1 ካቲ ህዝቂያስ ሄዋ ስሴዳ ዎደ፥ ባረ ማዩዋ ፔꬌዳ፤ ማቃ ማዪደ፥ መꬍና ጎዳ ጌሻ ጎልያ ገሌዳ። 2 ካትያ ጎልያን አዎትያ ኤልያቂመ፥ ዋና ጻፊ ሼብንነ ጭማ ቄሳቱ ማቃ ማዪደ፥ አሞጻ ናኣ ትምቢትያ ኦድያ ኢስያሳ ኮ ባና ማላ ኪቴዳ። 3 ኡንቱንቱ ኢስያሳ ኮ ቢደ፥ “ህዝቂያስ ሀዋዳን ያጌ፤ ‘ሀቼ ጋላሳይ መቶ ጋላሳ፥ ሴራ ጋላሳነ ዬላ ጋላሳ። ሄዌካ ናእ የለታናዉ ዎዲ ጋክና፥ ባናደ የላናዉ ምሽራትዉ ዎልቃይ ꬋይያዋ ማላ። 4 ደኡዋ ጾሳ ሸቃናዳን፥ አ ጎዳይ፥ አሶረ ካቲ፥ ኪቴዳ ጋዳዋ ቃላ መꬍና ጎዳይ ነ ጾሳይ ስሰናን አገና። ቃይ መꬍና ጎዳይ ነ ጾሳይ ሄ ስሴዳ ቃላ ሀዳን አ ሙረናን አገና። ሄዋ ድራዉ፥ ኑ አሳ ግዶን ፓላህ አታናዋንቶ ዎሳ!’ ያጌ” ያጌድኖ።

5 ካትያ ህዝቂያሳ ቆማቱ ኢስያሳ ኮ ዬዳ ዎደ፥ 6 እስያስ ኡንቱንታ ሀዋዳን ያጌዳ፤ “ህንተ ጎዳዉ ሀዋዳን ያጊደ ኦድተ፤ መꬍና ጎዳይ ኔና፥ ‘አሶረ ካትያ ቆማቱ ታና ሸቅሽን፥ ኔን ስሴዳ ቦርያ ቃላዉ ያዮፓ። 7 በአ፥ ኦዱዋ ስሲደ፥ እ ባረ ቢታ ስማና ማላ፥ ታን አ ግዶን እት አያና ዎꬃና። ያታደ እ ባረ ቢታ ቢደ፥ ያን ማሻን ሀይቃናዳን፥ ታን አ ኦꬃና ያጌ’ ” ያግተ ያጌዳ።

8 አሶረ ካቲ ላክሻ ካታማፐ ደንዲደ ብ ክቼዳዋ አሶረቱዋ ጋዳዋይ ስሲደ፥ ጉየ ስሜዳ። ካቲ ሊብና ካታማን ኦለትያዋ ደሜዳ።

9 ካቲ ሳናክሬብ፥ “ቶጵያ ካቲ ትርሃቅ ኔና ኦላናዉ ዬዳ” ያግያ ኦዱዋ ስሴዳ። ህዝቂያሳዉ ሀዋዳን ያግ ኪቴዳ፤ 10 “ይሁዳ ካትያ ህዝቂያሳ፥ ኔን አማነትያ ጾሳይ ኔና፥ ‘የሩሳላመ አሶረ ካትያ ኩሽያን ገለና’ ያግ ጭሞፖ። 11 በአ፥ አሶረ ካተቱ ቢታቱዋ ኡባ ኡባና ꬋይሲደ፥ ኡንቱንቱ ኦꬄዳዋ ኔን ስሳዳ። ያትና፥ ኔን አታኒ? 12 በን ታ ማይዛ አዎቱ ባይዜዳ ቢታቱዋ ጾሳቱ፥ ሄዋንቱነ ጎዛና፥ ካራነነ ረጼፋ ቢታቱዋ ጾሳቱነ ታላሳራን ደእያ ኤደነ አሳ ጾሳቱ ሄ ቢታቱዋ ባሻፐ አሼድኖ? 13 ሀማታ ካቲ፥ አርፋዳ ካቲ፥ ሳፋርዋይማ ካቲ፥ ሄናአ ካቲነ ኢዋ ካቲ ሀቃን ደኢኖ?” ያግ ኪቴዳ።

14 ህዝቂያስ ዳብዳቢያ ኪተቴዳ አሳቱዋፐ አኪደ ናባቤዳ። ዳብዳቢያ መꬍና ጎዳ ጌሻ ጎልያ አክ አፊደ፥ መꬍና ጎዳ ስንꬃን ምጬዳ። 15 ያቲደ መꬍና ጎዳ ሀዋዳን ያግ ዎሴዳ፤ 16 “አቤት ኡባፐ ዎልቃማ መꬍና ጎዳዉ፥ ክሩበቱዋፐ ግዱዋን ኡትያ እስራኤልያ ጾሳዉ፥ ሳኣ ካዉተꬃቱዋ ኡባ ቦላ ነ ጻላላይ ጾሳ። ሳሉዋነ ሳኣ ኔን መꬋዳ።ከሳ 25:22 17 አቤት መꬍና ጎዳዉ፥ ነ ሀይꬃ ሃ የጋደ ስሳ። አቤት መꬍና ጎዳዉ፥ ነ አይፍያ ፖጋደ ጼላ። ኔና፥ ደኡዋ ጾሳ ቦራናዉ ሳናክሬብ ኪቴዳ ቃላ ስሳ።

