1 ሄዋ ድራዉ፥ ታን ጎዳዉ ኦꬅያ ድራዉ ቃሸቴዳዌ ጾሳይ ህንተና ጼሴዳ ጼሳዉ በስያ ደኡዋ ህንተ ደአናዳን፥ ታን ህንተና ዎሳይ። 2 ኡባ ዎደ ህንተ ህንተ ሁጲያ ካዉሽያዋንታ፥ አሽከቱዋነ ዳንዳያንቻቱዋ ግድተ፤ እቱ እቱዋ ማድያዋን ህንተ ሲቁዋ በስተ። 3 ህንተና እትፐ ጋꬅ ቃችያ ሳሮተꬃን፥ ጌሻ አያናይ ህንተንቶ እምያ እትፐተꬃ ናጋናዉ ምንተ። 4 ጾሳይ ህንተና ጼሴዳ ህዶታይ፥ ህንተ ደማና ጊደ ናግ ኡቴዳዌ መጽ እቱዋ ግዶዋዳን፥ እት አሳተꬃይነ እት ጌሻ አያናይ ደኤ። 5 እት ጎዳይ፥ እት አማኑነ እት ጽንቃታይ ደኤ። 6 ኡባ ጎዳይ፥ ኡባ ባጋና ኦꬅያዌ፥ ኡባ ግዶን ደእያዌ፥ እት ጾሳይ፥ ኡባ አዉ ደኤ።

7 ሽን ክርስቶስ እሜዳ እሙዋዳን፥ ኑን ሁጲያን ሁጲያን ዱማ እሙዋ አኬዶ። 8 ሄዋ ድራዉ፥ ጾሳ ማጻፋይ፥

11 አሳዉ እሞታ እሜዳዌ አ፤ እ እቱዋ እቱዋ የሱስ ኪቴዳዋንታ፥ ሀራቱዋ ትምቢትያ ኦድያዋንታ፥ ቃይ ሀራቱዋ ምሽራቹዋ ቃላ ኦድያዋንታ፥ ቃይካ ሀራቱዋ ዎሳ ጎልያ ካለꬅያዋንታነ ታማርስያዋንታ ኦꬅ ሱንꬄዳ። 12 እ ሄዋ ጌሻቱ ኡባይ አማንያ አሳ ኦሱዋ ኦꬃናዳንነ ክርስቶሳ ቦላን ኬጸታናዳን ጊግሳናዉ ኦꬄዳ። 13 ቃይ ኑን ኡባይ ጾሳ ናኣ አማንናነ ኤርና ቤትያ እትፐተꬃኮ ጋካና፤ ኑን ክርስቶሳ ፖሎ ድቻ ኬና ድጪደ፥ ዶንዛ አሳ ግዳናዳና።

14 ኑን ቤታን ያነ ሃነ ሾጨቲደ፥ ባረንቱ ጭምያ ሀኖታን አሳ ባላ ኦግያ ካለꬅያ ገንያ አሳ ትምርትያ ጫርኩዋ ኡባን ሱገቲደ፥ ሀዋፐ ስንꬃዉ ናኣ ግዳናዉ በሰና። 15 ሽን ኑን ሲቆተꬃን ቱሙዋ ሃሳዪደ፥ ሁጰ ግድያ ክርስቶሳኮ ኡባባን ድጫናዉ በሴ። 16 ቦላ ግዶን ደእያ ዱማ ዱማ ሻኮታይ አን እትፐ ኦይቀቴድኖ፤ ቃይ ኩመንꬃ ቦላይ ባረዉ እመቴዳሳ ኡባን እቱ እቱዋና ጋከቲደ፥ እትፐ ኦይቀት ኡቴዳ፤ ሄ ዱማ ዱማ ሻኮታይ ኦꬃናዉ በስያዋ ኦꬅያ ዎደ፥ ኩመንꬃ ቦላይ ሲቁዋን ድጬነ ባረና ኬጼ።

17 ሄዋ ድራዉ፥ ታን ሀዋ ህንተንቶ ጎዳ ሱንꬃን ኦዳይነ ማርካታይ። ህንተ ጎእ ባይና ቆፋ ቆፕያ አይሁዳ ግደና አሳቱዋዳን ደኦፕተ። 18 ኡንቱንቱ ዎዛናይ ꬉማን ደኤ፤ ኡንቱንቱ አይነ ኤረናዋንታነ አዛዘተና ድራዉ፥ ጾሳይ እምያ ደኡዋፐ ሃኬድኖ። 19 ኡንቱንቱ ማታን ዬላ ግያዌ ባዋ፤ ኡንቱንቱ ዎሹማዉ ካጄላናዉ ባረንቱ ሁጲያ አꬅ እሚኖ፤ ቃይ ቱናባ ኡባ ፓጭ ባይናን ኦꬃናዉ ሎይꬅ ዮራትያዋንታ።

20 ሽን ህንተ ክርስቶሳዋ ሄዋዳን ታማርበይክታ። 21 አባ ቱሙ ስሴድታ፤ ቃይ ቱማተꬃይካ የሱሳን ደእያዋ፥ አፐ ታማሬድታ። 22 ህንተ ካሰ ደእያ ደኡዋ አግተ፤ ቃይ ባረ ጭምያ አሙዋን ꬋይያ ህንተ ኤጫ አሳተꬃ ꬋይስተ። 23 ህንተ ዎዛናይነ ቆፋይ ኡባና ኦራጻናዉ በሴ። 24 ቱሙ ጽሎተꬃንነ ጌሻተꬃን ጾሳ ሌምሱዋን መቴዳ ኦራꬃ አሳተꬃ ማይተ።

25 ስም ዎርዶቶፕተ። ኑን ኡባይ ክርስቶሳ አሳተꬃን እት አሳ ግድያ ድራዉ፥ አሳይ ኡባይ ባረ እሻዉ ቱሙዋ ሃሳያናዉ በሴ። ዛካ. 8:16 26 ሀንቀትተ፤ ሽን ህንተ ሀንቁዋን ናጋራ ኦꬆፕተ። ህንተ ሀንቁዋን ደእሽን፥ አዋይ ዉሎፖ። ማዝ. 4:4 27 ጻላሄዉ ጾእያ እሞፕተ። 28 ዉእያ ኡራይ ሀዋፐ ስንꬃዉ ዉኦፖ፤ ሽን ሄዋ አጊደ፥ ህዬሳቱዋ ማዳናዉ፥ ባረ ኩሽያን ሎኦባ ኦꬂደ ዳቡሮ።

29 ህንተ ሃሳያይ ስስያዋንታ ጎአና ማላ፥ ኮሽያዋዳን መንꬅያ ሎኦ ቃላይ ህንተ ዶናፐ ከሶፐ አትን፥ ኢታ ቃላይ ሙለካ ከሶፖ። 30 ጾሳይ ህንተና ዎዝያ ጋላሳዉ ህንተ አታመት ኡቴዳ ጾሳ ጌሻ አያና ካዮዮፕተ። 31 እጽያ ሀኖታ፥ ይሉዋ፥ ሀንቁዋ፥ ዋሱዋነ ጫሻ ኡባ ኢታተꬃ ኡባና ህንተፐ ꬋይስተ። 32 እቱ እቶ ኬክተነ ቃረትተ፤ ቃይ ጾሳይ ክርስቶሳ ባጋና ህንተንቶ አቶ ጌዳዋዳን፥ ህንተካ እቱ እቱዋ አቶ ጊተ።