1 እት ጋላስ ሳምሶን ትምና ግያ ሳኣ ዎꬌዳ፤ ያን እት ፕልስጼማ ዎዶራቶ በኤዳ። 2 ሶይ ስሚደ ባረ አዉዋነ ባረ ዳዮ፥ “ታን ትምናን እት ፕልስጼማ ዎዶራቶ በኣድ፤ ሀእ እዞ ታዉ ኦቺደ እምተ” ያጌዳ።

3 ሽን አ አዉነ አታ አ፥ “ማቻቶ ኦቻናዉ ሀ ቃጻረትቤና ፕልስጼማቱዋኮ ባናዉ ኔና አያዉ ኮሼዴ? ኑ ዳባቱ ግዶን ዎይ ኑ አሳ ኡባ ግዶን ነዉ ሀንያ እት ማጫ ናኣ ደማናዉ ዳንዳያበይኪ?” ያጊደ ኦቼድኖ።

ሽን ሳምሶን ባረ አዉዋ፥ “ታዉ እዛ ሎእያ ድራዉ፥ እዞ ጊግሳደ ታዉ እማ” ያጌዳ። 4 ፕልስጼማቱዋ ኦላናዉ መꬍና ጎዳይ ጋሱዋ ኮዪደ፥ ሀዋ ኡንቱንቱ ቦላ ኦꬅያዋ ሳምሶና አዉነ አታ ኤርበይክኖ። ሄ ዎደ ፕልስጼማቱ እስራኤልያ አሳ ሞዲኖ።

5 ሄዋፐ ጉይያን፥ ሳምሶን ባረ አዉዋናነ ባረ አትና ትምና ዎꬌዳ። ያን ዎይንያ ቱራ ግዱዋና እ አꬊደ ቢሽን፥ እት ዎዳላ ጋሙ ጉዲደ አ ቦላ ከሴዳ። 6 መꬍና ጎዳ አያናይ ሳምሶና ቦላን ዎልቃፐ ዎꬌዳ፤ ዴሻ ማራ ዱሰረꬅያዋዳን፥ ባረ ኩሽያን አያነ ኦይቀናን ጋሙዋ ዱሰረꬅ የጌዳ። ሄ ባረ ኦꬄዳዋ ባረ አዎነ ባረ አትዉ ኦድቤና። 7 ሄዋፐ ጉይያን ቢደ፥ ዎዶራቶ ሃሳይሴዳ፤ እዛ አዉ ሎኣዱ።

8 ጉꬃ ዎድያፐ ጉይያን፥ እዞ ቡላቻናዉ ያ ስሚደ ቤዳ፤ ባረ ዎꬌዳ ጋሙዋ በአናዉ ኦግያፐ ሸርእ ጊደ ብያ ዎደ፥ ጋሙዋ አሃ ግዶን ማꬃይ ኤሳ ኤሴዳዋ በኤዳ። 9 ኤሳፐ አማሬዳዋ ካሽ አኪደ፥ ኦግያን ሚደ ቤዳ። ባረ አዉዋኮነ ባረ ዳይኮ ጋኪደ፥ ባረ ኦይቄዳ ኤሳፐ አማሬዳዋ እምና፥ ኡንቱንቱካ ሜድኖ፤ ሽን ሳምሶን ሄ ኤሳ ጋሙዋ አሃ ግዶፐ አኬዳዋ ኡንቱንቶ ኦድቤና።

10 አ አዉ ምሽራት ሶ ቢና፥ ሳምሶን ያን ባላ ጊግሴዳ። ሄዋ ማላ ግብራይ ቡላቻዉ ካሰፐካ ኦꬅያ ዎጋ። 11 ሄ አሳይ አ በኤዳ ዎደ፥ አናና ጋምአናዳን ሀታሙ ዎዳላ ናና ዶሬዳ። 12 ሳምሶን ኡንቱንታ፥ “አነ ህንተንቱ ኤርንቶነ እት ቃንእሽያ ታን ህንተንታ ቃንእሻይ፤ ቡላቻ ባላይ ቦንቼትያ ላፑን ጋላሳ ግዱዋን ሀ ቃንእሽያ ብርሸꬃ ታዉ ህንተንቱ ኦድያዋ ግዶፐ፥ ታን ህንተዉ ሀታሙ ሱፍያ ቃምሸቱዋነ ሀታሙ ኩመንꬃ ማዮቱዋ እማና። 13 ሽን ህንተንቱ ታዉ ብርሸꬃ ኦዳናዉ ዳንዳያና ꬋዮፐ፥ ህንተንቱ ታዉ ሀታሙ ሱፍያ ቃምሸቱዋነ ሀታሙ ኩመንꬃ ማዮቱዋ እሚታ” ያጌዳ።

ሄዋፐ ጉየ ኡንቱንቱ፥ “ኤኖ፥ ነ ቃንእሽያ አነ ኑ ኦዳ” ያጌድኖ።

14 እ ኡንቱንታ፥

15 ኦይደንꬆ ጋላስ ኡንቱንቱ ሳምሶና ማቻቶ፥ “አነ ነ አስና ጭማደ ቃንእሽያ ብርሸꬃ እ ኑዉ ኦዳናዳን ኦꬃ። ሄዌ ꬋዮፐ፥ ኑን ኔናነ ነ አዉዋ ጎልያ ታማን ጹጋና። ህንተንቱ ኑና ጼሴዳዌ ኑና ማንቀꬃናሴ?” ያጌድኖ።

16 ያትና፥ ሳምሶና ማቻታ ዬካደ አኮ ሺቃደ፥ “ኔን ታና ሲቃካ! ኔን ታና ሎይꬃ እጻሳ! አያዉ ጎፐ፥ ኔን ታ ጋድያ አሳ ቃንእሽያ ቃንእሻደ፥ አ ብርሸꬃ ታዉ ኦዳበይካ” ያጋዱ።

ሄዋፐ ጉየ እ ዛሪደ፥ “በአ፥ ሀዋ ታን ታ አዎካ ታ አትዉካ ኦዳበይከ። ያትና፥ ነዉ አያዉ ኦዶ?” ያጌዳ። 17 ሄዋፐ ጉየ ቡላቻ ባላይ ቦንቼትያ ላፑን ጋላሳ ኡባን ዬካደ ሸምፑዋ ድግና፥ ላፑንꬃ ጋላስ ቃንእሽያ ብርሸꬃ እዝዉ ኦዴዳ። አካ ባደ ባረ ጋደ አሳዉ ኦዳዱ።

18 ያትና፥ ላፑንꬃ ጋላስ አዋይ ዉላናፐ ካሰ ካታማ አሳቱ ባረ ዛሩዋ አኪደ ዪደ፥ ሳምሶና፥

ሄዋፐ ጉየ ሳምሶን ኡንቱንታ፥

19 ሄዋፐ ጉይያን፥ መꬍና ጎዳ አያናይ አ ቦላን ዎልቃፐ ዎꬍና፥ አስቃሎና ካታማ ዎꬊደ፥ ሀታሙ አሳቱዋ ዎꬌዳ፤ ኡንቱንቱ ማዩዋ ቃር አኪደ፥ ቃንእሽያ ብሊደ አሳቶ አሂደ እሜዳ። ሀኔዳባን ኡባን ሀንቁዋ ኤጸቲደ፥ ባረ አዉዋ ሶ ስሚደ ቤዳ። 20 ሳምሶና ማቻታ አ ላግያዉ፥ አ ዋና ሚዝያዉ እመታዱ።