18 “አቤት መꬍና ጎዳዉ፥ አሶረ ቢታ ካተቱ ካዉተꬃ ኡባነ ኡንቱንቱ ጋድያ ባይዜዳዌ ኤ ቱማ። 19 ኡንቱንቱ ጾሳቱዋ ታማን ጹግ ꬋይሴድኖ፤ አያዉ ጎፐ፥ ኡንቱንቱ ጾሳቱ ዎንካ አሳ ኩሺ ማሲደ ከሴዳ ምꬃነ ሹቻ ግድያ ድራዉ፥ ቱሙ ጾሳቱዋ ግድክኖ፤ ሄዋ ድራዉ፥ ኡንቱንቱ ኡንቱንታ ꬋይሴድኖ። 20 ሀእ ስም አቤት መꬍና ጎዳዉ፥ ኑ ጾሳዉ፥ ነ ጻላላይ ጾሳ ግድያዋ ሳኣ ካዉተꬃቱ ኡባይ ኤራና ማላ፥ ኔን ኑና አ ኩሽያፐ ዎꬃ አካ!” ያግ ዎሴዳ።

21 ሄዋፐ ጉይያን፥ አሞጻ ናአይ እስያስ ህዝቂያሳዉ ሀዋዳን ያግ ኪቴዳ፤ “መꬍና ጎዳይ እስራኤልያ ጾሳይ ሀዋዳን ያጌ፤ ‘ኔን አሶረ ካትያ ሳናክሬባ ጋሱዋን ታና ዎሴዳ ዎሳ ስሳድ’ ያጌ። 22 መꬍና ጎዳይ ሳናክሬባዋ ሀዋዳን ያግ ሃሳየ፦

30 ሄዋፐ ጉይያን፥ እስያስ ካትያ ህዝቂያሳ ሀዋዳን ያጌዳ፤ “ሀዎ ነዉ ማላታይ ሀዋ: ሀ ላይꬅ ህንተ አዛባ ሞኬዳ ካꬃ ማና፤ ላይꬅ ቃይ ሀ ላይꬅ ሞኬዳዋ አዛባ ማና። ሽን ካላ ላይꬅ ህንተ ህንተ ሁጲያን ዘርተነ ጫክተ፤ ዎይንያ ቱራካ ቶክተነ አ ቴራ ሚተ። 31 ይሁዳ አሳፐ አትያዋንቱ ጻጱዋ ዱገ የዲደ፥ ቦላን አይፍያ አይፍያ ምꬃ ማላ ግዳናዋ። 32 አያዉ ጎፐ፥ ዉሪደ አቴዳዋንቱ የሩሳላመፐ፥ ፓላሄዳዋንቱካ ጽዮነፐ ከሳና። ኡባፐ ዎልቃማ መꬍና ጎዳ ምሹ ሄዋ ኦꬂደ ፖላና።

33 “ሄዋ ድራዉ፥ አሶረ ካትያባ መꬍና ጎዳይ ሀዋዳን ያጌ፤ ‘አሶረ ካቲ ሀ ካታማ ገለና፤ ዎይ ሀዋን ባረ ዎንዳፍያ ዱከና፤ ዎይ ባረ ጎንዳልያ ኦይቂደ፥ ሀ ካታማ ስንꬃ አና፤ ዎይ ቃይ ካታማ ዩሹዋ ቢታ ዶርያን ዶደና። 34 አሶረ ካቲ ባረ ዬዳ ኦግያና ጉየ ስማና፤ እ ሀ ካታማ ገለና። ታን መꬍና ጎዳይ ሀዋ ኦዳይ። 35 ታን ታ ቦንቹዋ ድራዉነ ታ ቆማ ዳዊታ ድራዉ፥ ሀ ካታማ ቦሽሰናን አሻ አካና’ ያጌ” ያጌዳ።

36 ሄ ጋላስ ቃማ መꬍና ጎዳ ኪታንቻይ ከሲደ፥ አሶረ አሳይ ዱንካኔዳሳን፥ እት ጼታነ ሆስፑን ታማነ እቼሹ ሻአ አቱማ አሳ ዎꬌዳ። ያትና፥ አሳይ ዎንታ ሱሪደ በእያ ዎደ፥ ሀይቄዳ አሳ አሃይ ሄዋን ኩሜዳ። 37 ሄዋ ድራዉ፥ አሶረ ካቲ ሳናክሬብ ደንዲደ፥ ጉየ ስም ቢደ፥ ናናዌ ካታማን ኡቴዳ።

38 እት ጋላስ ሳናክሬብ ባረ ጾሳ ንስሮካ ጎልያን ጎይኒድ ደእሽን፥ አ ናናይ አድራመሌክነ ሳርኤጸር ማሻን አ ዎꬌድኖ። አራራተ ግያ ቢታ ባቃቴድኖ። አ ናአይ አስራዶን አ ሳኣን ካተቴዳ። 37:38 አስራዶን: እ እብራዌꬆ ቃላን “ኤሳር-ሀዶን” ጌተቴ።