንቱንቶ ኦንነ ቶይሰና።
7 ህንተኖ፥ ሱረ ፕርዳ ጌላዬዳዋንቶ፥ ጽሎተꬃካ ሳኣን ኦልያዋንቶ፥ ሀዋ ስስተ።
8 ፕልያድሳ ጌተትያ ላፑን ጾልንተቱዋነ ኦርዮና ጌተትያ ጾልንተቱዋ ጭታ መꬌዳዌ፥ኢዮባ 9:9፤ 38:31 ባራ ꬉማ ዎንታዉ፥ ጋላሳ ፖኡዋካ ቃማዉ ላምያዌነ አባን ደእያ ሃꬃቱዋ ፑደ ሳሉዋ ጼሲደ፥ ሳኣ ምጨꬃ ቦላ ዱገ ትግያዌ፥ አዉ ሱንꬃይ መꬍና ጎዳ። 9 እ ጌሶቱዋ ላላናዉ ዎልቃማቱዋ ቦላ ባሻ አዬ።
10 ህንተ ፕርዳ ጉታራን ሴርያዋ እጺታ፤ ቱሙዋ ኦድያዋካ ሸነቲታ። 11 ህንተ ህዬሳቱዋ የꬊደ፥ ኡንቱንቱ ካꬃካ ኡንቱንቱፐ ቦንቂደ አኬድታ። ያቲደ ማሰቴዳ ሹቻን ጎለቱዋ ግምቤድታ፤ ሽን ህንተ ሄ ጎለቱዋን ደእክታ። ሎእያ ዎይንያ ቱራቱዋካ ቶኬድታ፤ ሽን ህንተ ሄ ዎይንያ ኤሳ ኡሽክታ። 12 አያዉ ጎፐ፥ ህንተ ናቁ አፑነንቶነ ህንተ ናጋራይካ አይ ኬሻ ዎልቃመንቶ ታን ኤራይ። ህንተ ጽሎቱዋ ናቂታ፤ ማታይያካ አኪታ፤ ቃይ ጉታራን ህዬሳቱዋ ፕርዳ ጌላዪታ። 13 ሄዋ ድራዉ፥ ሀዋ ማላ ዎድያን ጭንጫ አሳይ ጮኡ ጌ፤ አያዉ ጎፐ፥ ዎዲ ኢታ።
14 ደኡዋን ደአናዉ ሎኦባፐ አትና፥ ኢታባ ኦꬆፕተ፤ ያቶፐ፥ ህንተ ግያዋዳን፥ መꬍና ጎዳይ፥ ኡባፐ ዎልቃማ መꬍና ጎዳይ ህንተናና ግዳናዋ። 15 ኢታባ እጽተ። ሎኦባ ዶስተ። ፕርዳ ጉታራንካ ሱረ ፕርዳ ፕርድተ። ያቶፐ፥ ኦን ኤሪ፥ ጾሳይ፥ ኡባፐ ዎልቃማ ጾሳይ ዮሴፎ ዘረꬃቱዋፐ አቴዳ አማሬዳዋንቶ ቃረታነንቶነ።
16 ሄዋ ድራዉ፥ ጎዳይ፥ ኡባፐ ዎልቃማ መꬍና ጎዳይ ሀዋዳን ያጌ፤ “ዳባባ ኡባን ዋሱ ከሳና፤ ኦገ ኡባንካ አሳይ፥ ‘አየ፥ አየ!’ ጋና። ጎሻንቻቱ ዬኮ፥ ዝላልያዋንቱካ ዝላሳዉ ጼሰታና። 17 ዎይንያ ቱራ ሳ ኡባን ዬኩ ደአና፤ አያዉ ጎፐ፥ ታን ህንተና ሙራናዉ ህንተ ግዶና አꬋና” ያጌ መꬍና ጎዳይ።
18 ህንተኖ፥ መꬍና ጎዳ ጋላሳይ ያናዳን አሞትያዋንቶ፥ ህንተንቶ አየ አና! መꬍና ጎዳ ጋላሳ አያዉ አሞቲቴ? ሄ ጋላሳይ ꬉማፐ አትና፥ ፖኦ ጋላሳ ግደና። 19 ሄ ጋላስ ህንተ ጋሙዋፐ ባቃት አትያ ዎደ፥ ማሂ ጋከትያ አሳ ማላ፥ ሄዋፐካ ቃይ ባቃት ባረ ጎለ ገሊደ፥ ባረ ኩሽያ ጎዳን ዘምፕስያ ዎደ፥ ሾሻይ ዱክያ አሳ ማላ ግዳናዋ። 20 መꬍና ጎዳ ጋላሳይ ꬉማፐ አትና፥ ፖኦ ግደና፤ ባራ ꬉማፐ አትና፥ ፖኦ ሾራይ ሙለካ ባዋ!
21 ጾሳይ ሀዋዳን ያጌ፤ “ታን ህንተ ቦንችያ ባላቱዋ እጻድነ ሸነታድ፤ ህንተ ጌሻ ሺቁካ ታና ናሸችክኖ። ኢሳ. 1:11-14 22 ህንተ ታዉ ጹግያ ያርሹዋነ ካꬃ ያርሹዋካ ያርሺታ፤ ሽን ታን ሄዋ አክከ። ቃይ ህንተ ታዉ ጋላታዉ አህያ እትፐተꬃ ያርሹዋ ሞꬎ መሄቱዋካ ጼልከ። 23 ህንተ ማዝሙርያ ጫንጨꬃ ታ ማታፐ ሃስተ፤ ህንተ ዲጽያ ዲꬃካ ስስከ። 24 ሽን ሱረ ፕርዳይ ፑልቶ ሃꬃዳን፥ ጽሎተꬃይካ ቶኤና ሻፋ ሃꬃዳን ጎጎ።
25 “ህንተኖ፥ እስራኤልያ አሳቶ፥ ታን ህንተና ባዙዋን ኦይታሙ ላይꬃ ካለꬅያ ዎደ፥ ታዉ ያርሹዋ ያርሼድቴ? ዎይ እሞታ እሜድቴ?ኪታ 7:42-43 26 ሄ ዎደ ህንተ ህንተ ኩሽያን መꬌዳ ካትያ ሳኩታ ግያ ኤቃነ ኬዋና ግያ ህንተ ጾልንትያ ጾሳ ኤቃ ቶኬድታ። 27 ሄዋ ድራዉ፥ ታን ህንተና ኦሞድሳደ ዳማስቆ ካታማፐ አꬃደ ሃኮ ሳ የዳና” ያጌ። ሀዋ ግያዌ አዉ ሱንꬃይ ኡባፐ ዎልቃማ ጾሳ ጌተትያ መꬍና ጎዳቴ።