1 ቶጵያ ሻፋቱዋፐ ሄፍንꬃ ባጋና ደእያ ቀፈቱ ጊረትያ ቢታዉ አየ አና!ሶፎ. 2:12 2 ሄ ጋዲ ኪተትያ አሳቱዋ ናይለ ሻፋ ቦላና ኪቴ፤ ቃይ ሾምቦቁዋ ዎልዎሉዋን ዎꬂደ፥ ሃꬃቱዋ ቦላናካ ኪቴ። ህንተኖ፥ ድርቢያ ኪተትያዋንቶ፥ እት አዱሳነ ሊቆ አሳኮ ቢተ፤ ማታይ ሃኩ ያይያ አሳኮ፥ ዎልቃማነ ጾንያ ካዉተꬃ ግድያ፥ ሻፋይ ኡንቱንቱ ጋድያ ግዱዋን ሻኪደ ጎግያ ጋድያ አሳኮ ቢተ።

3 ህንተኖ፥ ሳኣን ደእያ ኡባ ገደ፥ ህንተኖ፥ ጋድያን ደእያዋንቶ፥ ደረቱዋ ቦላን ማላታይ ኤቂያ ዎደ፥ ህንተ በአና፤ ቃይ ማላካታይካ ፑነትያ ዎደ፥ ህንተ ስሳና። 4 አያዉ ጎፐ፥ መꬍና ጎዳይ ታዉ ሀዋዳን ያጌዳ፤ “ሳአይ ሴታ ጋላሳ ግድያ ዎደ ከስያ ዎልቃማ ምሹዋዳን፥ ቃይ ካꬃ ጫክያ አግናን ሆምቢያ ቃማን ሺቅያ ከተርሳዳን፥ ታን ጮኡ ጋደ፥ ታ ደእያ ሳኣፐ ዱገ ጼላና” ያጌዳ። 5 ካꬃ ጫክያ ዎድያፐ ካሰ፥ ጪሻይ ኮለት ስምና፥ ዎይንያ አይፊ ቴርያ ዎደ፥ እ ጹንቂያ ባጫን አ ጼራ ጹንቂክቻና፤ ዳሽያ ማራ ዳሻካ እ ድጋና። 6 ኡንቱንቱ ኡባይካ ደርያ ሁጲያን ደእያ፥ ምያዋ ዎችያ ካፎቶነ ሳኣ ዶአቶ አታና፤ ምያዋ ዎችያ ካፎቱ ባልጉዋ፥ ሳኣ ዶአቱ ቦንያ ኡንቱንታ ሚደ ሻጫና።

7 ሄ ዎደ አዱሳነ ሊቆ አሳፐ፥ ማታይ ሃኩ ያይያ አሳፐ፥ ዎልቃማነ ጾንያ ካዉተꬃፐ፥ ቃይ ሻፋይ ኡንቱንቱ ጋድያ ግዱዋን ሻኪደ ጎግያ ጋድያ አሳፐ፥ ኡባፐ ዎልቃማ መꬍና ጎዳዉ እሞታይ ጽዮነ ደርያ፥ መꬍና ጎዳ ሱንꬃይ ደእያ ሳኣ ያና።