1 ስም ጾሳይ ሲቅያ ናናቱዋዳን፥ አ ማላትተ። 2 ቃይ ክርስቶስ ኑና ሲቂደ፥ ባረ ሁጲያ ጾሳዉ ናሸችያ ያርሹዋዳንነ እሞታ ኦꬂደ እሜዳዋዳን፥ ህንተካ ሲቁዋን ደአናዉ በሴ። ከሳ 29:18፤ ማዝ. 40:6

3 ሽን ጾሳ ናናዉ በስያዋዳን፥ ህንተ ግዶን ዎሹምያዌነ ቱናተꬃ ኡባይ፥ ዎይ ሚሻ አሞትያዌ ሙለካ ስሰቶፖ። 4 ዬላይያዌነ ኤያ ሃሳያይ ዎይ ፓና ቅꬊ ህንተንቶ በሰናዋ ግድያ ድራዉ፥ ህንተ ማታን ኡባካ ደኦፖ፤ ህንተ ሄዋ ኡባ አጊደ፥ ጾሳ ጋላታናዉ በሴ። 5 ሀዋ ኤርተ፤ ኦንነ ዎሹምያዋ ዎይ ቱናባ ኦꬅያዋ፥ ዎይ ሚሻ አሞትያዋ ግዶፐ፥ ክርስቶሳ ካዉተꬃነ ጾሳ ካዉተꬃ ላታናዉ ዳንዳየና፤ ሚሻ አሞትያዌ ኤቃዉ ጎይንያዋፐ ዱማተና።

6 ህንተና ኦንነ ፓና ሃሳያን ጭሞፖ፤ አያዉ ጎፐ፥ ሀዋ ጋሱዋን ጾሳ ሀንቁ አዛዘተና አሳ ቦላ ያና። 7 ስም ሄዋ ማላ አሳና ዙፐቶፕተ። 8 አያዉ ጎፐ፥ ካሰ ህንተ ꬉማን ደኤድታ፤ ሽን ጎዳ ባጋና ሀእ ፖኡዋን ደኢታ፤ ፖኡዋን ደእያ አሳዳን ፖኡዋን ሀመትተ። 9 አያዉ ጎፐ፥ ፖኡ ሎኦተꬃ፥ ጽሎተꬃነ ቱማተꬃ ኡባ አይፌ።

10 ጎዳ ናሸችያባይ አየንቶ ታማርተ። 11 ጎእ ባይና ꬉማ ኦሱዋ ቆንጭስ በስተፐ አትን አናና ዋላከቶፕተ። 12 ኡንቱንቱ ጌማን ኦꬅያዌ ሀራይ አቶ ሃሳይያዌካ ፖኬ። 13 ሽን ኡባባይ ፖኡዋ ከስያ ዎደ፥ ቆንጭያን ቤታና፤ አያዉ ጎፐ፥ ቆንጭያን ቤትያ ኡባባይ ፖኡዋ። 14 ሄዋ ድራዉ፥

15 ስም ህንተ ዋን ደእንቶ አኬክተ፤ አꬌዳ ኤራተꬃና ደእያ አሳዳን ደእተፐ አትን፥ አꬌዳ ኤራተꬃይ ባይና አሳዳን ደኦፕተ። 16 ዎዲ ኢታ ግድያ ድራዉ፥ ህንተ ዎድያ ህንተዉ ዳንዳየቶዋዳን ሎኦተꬃዉ ጎኤትተ። 17 ሄዋ ድራዉ፥ ጎዳይ ኮይያዌ አየንቶ አኬክተፐ አትን፥ ኤያ ግዶፕተ።

18 ቃይ ህንተናን ጌሻ አያናይ ቃንጸናን ኩሞፐ አትን፥ ህንተና ባይዝያ ዎይንያ ግያ ኤሳ ኡሺደ ማꬆቶፕተ። 19 ማዝሙርያ የꬃን፥ ጋላቲደ የጽያዋንነ አያና የꬃን እቱ እቱዋና ሃሳይተ፤ ቃይ ጋላትያ የꬃንነ ማዝሙርያ የጽያዋን ህንተ ዎዛናን ጎዳ ጋላቲደ የጽተ። 20 ኑ ጎዳ የሱስ ክርስቶሳ ሱንꬃን፥ አዉዋ ጾሳ ኡባባዉ ኡባ ዎደ ጋላትተ።

21 ክርስቶሳዉ ያዪደ፥ እቱ እቶ ሞደትተ።

22 ማቼቶ፥ ጎዳዉ ሞደትያዋዳን፥ ህንተ አስናዉ ሞደትተ። 23 አያዉ ጎፐ፥ ክርስቶስ ዎሳ ጎለዉ ሁጰ ግድያዋዳን፥ አስናይካ ባረ ማቻትዉ ሁጰ፤ ቃይ ክርስቶስ ባረ ሁጲያን፥ ባረ ቦላ ግድያ ዎሳ ጎልያ አሽያዋ። 24 ሽን ዎሳ ጎሊ ክርስቶሳዉ ሞደትያዋዳን፥ ማቼቱ ቃይ ባረንቱ አስናዉ ኡባባን ሞደታናዉ በሴ።

25 አስናቶ፥ ክርስቶስ ዎሳ ጎልያ ሲቂደ፥ ባረ ሁጲያ እዝዉ እሜዳዋዳን፥ ህንተካ ህንተ ማቻቱዋ ሲቅተ። 26 እ ዎሳ ጎልያ ባረ ቃላንነ ሃꬃን ሜጭ ጌሺደ፥ ጾሳዉ ዱማያናዉ ሀዋ ኦꬄዳ። 27 ክርስቶስ ዎሳ ጎልያ ቅታይ ዎይ ዴሙዋ ጭꬍስያዌ ዎይ ሄዋ ማላትያዌ ባይናን፥ አ ኩመንꬃ ቦንቹዋና ጌሻነ ቦረተናዋ ኦꬂደ፥ ባረ ሁጰዉ ሺሻናዉ ኮዬዳ። 28 ስም ቃይ አስናይ ባረ ማቻቶ ባረ ቦላዳን ሲቃናዉ በሴ፤ ባረ ማቻቶ ሲቅያዌ ባረና ሲቄ። 29 አያዉ ጎፐ፥ ባረ ቦላ እጽያ አሳይ ሙለካ ባዋ፤ ሽን ክርስቶስ ዎሳ ጎልያ ሙዝያዋዳንነ ናግያዋዳን ኦንነ ባረ ቦላ ሙዜነ ናጌ። 30 አያዉ ጎፐ፥ ኑን አ ቦላ ዱማ ዱማ አሳተꬃ።

31 ጾሳ ማጻፋይ፤ “ሄዋ ድራዉ፥ አቱማዌ ባረ አዉዋነ ባረ ዳዮ አጊደ፥ ባረ ማቻትና እትፐ ደአና፤ ኡንቱንቱ ላኡካ እት አሹዋ ግዳና” ያጌ። ዶመꬃ 2:24 32 ሀ ጹራይ ዎልቃማ ቱማተꬃ፤ ሽን ታን ሀዌ ክርስቶሳባነ ዎሳ ጎልያባ ኦዴ ያጋይ። 33 ግዶፐካ፥ ቃይ አስናይ ሁጲያን ሁጲያን ማችያ ባረ ሁጲያዳን ሲቃናዉ በሴ፤ ማቻታካ ባረ አስና ቦንቻናዉ በሴ።