1 ሄዋፐ ጉይያን፥ መꬍና ጎዳይ ታዉ ሀዋዳን ያጌዳ፤ “ሀራይ አቶ ሙሴነ ሳሜል ታ ስንꬃን ኤቂንቶነ፥ ታ ዎዛናይ ሀ አሳቱዋኮ ስመና። ኡንቱንታ ታ ስንꬃፐ ድጋ፤ ኡንቱንቱ ቢኖ። ህዝ. 32:11-14፤ ፓይ. 14:13-19፤ 1 ሳሜላ 7:5-9 2 ቃይ ኡንቱንቱ ኔና፥ ‘ኑን ሀቃ ባኔ?’ ጊደ ኦቾፐ፥ መꬍና ጎዳይ ሀዋዳን ያጌ ጋደ ኡንቱንቶ ኦዳ፤ ሳፃ 13:10 ‘ሀይቆ ፕርደቴዳዋንቱ፥ ሀይቆ ቢኖ። ማሻዉ ፕርደቴዳዋንቱ፥ ማሻዉ ቢኖ። ኮሻዉ ፕርደቴዳዋንቱ፥ ኮሻዉ ቢኖ። ኦሞደታናዉ ፕርደቴዳዋንቱ፥ ኦሞዶ ቢኖ’ ያጌ” ያጌዳ።

3 መꬍና ጎዳይ ሀዋዳን ያጌ፤ “ታን ኦይዱ ቆሞ ባየꬃ ኡንቱንቱ ቦላ አሀና፤ ሄዋንቱነ፥ ኡንቱንታ ዎꬋናዉ ማሻ፥ ኡንቱንቱ አሃ ጎቻናዉ ካናቱዋ፥ ኡንቱንቱ አሹዋ ሚደ ꬋይሳናዉ ሳሉዋ ካፎቱዋነ ሳኣ ዶአቱዋ። 4 ህዝቂያሳ ናአይ፥ ይሁዳ ካቲ ምናሰ የሩሳላመን ኦꬄዳ ፓላ ድራዉ፥ ታን ኡንቱንታ ሳኣ ካዉተꬃ ኡባዉ ዳጋማ ኦꬃና።2 ካታ. 21:1-16፤ 2 ኦዱዋ 33:1-9

5 “የሩሳላመ አሳቶ፥ ህንተዉ ኦኔ ቃረታናዌ? ህንተዉ ካዮታናዌ ኦኔ? ‘ህንተ አይ ማሌ?’ ጊደ ህንተና ኦቻናዉ ኤቃናዌ ኦኔ?” ያጌ።

6 መꬍና ጎዳይ ሀዋዳን ያጌ፤ “ህንተ ታና አጌድታ፤ ሀእ ሀእካ ህንተ ጉየ ስሜድታ። ሄዋ ድራዉ፥ ታን ህንተ ቦላ ታ ኩሽያ የዳደ ህንተና ꬋይሳድ፤ ታን ህንተዉ ቃረታደ ዳቡራድ። 7 ታን ኡንቱንታ ሄ ቢታ ካታማቱዋ ፐንግያን ላይዳ አካደ ሰጻድ። ኡንቱንቱ ናናቱዋካ ዎꬋ ዉርሳድ፤ ታን ታ አሳ ꬋይሳድ። አያዉ ጎፐ፥ ኡንቱንቱ ባረንቱ ኢታ ኦግያፐ ስመናን እጼድኖ። 8 ታን ኡንቱንቱ አምኤቱዋ ፓይዱዋ አባ ሻፍያፐካ ዳርሳድ። ታን ጋላሳ ሴታን ኡንቱንቱ ዎዳላቱዋ ዎꬍ ꬋይስያዋንታ ኡንቱንቱ አየቱዋ ቦላ አሃድ። ቆፐናን ደእሺና፥ ምሹዋነ ዳጋማ ታን ኡንቱንቱ ቦላ ዱገ የዳድ። 9 ላፑን ናናቱ ሀይቄዳ አታ ሸምፑዋ ላባናዱ። እዝዉ ጋላሳይ ቃሜዳ፤ አ ካዉሻዱነ ዬላታዱ። ብሮ ፓጻ ደእያዋንታካ ታን ኡንቱንቱ ሞርከቱዋ ስንꬃን ማሻን ሲፍሳድ። ታን መꬍና ጎዳይ ሀዋ ኦዳድ” ያጌ።

