1 ካቲ አርጸክስስ ካተቴዳ ዎደ ታናና እትፐ ባብሎነ ቢታፐ ፑደ ዬዳ፥ የሩሳላመ ዬዳ ዛራቱዋ ካፓቱ ሀዋንታ፤ ኡንቱንቱ የለታ ማራይካ ሀዋ:

15 ታን እዝር ኡንቱንቱ አሃዋ ግያ ሳኣኮ ጎግያ ሻፋ ኤለካ ሺሻይ። ኑን ሄ ሳኣን ዱንካኒደ፥ ሄዙ ጋላሳ ታኬዶ። ቃይ ታን ሄ ሳኣን ደእያ አሳነ ቄሳቱ ዋ ቆፕያ ዎደ፥ ሌዊያ ዛራቱዋፐ እቱዋነ ደማበይከ። 16 ሄዋ ድራዉ፥ ካፑዋ ኤልኤዛራ፥ አርኤላ፥ ሻማእያ፥ ኤልናታና፥ ያሪባ፥ ኤልናታና፥ ናታና፥ ዛካራሳነ ማሹላማ ግያዋንታነ ቃይ አꬌዳ ኤራንቻ አሳ ግድያ ዮያሪባነ ኤልናታና ጼሳድ። 17 ኑ ጾሳ ጎልያን ኦꬅያ አሳ ኑዉ የዳና ማላ፥ ካስፍያ ግያ ሳኣን ደእያ ሌዋቶ ካፑዋ ግድያ እዶኮነ አ አቱማ ዳቦቱዋኮ፥ ሄዋንቱካ ጌሻ ጎልያ ቆማ ግድያዋንቱኮ ኡንቱንታ ኪታድ። 18 ኑ ጾሳ ሎኦ ኩሺ ኑ ቦላን ደእያ ድራዉ፥ ሸረብያ አ ናናነ አ እሻቱዋና፥ ኡባና ታማነ ሆስፑኑዋ ኡንቱንቱ ኑዉ የዴድኖ። እ እስራኤልያ ናኣ ሌዊያ ዛርያ ግድያ ማህላ ያራነ ሎይꬅ አኬካይ ደእያ አሳ። 19 ቃይ ሀሻብያ፥ ማራራ ያራ ግድያ ይሻእያራ፥ አ ናናነ አ እሻቱዋ ላታሙዋና የዴድኖ። 20 ሄዋ ቦላካ ሌዋቱዋ ማዳናዳን ጊደ፥ ዳዊተነ አናና ኦꬅያ ካፓቱ ሱንꬄዳ ጌሻ ጎልያ ቆማቱዋፐካ ላኡ ጼታነ ላታሙዋ የዴድኖ። ሄዋንቱ ኡባቱ ባረንቱ ሱንꬃን ጻፈቴድኖ።

21 ሄዋፐ ጉይያን፥ ኑ ጾሳ ስንꬃን ኑ ሁጲያ ካዉሺደ፥ እ ኑ ኦግያን ኑዉ፥ ኑ ናናቱዋነ ኑ ማጹዋ ኡባዉ ሳሮተꬃ እማናዳን ዎሳና ማላ፥ ሄዋን አሃዋ ሻፋን ኤለካ ታን ጾማ አዋያድ። 22 አያዉ ጎፐ፥ ካትያዉ ኑን ካሰ፥ “ኑ ጾሳ ሎኦ ኩሺ አ ኮይያዋንቱና እትፐ ደኤ፤ ሽን አ ዎልቃማ ሀንቁ አ አግያዋንቱ ቦላን ደኤ” ያጊደ ኦዴዳ ድራዉ፥ ኑን ብያ ኦግያን ደእያ ሞርከቱዋፐ ኑና ናጋናዳን ኦላንቻቱዋነ ፓራ አሳቱዋ እማናዳን ካትያ ኦቻናዉ ታን ዬላታድ።

