1 “መꬍና ጎዳይ ህንተ ጾሳይ ህንተንቶ እምያ ጋድያን ደእያ ካዉተꬃ ꬋይስያ ዎደ፥ ቃይ ህንተካ ኡንቱንታ የደርሲደ፥ ኡንቱንቱ ካታማቱዋንነ ኡንቱንቱ ጎለቱዋን ደኡዋ ዶምያ ዎደ፥ 2 መꬍና ጎዳይ ህንተ ጾሳይ ላታ ኦꬂደ እምያ ጋድያን ደእያ ካታማቱዋፐ ሄዙ ካታማቱዋ ህንተንቶ ዱማይተ። 3 መꬍና ጎዳይ ህንተ ጾሳይ ህንተንቶ ላታ ኦꬂደ እምያ ቢታ ሄዙ ከሲደ ሻክተ። ያቲደ አሳ ዎꬌዳ ኦንነ ሄ ካታማቱዋኮ ባቃታናዳን ኦግያ ጊግስተ።

4 “እት አሳይ ካሰ ሞርከተꬃይ ባይናን ደእሽን፥ ኤረናን ባረ ሾሩዋ ዎꬎፐ፥ እ ሄ ካታማቱዋፐ እቶ ባቃቲደ፥ ባረ ሸምፑዋ አሾ። 5 ላኡ አሳይ ምꬃ ቃንጻናዉ ዎራ ቢና፥ እቱ ምꬃ ቃንጽሽን፥ ቱትያፐ አይፊ ኮለት ዎꬊደ ህንኩዋ ዎꬎፐ፥ ሄ ዎꬌዳዌ ሀ ሄዙ ካታማቱዋፐ እቱዋ ባቃቲደ፥ ባረ ሸምፑዋ አሾ። 6 ቆሰት አትያ ካታማይ እቱዋ ጻላላ ግዶፐ፥ ዎጺደ ኤለካ ጋካናዉ ኦጊ አዱቄዳ ጋሱዋን ሱꬃ አችያዌ ሱልያ ሀንቁዋን ደንዲደ፥ የደርስ ጋኪደ፥ ሀይቃናዉ በሰናዋ ዎꬋናዉ ዳንዳዬ፤ አያዉ ጎፐ፥ እ ባረ ሾሩዋ ዎꬌዳዌ ካሰ ሞርከተꬃይ ደእያ ድራሳ ግደና። 7 ህንተ ሄዙ ካታማቱዋ ዱማይ ዎꬃናዳን፥ ታን ህንተና አዛዜዳዌ ሄዋሳ።

8 “መꬍና ጎዳይ ህንተ ጾሳይ ካሰ ህንተ ማይዛ አዋቶ ጫቄዳዋዳን ህንተ ዛዋ አሶፐ፥ ቃይ ህንተ ማይዛ አዋቶ እማና ጌዳ ቢታ ኡባ ህንተንቶ እሞፐ፥ 9 ሀ ሄዙ ካታማቱዋፐ ሀራ ሄዙ ካታማቱዋ ጉጂታ። ሀቼ ታን ህንተና አዛዝያዋ ኡባ ህንተ ፖሎፐ፥ መꬍና ጎዳ ህንተ ጾሳ ዶሶፐነ እ ህንተና ታማርሴዳ ኦግያን ምኒደ ደኦፐ፥ ሀ ቢታይ ህንተንቶ እመታና። 10 ሄዋ ኦꬆፐ፥ መꬍና ጎዳይ ህንተ ጾሳይ ላታ ኦꬂደ ህንተንቶ እምያ ጋድያን ጌሻ አሳ ሱꬃይ ጉከና፤ ቃይ ህንተካ ሱꬃ ጉስያ ናጋራፐ አቲታ።

11 “ሽን እት አሳይ ባረ ሾሩዋ እጺደ፥ ዙግ ናጊደ አ ዎꬊደ፥ ሀ ካታማቱዋፐ እቶ ባቃቶፐ፥ 12 አ ካታማ ጭማቱ እ ባቃቴዳ ካታማፐ ኪት አሂሲደ፥ ሀሉዋ ከሳናዉ አ ኮይያዎ አꬅ እምኖ። 13 አዉ አይነ ቃረቶፕተ፤ ህንተንቶ ኡባባይ ሎአ ግዳና ማላ፥ ጌሻ ሱꬃ ጉስያዋ እስራኤልያ ግዶፐ ꬋይስተ።

14 “መꬍና ጎዳይ ህንተ ጾሳይ ህንተ ላታናዳን እምያ ጋድያን፥ በን አሳይ ኤሴዳ ነ ሾሩዋ ቢታ ዛዋ ሾዶፓ። ዛረ. 27:17

15 “እት አሳ ባይዛንቻ ጋናዉ እት ማርካ ጻላላይ ግደና። ላኡ ዎይ ሄዙ ማርካይ ማርካትና፥ ሄ ሞቱ ፕርደታናዉ ኮሼ። ፓይ. 35:30፤ ዛረ. 17:6፤ ማቶሳ 18:16፤ ዮሃ. 8:17፤ 2 ቆሮ. 13:1፤ 1 ጽሞ. 5:19፤ እብራ. 10:28

16 “እት አሳይ ሀራ ዎርዱዋን ሞታናዉ ደንዶፐ፥ 17 ሄ ሞትያዌነ ሞተትያዌ ላኡካ መꬍና ጎዳ ስንꬃን፥ ቄሳቱ ዋ ስንꬃንነ ሄ ዎደ ፕርድያ ዳናቱዋ ስንꬃን ኤቂኖ። 18 ያቶፐ ዳናቱ ሄ የዉዋ ምንሲደ ብድኖ፤ ሄ ሞትያዌ ባረ እሻ ዎርዱዋን ሞቴዳዋ ግዶፐ፥ 19 እ ሄ ሞቱዋን ባረ እሻ ሙርሳናዉ ቆፔዳ ሙራ ባረዉ ሙረቶ፤ ሄዋዳን ኦꬂደ፥ ሄዋ ማላ ኢታ ህንተ ግዶፐ ድግተ። 20 ያቶፐ፥ ሀራ አሳይ ሄዋ ስሲደ ያያና፤ ሄዋ ማላ ኢታ ኦሱዋ ላኤንꬆ ኦና። 21 ሄዋ ማላ ኢታ ኦꬄዳዎ አይነ ቃረቶፕተ፤ ሸምፑዋ ዎꬌዳዌ ሀይቆ፤ አይፍያ ድራዉ አይፍያ፤ አቻ ድራዉ አቻ፤ ኩሽያ ድራዉ ኩሽያ፤ ገድያ ድራውካ ገድያ። ከሳ 21:23-25፤ ዎጋ 24:19-20፤ ማቶሳ 5:38