1 ሄዋ ድራዉ፥ ህንተኖ አይሁዳ ግደና አሳቶ፥ ታን ጳዉሎስ ህንተ ድራዉ ክርስቶስ የሱሳ ቃሾ አሳ ግዴዳዌ፥ ጾሳ ዎሳይ። 2 ጾሳይ ባረ አꬎ ኬካተꬃን፥ ታን ህንተና ማዳናዳን፥ ሀ ኦሱዋ ታዉ እሜዳዋ ህንተ ሎይꬅ ስሴድታ። 3 ጾሳይ ባረ ጹራ ቆፋ ታዉ ቆንጭሲደ፥ ታና ኤርሴዳ፤ ታን ሄዋ ቃንꬃን ጻፋድ። 4 ቃይ ታን ጻፌዳዋ ህንተ ናባብያ ዎደ፥ ክርስቶሳ ጹራ ታን ዎታ አኬካድታንቶነ ኤራናዉ ዳንዳዪታ። 5 በን ዎደ አሳይ ሄ ጹራ የዉዋ ስስቤና፤ ሽን ጾሳይ ሄዋ የሱስ ኪቴዳ ጾሳ ናናቶነ ትምቢትያ ኦድያዋንቶ፥ ጌሻ አያናን ሀእ ቆንጭሴዳ። 6 ጹራ የዉ ሀዋ፤ አይሁዳ ግደና አሳይ ዎንጋላ ባጋና፥ ጾሳ አንጁዋ አይሁዳቱዋና እትፐ ላቲኖ፤ ኡንቱንቱ እት አሳተꬃን ሻከተናን ደኢኖ፤ ቃይ ክርስቶስ የሱሳ ባጋና ጾሳይ እማና ጌዳዋ አይሁዳቱዋና ሻኪኖ።

7 ጾሳይ ባረ ኦሱዋ ዎልቃ ባጋና ታዉ እሜዳ አꬎ ኬካተꬃን ታን ሀ ዎንጋላዉ ቆማ ግዳድ። 8 ታን ጌሻቱዋ ኡባ ግዶን ላፍያዋ ግዶፐካ፥ አይሁዳ ግደና አሳዉ ዛዋይ ባይና ክርስቶሳ ዱረተꬃ ምሽራቹዋ ቃላ ኦድያ ሀ ካጫ ጾሳይ ታዉ እሜዳ። 9-10 ቃይ ታን ሄዋን ጾሳ ጹራ ቆፋ አሳ ኡባዉ ቆንጭሳ ኦዳና፤ ኡባባ መꬌዳ ጾሳይ ባረ ጹራ የዉዋ በን ዎደ ገንꬅ ዎꬄዳ። ጾሳይ ሀእ ሄዋ ዎሳ ጎልያ ባጋና ሳሉዋ ሳኣን ደእያ ካፓቶነ ጎዳተꬃይ ደእያዋንቶ ዛዋይ ባይና ባረ አꬌዳ ኤራተꬃ ቆንጭሳናዉ ኦꬄዳ። 11 ጾሳይ ሄዋ ኑ ጎዳ ክርስቶስ የሱሳ ባጋና እ ፖሌዳ ባረ መꬍና ቆፋዳን ኦꬄዳ። 12 ኑን ክርስቶስ የሱሳና እትፐ ግዲደ፥ አ አማንያ አማኑዋን አማነቲደ፥ አይነ ያየናን ጾሳ ስንꬃ ሺቃናዉ ዳንዳዬቶ።

13 ሄዋ ድራዉ፥ ታን ህንተዋን መቶትያዋን ህንተ ህርገና ማላ፥ ህንተና ዎሳይ፤ አያዉ ጎፐ፥ ታን ህንተ ቦንቾ መቶታይ።

14-15 ሄዋ ድራዉ፥ ታን ሳሉዋንነ ሳኣን ደእያ አማንያ ጎልያ አሳይ ኡባይ አፐ ዬዳ *አፐ ዬዳ፦ አፐ ደንዶዋን፥ እቱዋ እቱዋ ሁጲያን ሁጲያን ኤርያዋሳ። ጾሳ ስንꬃን ጉልባታይ። 16-17 ጾሳይ ባረ ቦንቹዋ ዳሩዋዳን፥ ባረ ጌሻ አያናን፥ ህንተንቶ ህንተ ጋርሳ አሳተꬃን ህንተ ምንያ ዎልቃ እማናዳንነ፥ ቃይ አማኑዋ ባጋና ክርስቶስ ህንተ ዎዛና ባረ ጎልያ መꬋናዳን፥ ታን ጾሳ ዎሳይ፤ ቃይካ ህንተ ጻጱዋ የዲደ፥ ቶከቲደ ሲቁዋን ምናናዳን፥ ጾሳ ዎሳይ። 18 ቃይ ጌሻቱዋ ኡባና ክርስቶሳ ሲቁ አይ ኬና አከንቶ፥ አዱሰንቶ፥ ꬎቀንቶነ ጪመንቶ †አከንቶ፥ አዱሰንቶ፥ ꬎቀንቶነ ጪመንቶ፦ ሀዌ በስያዌ ሳሉዋን ደእያ የሩሳላሞ ዎይ ጾሳ ሲቁዋ ዎይ ጾሳ አꬎ ኤራ ዎይ የሱሳ ማስቃልያዉ ደእያ ብለꬃ። ኤርያ ዎልቃ ህንተንቱ ደማናዳን፥ ታን ጾሳ ዎሳይ። 19 ኤራተꬃፐ አꬍያ ክርስቶሳ ሲቁዋ ህንተ ኤራናዳንነ ቃይ ጾሳዋ ግድያ ኡባባን ህንተ ፖል ኩማናዳን፥ ታን ጾሳ ዎሳይ።

20-21 ስም ኑ ግዶን ኦꬅያ ባረ ዎልቃ ባጋና ኑን ዎስያዋ ዎይ ቆፕያዋ ኡባፐ ሎይꬅ ዳርስ ኦꬃናዉ ዳንዳይያ ጾሳዉ፥ ዎሳ ጎልያንነ ክርስቶስ የሱሳን ኡባ ዎደ መꬍናፐ መꬍና ጋካናዉ ቦንቹ ግዶ። አመንእ።