ሆሰ ትምቢትያ
ገሉዋ
ሆሰ ትምቢቲ፥ ሳማሪ ክርስቶሳ የለታፐ ካሰ 721 ላይꬃን ኩንዳናፐ ካሰቲደ፥ ሀኖታቱ መቶ ግድ ኡቴዳ ዎድያን፥ ትምቢትያ ኦዴዳ፤ እ ትምቢትያ ኦዴዳ ትምቢትያ ኦድያ አሞጻፐ ጉየ ግድሽን፥ ሁጲሳ ባጋ እስራኤልያ ካዉተꬃን ኦዴዳ። ሆሰኤ ሎይꬅ ዳርሲደ ኦዴዳዌ አሳይ ኤቃዉ ጎይኔዳዋነ ጾሳ አማንያ አማኑዋ ፓጭሴዳዋ። ሆሰኤ ሀዋ አሳይ ጾሳዉ አማነተናን አግያዋ ቆንጭሲደ ኦዳናዉ፥ እት አማነተና ምሽራቶ ማቼ ኦꬂደ አኬዳዋ ሌምሱዋ ኦꬂደ ጎኤቴ። አ ማቻታ ጎሜራ አዉ አማነተናን እጼዳዋዳን፥ ጾሳ አሳይካ ጾሳ አግ አጌዳ። ሄዋ ጋሱዋን እስራኤልያ አሳ ቦላ ፕርዳይ ያና ሀኔ። ግዶፐነ ዉርሰꬃን ጾሳይ ባረ አሳ ሲቅያ ሲቁ ዳርያ ድራዉ፥ ባረ አሳ ባረኮ ዛሪደ፥ ባረነ ባረ አሳፐ ግዱዋን ደእያ ሲቁዋ ኦራጽሴ። አ ዎልቃማ ሲቁ ሀዋፐ ካልያ ሃሳያን ቆንጬዳ፤ “እስራኤልያ አሳቶ፥ ታን ህንተና ዋታ ኦሎ? ታን ህንተና ዋታ አꬃደ እሞ? ታን ህንተና ሲቅያ ሲቁ ዎልቃማ ግድያ ድራዉ፥ ታን ሀዋ ኡባ ኦꬃናዉ ታ ዎዛናይ ኤኖ ጌና” (11:8) ያጌዳ።
ሸምፓቱዋ ኡባቶ እመቴዳ ቃንꬃ ቆፋቱዋ
1. ሆሰ ሶ አሳይ አማኑ ባንታ ጾሳ አሳዉ ሌምሶ ግዴድኖ 1:1—3:5
2. ጾሳይ እስራኤልያ፥ ይሁዳነ ኡንቱንታ ካለꬅያዋንታ ሴሬዳ 4:1—5:15
3. አሳይ ጾሳኮ ስሞዋ ማላትሴዳ 6:1—7:10
4. እስራኤልያ አሳይ ጾሳን አማነትቤና 7:11—8:14
5. እስራኤልያ አሳይ በስያ ሙሩዋ ደማና 9:1-16
6. እስራኤልያ አሳዉ እመቴዳ ሴራ 9:17—10:15
7. ጾሳይ ባረ አሳዉ ደእያ ሲቁዋ 11:1-11
8. ጾሳይ ባረ አሳ ቦላ አꬄዳ ፕርዳ 11:12—13:16
9. ናጋራ ማሮታነ አንጁዋ ህዶታ 14:1-9
1
ሆሰ ሶ አሳይ አማኑ ባይና ጾሳ አሳዉ ሌምሶ ግዴድኖ
(1:1—3:5)
1 ኦዝያነ፥ እዮኣታም፥ አካዝነ ህዝቂያስ ካል ካሊደ ይሁዳን ካተቴዳ ዎደ፥ ቃይ ዮኣሻ ናአይ እዮርባም እስራኤልያን ካተቴዳ ዎደ፥ ብኤራ ናኣ ሆሰኮ ዬዳ መꬍና ጎዳ ቃላይ ሀዋ። 2 ካታ. 14:23—15:7፤ 15:32—16:20፤ 18:1—20:21፤ 2 ኦዱዋ 26:1—27:8፤ 28:1—32:33