10 ታዉ አየ ታ አቴ! ታና የለናን አጋርኪሻ! ታን ቢታ ኡባን ደእያ አሳና ዋላቀትያነ ባጸትያ አሳ ግዳድ። ታን ኦስነ ታልአበይከ፥ ዎይ ኦፐነ ታልኣደ አካበይከ፤ ግዶፐነ፥ አሳይ ኡባይ ታና ሸቄ።

11 መꬍና ጎዳይ ሀዋዳን ያጌዳ፤ “ቱሙፐ ታን ኔና ሎኦባዉ አሻ አካና። ቱሙፐ ነ ሞርከቱ መቱዋ ዎደነ ዋይያ ዎደ ነዉ ዋትዋታናዳን፥ ታን ኦꬃና።

12 “ዎን አሳይ ብራታ፥ ሁጲሳ ባጋና ይያ ብራታ ዎይ ናስያ መንꬃናዉ ዳንዳዪ? 13 ቢታ ኡባን ህንተ ኦꬄዳ ናጋራ ድራዉ፥ ታን ህንተ አቁዋ ፔሻ፥ ጮ ቦንቂያዋንቶ እማና። 14 ታን ህንተና ህንተ ኤረና ቢታን ህንተ ሞርከቶ አይለያና፤ አያዉ ጎፐ፥ ታ ሀንቁ ምያ ታማ ግዲደ፥ መꬍናዉ ኤጻና” ያጌዳ።

15 አቤት መꬍና ጎዳዉ፥ ኔን ኤራሳ። ታና ሀሳያደ ማዳ፤ ታና የደርስያዋንቱ ቦላ ታ ሀሉዋ ከሳ። ኔን ኡንቱንቶ ዳንዳያደ፥ ታና ዎራ የጎፓ። ታን ነ ድራዉ ሸቀትያዋ ቆፓ። 16 አቤት መꬍና ጎዳዉ፥ ኡባ ዳንዳይያ ጾሳዉ፥ ታን ነ ሱንꬃን ጼሰቴዳ ድራዉ፥ ነ ቃላይ ታኮ ዪና ማድ። ታና ፓሽክሴዳነ ታ ዎዛና ናሸቼዳ። 17 ጮ ፖጩምያዋንቱ ጩጉዋን ኡታበይከ፤ ኡንቱንቱና ናሸታበይከ። ኔን ነ ኩሽያ ታ ቦላ ዎꬄዳ ድራዉነ ታዉ ይሎቲደ ድራዉ፥ ታን ታረካ ዱማ ኡታድ። 18 ሳኩ ታፐ ዱጸናን እጽያዌነ ታ ማዱꬃይ ፓጸናን እጽያዌ አያሴ? ኔን ታዉ መልያ ሻፋዳን፥ ቶእያ ፑልቱዋዳን፥ ሀናና ሀናይዬ?

19 ሄዋ ድራዉ፥ መꬍና ጎዳይ ሀዋዳን ያጌ፤ “ኔን ታኮ ስሞፐ፥ ታን ዛራደ ኔና አካና፤ ኔን ታዉ ኦꬃና። ሀዳ የዉዋ አጋደ፥ ቦንቾ ቃላ ጻላላ ኦዶፐ፥ ኔን ታ ዶና ግዳናሳ። ሀዋንቱ አሳቱ ኔኮ ስማና፤ ሽን ኔን ኡንቱንቱኮ ስማካ። 20 ታን ኔና ሀ አሳዉ ናስያ ግያ ብራታና ግምበቴዳ ግምቢያ ኦꬃና። ኡንቱንቱ ኔናና ኦለታና፤ ሽን ኔና ጾንክኖ። አያዉ ጎፐ፥ ታን መꬍና ጎዳይ ኔና አሻናዉነ ዎꬃ አካናዉ ኔናና ደአይ። 21 ኢታቱዋ ኩሽያፐ ታን ኔና አሻና፤ ቃረት ባይናዋንቱፐካ ታን ኔና ዎዛና” ያጌ።