1 “ህንተ መꬍና ጎዳ ህንተ ጾሳ ናናቱዋ፤ ህንተ ሀይቄዳ አሳዉ ህንተና ጎምኦሮፕተነ ስንꬃ ባጋ ሁጲያ ሜዶፕተ። ዎጋ 19:28፤ 21:5 2 አያዉ ጎፐ፥ ህንተ መꬍና ጎዳዉ፥ ህንተ ጾሳዉ፥ ጌሻ አሳ፤ መꬍና ጎዳይ ህንተና ባረዉ አልኦ ሚሻ ግዳናዳን፥ ጋድያን ደእያ አሳ ኡባፐ ዶሪደ ዎꬄዳ።ከሳ 19:5-6፤ ዛረ. 4:20፤ 7:6፤ 26:18፤ ቲቶ 2:14፤ 1 ጰጽ. 2:9

3 “ህንተ ቱናባ አያነ ሞፕተ። 4 ህንተ ማና መሄቱነ ዶአቱ ሀዋንታ፤ ቦራ፥ ዶርሳ፥ ዴሻ፥ 5 ገንእያ፥ ዶግያ፥ ዋሻ፥ ዎራ ዴሻ፥ ጮጎሹዋ፥ ጋራነ ደርያ ዶርሳ። 6 ጹጉንꬃይ ዉር ጳልቀቴዳዋንታ፥ ዋሞትያ መሄቱዋነ ዶአቱዋ ኡባ ሚተ። 7 ሽን ዋሞትያዋንታ ግዲደ፥ ጹጉንꬃይ ጳልቀትቤናዋንታ ሞፕተ፤ ሄዋንቱካ ጋሉዋ፥ ሀርባይንያነ ጉፓልያ። ሀዋንቱ ዋሞቲኖ፤ ሽን ኡንቱንቱ ጹጉንꬃይ ጳልቀትቤና ድራዉ፥ ኡንቱንቱ ህንተንቶ ቱና። 8 ጉዱንꬃይካ ጹጉንꬃይ ጳልቀꬃ ግዶፐነ ዋሞተና ድራዉ፥ እ ህንተንቶ ቱና። አ አሹዋ ሞፕተ፤ አ ባኩታካ ቦቾፕተ።

9 “ሃꬃ ግዶን ደእያ መታቱዋ ኡባፐ ህንተ ማናዋንቱ ሀዋንታ፤ ሞልያ ማላ ቀፊነ ፖቁ ደእያ ኡባ ሚተ። 10 ሽን ሞልያዋ ማላ ቀፊነ ፖቁ ባይና ሀቃዋነ ሞፕተ። ሄዋንቱ ህንተንቶ ቱና።

11 “ጌሻ ግዴዳ ካፉዋ ኡባ ሚተ፤ 12 ሽን ካፎቱዋፐ ህንተ ሜናዋንቱ ሀዋንታ: አርጋንꬃ፥ ባዙዋ አንኩዋ፥ ካረꬃ አንኩዋ፥ 13 ጎሉዋ፥ ጽንግልያ ዛረ ኡባ፥ 14 ቁሩዋ ዛረ ኡባ፥ 15 ያንቻ፥ ጫንጭያ ጉቱዋ፥ ሃꬃ ካፉዋ፥ ጋጭያ ዛርያ ኡባ፥ 16 ቄር ጉቱዋ፥ ዎጋ ጉቱዋ፥ ሃꬃ ኩቱዋ፥ 17 ባዙዋ ጉቱዋ፥ ይንዱዋ፥ ጋንጋኑዋ፥ አዱሳ ቆꬊ ደእያ ሃꬃ ካፉዋ፥ 18 ሳቢሳ ግያ ካፉዋ ዛረ ኡባ፥ ጅንጅላትያነ ሻልያ። 19 ቀፍያና ደእያ ቄር መታቱ ኡባይ ህንተንቶ ቱና፤ ኡንቱንታ ሞፕተ። 20 ሽን ሄ ቀፍያና ደእያባቱዋፐ ጌሻ ግድያዋንታ ሚተ።