23 ሄዋ ድራዉ፥ ኑን ጾሚደ፥ ጾሳ ዎሴዶ፤ እ ኑ ዎሳ ስሴዳ።

24 ቄሳቱ ዋ ካፓቱዋፐ ሸረብያ፥ ሀሻብያነ ሀራ ኡንቱንቱ ዳቦ ግዴዳ ታሙ አቱማ አሳቱዋ ታን ዶራድ። 25 ካቲ፥ ካትያና ዞረትያዋንቱ፥ ካትያና ኦꬅያዋንቱነ እስራኤልያ ኡባይ ኑ ጾሳ ጎልያዉ እሜዳ ብራ ዎርቃነ፥ ሚሻቱዋ ኡባ ልካደ ኡንቱንቱ ኩሽያን ሼꬋድ። 26 ታን ኡንቱንቶ ልኬዳባይ ሀዋ: ላታማነ ላኡ ሻአ ኪሎ ግራመ ዴጽያ ብራ፥ ሄዙ ሻአነ ኦይዱ ጼቱ ኪሎ ግራመ ዴጽያ ብራፐ ኦሰቴዳ ጼቱ ሚሻቱዋ፥ ሄዙ ሻአነ ኦይዱ ጼቱ ኪሎ ግራመ ዴጽያ ዎርቃ፥ 27 ሆስፑን ኪሎ ግራመነ ኦይዱ ጼቱ ግራመ ዴጽያ ዎርቃፐ ኦሰቴዳ ላታሙ ሳነቱዋነ ዎርቃዳን አልኦነ ሙሩታ ግዴዳ ናሃስያፐ ኦሰቴዳ ላኡ ሳነቱዋ።

28 ሄዋፐ ጉይያን፥ ታን ኡንቱንቶ ሀዋዳን ያጋድ፤ “ህንተነ ሀ ሚሻቱ ኡባይካ መꬍና ጎዳዉ ዱማቴድታ፤ ሀ ብራይነ ዎርቃይ አሳይ ባረ ሸንያን መꬍና ጎዳዉ፥ ህንተንቱ አዎቱዋ ጾሳዉ እሜዳዋ። 29 የሩሳላመን ደእያ መꬍና ጎዳ ጎልያን ሻሉዋ ዎꬅያ ጎልያ ጋኪደ፥ ቄስያ ካፓቱዋ ስንꬃን፥ ሌዋቱዋ ስንꬃንነ እስራኤልያ ዛራቱዋ ካፓቱዋ ስንꬃን እማና ጋካናዉ፥ ሀ ሚሻቱዋ ሎይꬅ ናግተ” ያጋድ። 30 ሄዋ ድራዉ፥ ቄሳቱ ነ ሌዋቱ የሩሳላመን ደእያ ኑ ጾሳ ጎልያዉ አፋናዉ ብራ፥ ዎርቃነ ሀራ ሚሻቱዋ ኡባ ሚዛንያን ልኪደ ሼቴድኖ።

31 ሄዋፐ ጉይያን፥ ኑን ኮይሮ አግናን ታማነ ላኤንꬆ ጋላሳን የሩሳላመ ባናዉ አሃዋ ሻፋ ማታፐ ደንዴዶ። ብያ ዎደ፥ ኑ ቦላን ደእያ ኑ ጾሳ ሎኦ ኩሺ ኑ ብያ ኦግያን ደእያ ሞርከቱዋፐነ ፓኖቱዋፐ ኑና ናጌዳነ አሼዳ። 32 ኑን የሩሳላመ ጋኪደ፥ ያን ሄዙ ጋላሳ ኡቴዶ።

33 ኦይደንꬃ ጋላስ ብራ፥ ዎርቃነ ሀራ ሚሻቱዋ ኡባካ ልኪደ፥ ኦርዮና ናኣ ቄስያ ማረሞታዉ ሼꬌዶ። ፒንሃሳ ናኣ ኤልኣዛረ፥ ሌዊያ ግድያ ኢያሱ ናኣ ዮዛባድነ ቢኑያ ናኣ ኖኣደ አናና እትፐ ደኢኖ። 34 ኡባባይካ ፓይደቴዳነ ልከቴዳ፤ ኡባና አያ ኬሻ ግዴደንቶ፥ ሄ ዎደ ጻፈቴዳ።

35 ሄዋፐ ጉይያን፥ ኦሞዱዋፐ ስሜዳ አሳይ እስራኤልያ ጾሳዉ ጹግያ ያርሹዋ ያርሼድኖ። ኡንቱንቱ እስራኤልያ ኡባ ድራዉ፥ ታማነ ላኡ ኮሩማቱዋ፥ ኡዱፑን ታማነ ኡሱፑን ዶርሳ ኦርገቱዋነ ላፑን ታማነ ላፑን ዶርሳ ማራቱዋ፥ ቃይ ናጋራ ያርሾካ ታማነ ላኡ ዴሻ ኦርገቱዋ ያርሼድኖ። ሀዌ ኡባይ ጹግያ ያርሹዋ ግዲደ፥ መꬍና ጎዳዉ ሺቄዳ። 36 ኡንቱንቱ ቃይ ካቲ አዛዜዳ አዛዙዋካ ካትያፐ ጋርሳና ቢታ ሞድያዋንቱነ ኤፍራጺሳ ሻፋፐ አዋይ ዉልያ ባጋ ቢታ ሞድያዋንቶ እሜድኖ፤ ኡንቱንቱ እስራኤልያ አሳነ ጾሳ ጎልያ ኪታ ማዴድኖ።