ሆሰ ማቻቶነ ናናቱዋ
2 መꬍና ጎዳይ ኮይሮ ሆሰአ ባጋና ሃሳዬዳ ዎደ፥ መꬍና ጎዳይ ሆሰአ፥ “ባ፤ ሻርሙጻ ምሽራቶ ነዉ አካ፤ ሻርሙጻትፐ ናናቱዋ የላ። አያዉ ጎፐ፥ ሻርሙጽያ ምሽራታ ባረ አስናፐ ሻከትያዋዳን፥ ታ አሳይ ታፐ ሻከቴዳ” ያጌ መꬍና ጎዳይ።
3 ቢደ፥ ድብላይማ ናቶ ጎሜሮ አኬዳ፤ ሻሃራደ፥ አቱማ ናኣ አዉ የላዱ። 4 ያትና፥ መꬍና ጎዳይ ሆሰአ፥ “ናኣ ሱንꬃ ‘እዝራኤላ’ ያጋደ ሱንꬃ። አያዉ ጎፐ፥ እዝራኤለን ጉኬዳ ሱꬃ አጩዋ ታን ዬሁ ዛራቱዋ ቃንꬃ ዎድያን አቻና፤ እስራኤልያ ካዉተꬃካ ꬋይሳና።2 ካታ. 10:11 5 ሄ ጋላስ ታን እዝራኤላ ዛንጋራን እስራኤልያ ኦላንቻቱዋ መንሬꬃና” ያጌዳ።
6 ጎሜራ ላኤንꬁዋ ሻሃራደ፥ ማጫ ናቶ የላዱ። ያትና፥ መꬍና ጎዳይ ሆሰአ፥ “እ ሱንꬃ ‘ሎሩሃሞ’ ያጋደ ሱንꬃ። አያዉ ጎፐ፥ ሀዋፐ ስንꬃናዉ ታን እስራኤልያ አሳዉ ቃረትከ፤ ኡንቱንቶ ሙለካ አቶ ጊከ። 1:6 ሎሩሃሞ: ሎሩሃሞ ግያዌ ቃረተናኖ ግያዋ። 7 ሽን ታን ይሁዳ አሳዉ ቃረታና፤ ታን መꬍና ጎዳን፥ ኡንቱንቱ ጾሳን፥ ኡንቱንታ አሻናፐ አትና፥ ዎንዳፍያን ዎይ ማሻን ዎይ ኦላን ዎይ ፓራቱዋን ዎይ ፓራ አሳቱዋን አሽከ” ያጌዳ።
8 ጎሜራ ሎሩሃሞ ꬋንꬃ ዱꬄዳዋፐ ጉይያን፥ ሀራ ሻሃራደ፥ አቱማ ናኣ የላዱ። 9 ያትና፥ መꬍና ጎዳይ ሆሰአ፥ “አ ሱንꬃ ‘ሎኣማ’ ያጋደ ሱንꬃ። አያዉ ጎፐ፥ ህንተ ታ አሳ ግድክታ፤ ታንካ ህንተ ጾሳ ግድከ”*ሎኣማ፦ ሎኣማ ግያዌ ታ አሳ ግደና። ግያዋ።
እስራኤልያ አሳይ ኦራጻና
10 ግዶፐነ “እስራኤልያ አሳይ ልካናዉነ ፓይዳናዉ ዳንዳየተና አባ ሻፍያ ኬሻ ግዳናዋ። ኡንቱንቶ፥ ‘ህንተ ታ አሳ ግድክታ’ ጌተት ኦደቴዳሳን፥ ‘ህንተ ደኡዋ ጾሳ ናናቱዋ’ ጌተታና። ሮመ 9:26 11 ይሁዳ አሳይነ እስራኤልያ አሳይ እትፐ ሺቃና፤ ባረዉ እት ካፑዋ ዶራና፤ ኦሞዱዋ ጋድያፐ ስማናነ እሻሊደ ደአና። አያዉ ጎፐ፥ እዝራኤላ †እዝራኤላ፦ ሀ ሱንꬃ ብለꬃይ እብራዌꬁዋን፥ “ጾሳይ ዘሬ” ጉሳ ግዲደ ጾሳይ ድችያዋነ እሻሉዋን ዎꬅያዋ በሴ። ጋላሳይ ዎልቃማ ጋላሳ ግዳናዋ።