1 ሳራ ጼታነ ላታማነ ላፑን ላይꬃ ደኣዱ። 2 ሄዋፐ ጉየ እዛ ካናነ ጋድያን ደእያ (ከብሮነ ግያ) ቅርያት-አርባአ ካታማን ሀይቃዱ። አብራሃመ ሳርዉ ዬካናዉነ ካዮታናዉ ቤዳ።

3 ዬክ ስሚደ፥ አብራሃመ ባረ ማቻት አሃ ማታፐ ደንድ ቢደ፥ ሂተቱዋ ሀዋዳን ያጌዳ፤ 4 “ታን ህንተንቱ ግዶን በተነ እማꬃ፤ ታ ማቻት አሃ ሞጋናዉ ታዉ ህንተንቱ ጋድያፐ ዱፉዋ ዛልኤርክቴ!” ያጌዳ። እብራ. 11:9፣ 13፤ ኪታ 7:16

5-6 ሂተቱ አዉ፥ “ጎዳዉ፥ ኑን ኦድያዋ ስሳ፤ ኔን ኑ ግዶን ዎልቃማ ካፑዋ፤ ኔን ነ ማቻት አሃ ኑ ዱፉዋፐ ነዉ ሎኤዳዋን ሞጋ፤ ኔን ነ ማቻት አሃ ሞጋናዉ ባረ ዱፉዋ ኦንነ ኔና ድገና” ያግ ዛሬድኖ።

7 ያግና አብራሃመ ደንድ ኤቂደ፥ ሂተቱዋ ስንꬃን ጎይኔዳ። 8-9 እ ኡንቱንቶ፥ “ህንተንቱ ታና፥ ‘ነ ማቻት አሃ ሞጋ’ ጎፐ ስስተ፤ ጾሃራ ናኣ ኤፍሮናዉ አ ጋድያ ጋጻን ደእያ ማክጴላ ግያ ጎንጎሉዋ ታዉ ዱፉዋ ከሳናዉ ዛልአና ማላ ኩመንꬃ ጋትያን ኑና ዛልእሴርክተ” ያጌዳ።

10 ሂትያ ኤፍሮነ ሄ ዎደ ካታማ ፐንግያን ሺቄዳ ባረ አሳ ግዶን ኡቴዳ፤ ሂተቱ ኡባይ ስስሽን፥ አብራሃመዉ ያጌዳ፤ 11 “ሄዋዳን ግደና፤ ታ ጎዳዉ፥ ታ ኦድያዋ ስሳ፤ ታን ጋድያካ አ ግዶን ደእያ ጎንጎሉዋካ ነዉ እማይ፤ ታን ነዉ አ ታ አሳ ስንꬃን እማይ፤ ኔን ነ ማቻት አሃ ሞጋ” ያጌዳ።

12 አብራሃመ ሄ ጋደ አሳ ስንꬃን ዛረꬅ ጎይኔዳ፥ 13 አሳይ ስስሽን ኤፍሮና፥ “ታ ኦድያዋ ስሳርኪ! ታን ሄ ጋድያ ጋትያ ጭጋና፤ ኔን ታፐ አካርኪ! ሄዋን ታን ታ ማቻት አሃ ሞጋና” ያጌዳ።

14-15 ኤፍሮነ አብራሃመዉ ዛሪደ፥ “ታ ጎዳዉ፥ ታን ኦድያዋ ስሳ፤ ጋዲ ኦይዱ ጼቱ ጻጋራ ብራ *ኦይዱ ጼቱ ጻጋራ ብራ፦ ሀዌ ኦይዱ ኪሎ ግራመነ ባካ ዴጼ። ከስያዋ፤ ሽን ሄዌ ነ ግዶንነ ታ ግዶን አይነ ግደና፤ ነ ማቻት አሃ ሞጋ” ያጌዳ። 16 አብራሃመ ሂተቱ ስስሽን፥ ኤፍሮነ ጌዳ ጋትያ ማዬዳ፤ ሄ ዎደ ሻሉዋን ኦይዱ ጼቱ ጻጋራ ብራ ኤፍሮናዉ እሜዳ።

17 ማምረ ካታማ ማታን ማክጴላን ደእያ ኤፍሮና ጋዲ፥ ሄዋን ደእያ ጎንጎሉነ ሄ ጋድያን ደእያ ምꬃ ኡባይ፥ 18 ካታማ ፐንግያን ሺቄዳ ሂተቱዋ ኡባ ስንꬃን ህግያን አብራሃመ ጋደ ግዴዳ።

19 ሄዋፐ ጉየ፥ አብራሃመ ባረ ማቻቶ ሳሮ ካናነ ጋድያን (ከብሮነ ግያ) ማምረ ካታማ ማታን ደእያ ማክጴላ ግያ ጋደ ጎንጎሉዋን ሞጌዳ። 20 ሄዋ ድራዉ ሄ ጋዲነ ሄዋን ደእያ ጎንጎሉ ሂተቱዋ ስንꬃን ህግያን አብራሃመዉ ዱፉዋ ግዴዳ።