1 ቢታ ባዙነ መላ ቢታይ ናሸታና፤ መላ ቢታይ ናሸቻ ፖጩ ጊደ፥ ጪሻ ጪሻና። 2 እ ዳሮፐ ጪሻና፤ ፖጩ ጊደ ናሸቻን የጻና። ሊባኖሳ ቦንቹነ ቃርመሎሳነ ሳሮና ግታተꬃይ እመታና፤ ኡንቱንቱ መꬍና ጎዳ ቦንቹዋነ ኑ ጾሳ ግታተꬃ በአና።

3 ዳቡሬዳ ኩሸቱዋነ አርጋጬዳ ጉልባታ ምንꬅተ።እብራ. 12:12 4 ዎዛናን ያሻይ ደእያዋንታ፥ “ምንተ! ያዮፕተ! ሄኮ፥ ህንተ ጾሳይ ሀሉዋ ከሳናዉነ ባረ ጾሳተꬃን ኡንቱንታ ሙራናዉ ያና፤ እ ህንተና አሻና” ያግተ።

5 ሄ ዎደ፥ ቆቀቱዋ አይፊ ዶየታና፤ ማቶሳ 11:5፤ ሉቃሳ 7:22 ቱለቱዋ ሀይꬃይካ ስሳና። 6 ዎባቱዋ ገንእያዳን ጉፓና፤ ዱደቱካ ናሸቻን የጻና፤ ባዙዋን ሃꬃይ መሎሳን ፑልቱ ꬉቃና። 7 ጹግያ ሻፊ ዳጋቴዳ ሃꬃ ግዳናዋ፤ መላ ቢታይ ሃꬃ ፑልታና፤ ዎራካናቱ አላጽያሳን ማታይ ማቃይነ ጫሪ ዶላና።

8 ያን አኮ ኦጊ ደአና፤ እካ ጌሻተꬃ ኦግያ ጌተታና። ጌሻ ግደናዋንቱ ሄ ኦግያና አꬍክኖ። ሽን እ ጌሻቱዋሳ ግዳናዋ፤ ኢታ ኤያቱ አን ስመረትክኖ። 9 ያን ጋሙ ደኤና፤ ያሽያ ዶአቱካ ሄዋና አꬍክኖ፤ ያንካ ቤትክኖ፤ ሽን ዎዘቴዳዋንቱ ጻላላይ ሀመታና። 10 መꬍና ጎዳይ ዎዜዳዋንቱ ስማና፤ የጺድ፥ ጽዮነ ያና፤ መꬍና ናሸቻይ ኡንቱንቱ ሁጲያን ዎꬋና። ኡንቱንቱ ናሸቻነ ሀሹ ግያዋ ደማና፤ ካዩነ ኦሊ ዎራ ባቃታና።