1 ናቶ፥ ሂንቴና ዬሌዳዋንቶ ጎዳ ቦንቺያዋዳን ኣዛዜቲቴ፤ ኣዪሲ ጎፔ፥ ሃዌ ኦꬃናው ቤሲያዋ። ቆል 3፡20 2-3 «ኔው ኡባባይ ሎዓናዳኒኔ ሳዓን ኔ ላይꬃይ ኣዱቃናዳን፥ ኔ ኣዉዋኔ ኔ ዳዮ ቦንቻ» ጊያ ኣዛዙ ፆሳይ ኢማና ጌዳ ሂዶታና ዴዒያ ኮዪሮ ኣዛዙዋ። ኬስ 20፡12፤ ዛር 5፡16

4 ኣዋቶ፥ ሂንቴ ሂንቴ ናናቱዋ ጎዳ ሴራኒኔ ዞሪያን ዲቺቴፔ ኣቲን፥ ኡንቱንታ ሃንቄꬆፒቴ። ቆል 3፡21

5 ኣዪላቶ፥ ኪሪስቶሳው ኦꬂያዋዳን፥ ሂንቴ ጎዳቶ ያሻቴꬃኒኔ ኮኮርሳን ሱሬ ዎዛናፔ ኣዛዜቲቴ። ቆል 3፡22-25 6 ፆሳይ ጌዳዋ ኦꬂያዋንቱዳን፥ ኪሪስቶሳ ኣዪላቱዋዳን፥ ዎዛናፔ ኦꬂቴፔ ኣቲን፥ ኣሳ ናሼቻናው ኦꬂያዋዳን፥ ኣሳይ ቤዖ ጊዴ ኦꬆፒቴ። 7 ኣሳው ጊዴናን ጎዳው ኦꬂያዋዳን፥ ꬊቤናን ዎዛናፔ ኦꬂቴ። 8 ኣዪሌ ጊዲና ዎይ ዎማኑዋ ጊዲና፥ ኢ ኦꬂያ ሎዖ ኦሶ ኡባው ጎዳይ ሁጲያን ሁጲያን ዎዪታናዋ ኤሪታ።

9 ጎዳቶ፥ ሂንቴ ኣዪሌቱዋ ናሲያዋ ኣጊዴ፥ ኡንቱንቶ ሄዋዳን ኦꬂቴ፤ ሂንቴናኔ ኡንቱንታ ጋꬂ ሞዲያ ጎዳይ፥ ኦናኔ ማዲ ፒርዴናዌ፥ ሳሉዋን ዴዒያዋ ኤሪታ።

10 ዉርሴꬃን፥ ጎዳኒኔ ኣ ዎልቃማ ዎልቃን ኡባ ዎዴ ሚኒቴ። 11 ፃላሂያ ኢታ ጪሙዋ ቴዓናው ሂንቴ ዳንዳያና ማላ፥ ፆሳይ ሂንቴንቶ ኢሚያ ኦላ ማዩዋ ኡባ ማዪቴ። 12 ኣዪሲ ጎፔ፥ ኑኒ ቦላ ሳሉዋ ዴዒያ ኢታ ኣያና ዎልቃቱዋና፥ ሞዲያዋንቱና፥ ጎዳቴꬃይ ዴዒያዋንቱናኔ ሃ ꬉማ ቢታ ሞዲያዋንቱና ኦሌቲያዋፔ ኣቲን፥ ኣሳና ኦሌቶኮ።

13 ሄዋ ዲራው፥ ኢታ ጋላሳን *ኢታ ጋላሳን፡ ሃዒ ዴዒያ ዎዲያ ዎይ ሃይቁዋ ጋላሳ ዎይ ዉርሴꬃ ፒርዳ ዎይ ሙራ ጋላሳ ጊያዋ። ቴዓናዉኔ ቃሲ ዉርሴꬃይ ጋካናው ዋꬌቶዋፔ ጉዪያን፥ ሚኒ ኤቃናው ሂንቴ ዳንዳያና ማላ፥ ፆሳ ኦላ ሚሻ ኡባ ኦይቂቴ። 14-15 ሄዋ ዲራው፥ ፄሳን ሳቂያ ዳንጪያዋዳን ቱማቴꬃ ዳንጪዴ፥ ቲራን ዎꬂያ ኦላ ሚሻዳን ፂሎቴꬃ ማዪዴ፥ ሂንቴ ጌዲያን ጫማ ዎꬂያዋዳን ሳሮቴꬃ ሚሺራቹዋ ቃላ ኦዳናው ጊጊዴ፥ ሚኒ ኤቂቴ። ኢሳ 52፡7 16 ሄ ኡባፔ ኣꬂዴ፥ ፃላሂ ዬዲያ ዎንዳፊያ ታማ ኡባ ቶዪሳናው፥ ኣማኑዋ ኡባ ዎዴ ጎንዳሊያዳን ኦይቂቴ። 17 ኣቶቴꬃ ሁጲያን ዎꬂያ ቢራታ ቆቢያዳን ዎꬂቴ፤ ቃሲ ጌሻ ኣያና ማሻ ጊዴዳ ፆሳ ቃላ ኦይቂቴ። ኢሳ 59፡17 18 ፆሳ ዎሲዲኔ ኣ ማዱዋ ኦቺዴ፥ ኡባ ዎዴ ጌሻ ኣያናን ፆሳ ዎሲቴ። ሄዋ ዲራው፥ ሚኒቴ፤ ሳሌቶፒቴ፤ ጌሻቱዋ ኡባው ፆሳ ኡባ ዎዴ ዎሲቴ።

19 ቃሲ ታኒ ያዬናን ዎንጋላ ፁራ ኦዳናው፥ ፆሳይ ታ ዶና ዶዪዴ፥ ሃሳዪያዋ ኢማናዳን፥ ታዉካ ፆሳ ዎሲቴ። 20 ታኒ ሃዒ ቃሹዋን ዴዖፔካ፥ ሃ ዎንጋላ ዲራው ታኒ ኪቴቴዳዋ፤ ታኒ ኣባ ታው ቤሲያዋዳን ያዬናን ኦዳና ማላ፥ ታው ፆሳ ዎሲቴ።

21 ሺን ታኒ ዋና ዴዒንቶኔ ኣያ ኦꬃይታንቶ ሂንቴካ ኤራናዳን፥ ኑ ሲቆ ኢሻይ፥ ጎዳ ኦሱዋን ኣማኔቴዳ ቆማይ ቲኪቆሲ፥ ታዋ ኡባ ሂንቴንቶ ኦዳናዋ። ኪት 20፡4፤ 2ፂም 4፡12ቆል 4፡7-8 22 ኑኒ ኡባይ ዋኒ ዴዒንቶ ሂንቴንቶ ኦዲዴ፥ ሂንቴና ሚኒሳና ማላ፥ ታኒ ኣ ሂንቴኮ ኪታዲ።

23 ፆሳ ኣዉዋፔኔ ጎዳ ዬሱሲ ኪሪስቶሳፔ ሳሮቴꬃይኔ ሲቆቴꬃይ ኣማኑዋና ኢቲፔ ኢሻቱዋ ኡባው ጊዶ፤ 24 ዶቼና ሲቁዋን ኑ ጎዳ ዬሱሲ ኪሪስቶሳ ሲቂያ ኡባቱዋና ፆሳ ኣꬎ ኬካቴꬃይ ጊዶ። ኣሜንዒ።