21 “ህንተ መꬍና ጎዳዉ፥ ህንተ ጾሳዉ፥ ጌሻ አሳ ግድያ ድራዉ፥ ባኩቴዳዋ ኡባ አያነ ሞፕተ። ሄዋ ህንተ ካታማን ደእያ በተቱ ማናዳን ኡንቱንቶ እማናዉ ዳንዳዪታ፤ ዎይ ሀራ ቢታ አሳዉ ዛልአናዉ ዳንዳዪታ። ከሳ 23:19፤ 34:26

“ዴሻ ማራ አ ዳይ ማꬃን ዶይሶፓ።

22 “ህንተ ህንተ ጋደፐ ላይꬃን ላይꬃን ጋክያ ካꬃ አይፍያ ኡባፐ አስራታ ከስተ። ዎጋ 27:30-33፤ ፓይ. 18:21 23 ህንተ ኡባ ዎደ፥ መꬍና ጎዳዉ፥ ህንተ ጾሳዉ፥ ያይያዋ ታማራና ማላ፥ እ ባረ ሱንꬃይ ጼሰታና ማላ ዶሬዳ ሳኣን፥ መꬍና ጎዳ ህንተ ጾሳ ስንꬃን፥ ህንተ ካꬃ፥ ዎይንያ ኤሳነ ዛይትያ አስራታ፥ ህንተ ዶርሳፐነ መህያፐ ባይራ የለቴዳዋ ሄዋን ሚተ። 24 መꬍና ጎዳይ ህንተ ጾሳይ ባረ ሱንꬃይ ጼሰታና ማላ ዶሬዳ ሳአይ፥ ህንተ ደኢያሳፐ ሎይꬅ ሃኮ ግዶፐ፥ መꬍና ጎዳይ ህንተና አንጃና ማላ፥ ህንተ ህንተ አስራታ ያ ቶካናዉ ዳንዳየናን እጾፐ፥ 25 ዛልእተ፤ ሄ ሚሻ ኩሽያን ኦይቂደ፥ መꬍና ጎዳይ ህንተ ጾሳይ ዶሬዳ ሳኣ ቢተ። 26 ቢደ ሄ ሻሉዋን ህንተ ኮዬዳዋ ሀቃዋነ፥ ሚዛ ግድና፥ ዶርሳ ግድና፥ ዎይንያ ኤሳ ግዶ፥ ዎይ ሀራ ምኖ ኡሻ፥ ዎይ ሀራ ህንተ ኮይያዋ አያነ ሻሚደ፥ ህንተነ ህንተ ሶ አሳይ ኡባይ መꬍና ጎዳ ህንተ ጾሳ ስንꬃን ሄዋ ሚተነ ናሸትተ።

27 “ሄዋ ህንተ ኦꬅያ ዎደ፥ ህንተ ካታማን ደእያ ሌዋቱዋ ዶጎፕተ፤ አያዉ ጎፐ፥ ኡንቱንቱ ህንተናና ግሽ አኬዳ ሀራ ላታይ ባዋ። 28 ሄዘንꬃ ላይꬃን ላይꬃን ኡባ ዎደ፥ ህንተ ካꬃ አስራታ አሂደ፥ ህንተ ካታማን ሺሽተ። 29 ሄዋ ህንተ ካታማን ደእያ ህንተናና ግሽ አኬዳ፥ ሀራ ላታይ ባይና ሌዋቱ፥ በተቱ፥ አዉ ባይና ናናቱነ አምኤ ማጫ አሳቱ ዪደ ሚኖ፤ ሚድካ ካልኖ። ያቶፐ፥ ህንተ ኦꬅያ ህንተ ኩሽያ ኦሶ ኡባን መꬍና ጎዳይ ህንተ ጾሳይ ህንተና አንጃና።