1 ሄዋፐ ጉየ አሳይ ዮሴፎዉ፥ “ነ አዉ ሳከቴዳ” ያጊደ ኦዴዳ። እ ባረ ላኡ አቱማ ናና ምናሳነ ኤፍሬማ አኪደ ቤዳ። 2 አሳይ ያቆባ፥ “በአ፤ ነ ናአይ ዮሴፎ ኔኮ ዬዳ” ያጌዳ፤ እስራኤሊ ምነቲደ ባረ ሂጻን ኡቴዳ።

3 ያቆብ ዮሴፎ፥ “ኡባ ዳንዳይያ ጾሳይ ካናነ ቢታን ሎዛ ግያ ሳኣን ታዉ ቆንጪደ፥ ያን ታና አንጄዳ። ዶመꬃ 28:13-14 4 እ ታና፥ ‘ታን ኔና የለትሳናነ ጮርሳና፤ ታን ኔና ዳሮ ደረ ኦꬃና። ሀ ቢታ ታን ኔፐ ጉየ፥ ነ ዘረꬃዉ መꬍና ላታ ኦꬃደ እማና’ ያጌዳ።

5 “ስም ሀእ፥ ነ ላኡ አቱማ ናናይ፥ ታን ኔኮ ሀዋ ያናፐ ካሰ ግብጼን ነዉ የለቴዳዋንቱ ታዋንታ፤ ኤፍሬምነ ምናሰ ታዉ ሮቤላነ ስሞና ማላ። 6 ኡንቱንቱፐ ጉየ ነዉ የለቴዳዋንቱ ነዋንታ፤ ኡንቱንቱ ላታና ቢታይ ኤፍሬማነ ምናሳ ሱንꬃን ግዶ። 7 ታን ማስጰጾምያፐ ስምሽን፥ ኤፍራታ ጋካናዉ ላፋ አሽያ ዎደ፥ ራሄላ ካናነ ቢታን ሀይቃዱ። ታን እዞ ቤተሌመ ግያ ኤፍራታ አፍያ ኦግያ ዶናን ሞጋድ” ያጌዳ። ዶመꬃ 35:16-19

8 እስራኤሊ ዮሴፎ አቱማ ናና ላአቱዋ በኤዳ ዎደ፥ “ሀዋንቱ ኦኔ?” ያጊደ ኦቼዳ።

9 ዮሴፎ ባረ አዉዋ፥ “ሀዋንቱ ጾሳይ ታዉ ሀዋን እሜዳ ታ ናና” ያጌዳ።

እስራኤሊ፥ “ታን ኡንቱንታ አንጃና ማላ፥ ኡንቱንታ ታኮ ሃ ሺሻ” ያጌዳ።

10 እስራኤሊ ጭምና አ አይፊ ላባኔዳ ድራዉ፥ ጼላናዉ ዳንዳየና። ሄዋ ድራዉ ዮሴፎ ባረ አቱማ ናና አኮ ሺሽና፥ አ አዉ ኡንቱንታ እድሚደ የሬዳ። 11 እስራኤለ ዮሴፋ፥ “ታን ነ ዴሙዋ በአና ጋደ ቆፓበይከ፤ ሽን ጾሳይ ሄኮ ነ ናናካ ታና በሴዳ” ያጌዳ። 12 ዮሴፎ ኡንቱንታ አ ጉልባታፐ ደንꬂደ፥ ባረ ዴሙዋ ሳኣ ጋꬂደ ጎይኔዳ።

13 ዮሴፎ ባረ ላኡ አቱማ ናና፥ ኤፍሬማ ባረ ኡሸቻ ባጋን እስራኤልያዉ ሀድርሳ ባጋና፥ ምናሳ ባረ ሀድርሳ ባጋን እስራኤልያዉ ኡሸቻ ባጋና አኪደ፥ አኮ ሺሼዳ። 14 ኤፍሬመ ቴፋ ግዶፐነ፥ እስራኤሊ ባረ ኡሸቻ ኩሽያ የዲደ አ ሁጲያን ዎꬄዳ፤ ቃይ ምናሰ ባይራ ግዶፐነ፥ እስራኤሊ ባረ ኩሽያ የዲደ፥ ባረ ሀድርሳ ኩሽያ ምናሰ ሁጲያን ዎꬄዳ።

15 ሄዋፐ ጉየ፥ ያቆብ ዮሴፋ ሀዋዳን ያጊደ አንጄዳ፤

17 ዮሴፎ ባረ አዉ ባረ ኡሸቻ ኩሽያ ኤፍሬማ ሁጲያን ዎꬄዳዋ በኤዳ ዎደ ዶስቤና። ሄዋ ድራዉ፥ ኤፍሬማ ሁጲያፐ ደንꬂደ፥ ምናሰ ሁጲያን ዎꬃናዉ ባረ አዉዋ ኩሽያ ኦይቄዳ። 18 ዮሴፎ ባረ አዉዋ፥ “ታ አዎ፥ ሄዋ ግደና፤ ባይራይ ሀዋተ፤ ነ ኡሸቻ ኩሽያ ሀዋ ቦላ ዎꬃ” ያጌዳ።

19 ሽን አ አዉ እጺደ አ፥ “ታን ኤራይ፤ ታ ናአዉ፥ ታን ኤራይ፤ እካ ዎልቃማ ደረ ግዳና። ግዶፐነ አ ቴፋ እሻይ አፐ አꬍ ግታታና፤ አ ዘረꬃይካ ዳሪ ዎልቃማ ካዉተꬃ ግዳና” ያጌዳ።

21 ሄዋፐ ጉየ እስራኤሊ ዮሴፎ፥ “ታን ሀያና ሀናይ፤ ሽን ጾሳይ ህንተናና ግዳና፤ ቃይ እ ህንተንቱ አዎቱዋ ጋድያ ህንተንታ ጉየ ዛራና። 22 ቃይ ኔና ነ እሻቱዋና ጋክያ ቢታፐ እት ሳማ ዳርሳደ ነዉ እማይ፤ ሄዌነ ታን አሞራቱዋፐ ታ ማሻንነ ታ ዎንዳፍያን አኬዳ ቢታ” ያጌዳ።