1 እዮስያሳ ናአይ ይሁዳ ካቲ እዮአቄም ኮይሮ ካተቴዳ ዎደ፥ 2 ካታ. 23:36—24:6፤ 2 ኦዱዋ 36:5-7 ሀ ቃላይ መꬍና ጎዳፐ ዬዳ። 2 መꬍና ጎዳይ ታና ሀዋዳን ያጌዳ፤ “መꬍና ጎዳ ጎልያ ዳባባን ኤቃ። መꬍና ጎዳ ጎልያን ጎይናናዉ ይሁዳ ካታማቱዋፐ ይያ ኡባዉ ኦዳ። ታን፥ ‘ኦዳ’ ጋደ አዛዜዳ ቃላ ኡባፐ እቱዋነ አሾፓ። 3 ኦን ኤሪ፥ ኡንቱንቱ ስሲደ፥ ባረንቱ ኢታ ኦግያፐ ስማነንቶነ። ያትንቶ ታንካ ኡንቱንቱ ኦሱዋ ኢታተꬃ ድራዉ፥ ኡንቱንታ ꬋይሳናዉ ቆፔዳዋ አጋ ባሻና።

4 “ኡንቱንቶ ኦዳ፤ መꬍና ጎዳይ ሀዋዳን ያጌ፤ ‘ህንተ ታን ኦድያዋ ስሰናን እጾፐ፥ ታን ህንተዉ እሜዳ ህግያን ቤናን እጾፐ፥ 5 (ህንተ ስሰናን እጽናካ) ታን ዛራ ዛራደ ህንተኮ ኪቴዳ፥ ትምቢትያ ኦድያ ታ ቆማቱዋ ቃላ ስሰናን እጾፐ፥ 6 ያቶፐ ታን ሀ ጌሻ ጎልያ ሴሎዳን ኦꬃና። ሀ ካታማካ ሳኣን ደእያ ካዉተꬃቶ ኡባዉ ቃንገꬃ ኦꬃና’ ያጌ” ያጋ ያጌዳ። ኢያሳ 18:1፤ ማዝ. 78:60፤ ኤር. 7:12-14

7 ኤርማስ መꬍና ጎዳ ጎልያን ሀ ቃላ ኦድሽን፥ ቄሳቱ፥ ትምቢትያ ኦድያዋንቱነ አሳይ ኡባይ ስሴድኖ። 8 ቃይ ኤርማስ መꬍና ጎዳይ፥ “አሳ ኡባዉ ኦዳ” ጊደ አ አዛዜዳ ቃላ ኡባ ኦዲደ ፖሌዳ ዎደ፥ ቄሳቱ፥ ትምቢትያ ኦድያዋንቱነ አሳይ ኡባይ አ ኦይቄድኖ። ኦይቂደ፥ “ኔን ሀይቃናዉ በሳሳ! 9 ኔን፥ ‘ሀ ጎሊ ሴሎዳን ሀናና፤ ቃይ ሀ ካታማይካ ባዙዋነ ኦና ግዳና’ ያጋደ፥ መꬍና ጎዳ ሱንꬃን አያዉ ትምቢትያ ኦዳዲ?” ያጌድኖ። መꬍና ጎዳ ጎልያን ሺቄዳ አሳቱ ኡባይ ኤርማሳ ዶዴድኖ።

10 ይሁዳ ካፓቱ ሄዋ ስሴዳ ዎደ፥ ካትያ ጎልያፐ ከሲደ፥ መꬍና ጎዳ ጎልያ ዬድኖ። ዪደ መꬍና ጎዳ ጎልያ ዩሹዋ ግምቢያዉ ኦራꬃ ፐንግያ ግያ ፐንግያን ኡቴድኖ። 11 ቄሳቱ ነ ትምቢትያ ኦድያዋንቱ ካፓቶነ አሳ ኡባዉ ሀዋዳን ያጌድኖ፤ “ህንተ ህንተ ሀይꬃን ስሴዳዋዳን፥ ሀ ብታኒ ሀ ካታማ ቦላን ትምቢትያ ኦዴዳ ድራዉ፥ እ ሀይቃናዉ በሴ!” ያጌድኖ።

12 ኤርማስ ካፓቶነ አሳ ኡባዉ ሀዋዳን ያጊደ ሃሳዬዳ፤ “ሀ ህንተ ስሴዳ ቃላይ ኡባይ ሀ ጎልያ ቦላነ ሀ ካታማ ቦላ፥ ‘ሀናና’ ጋደ ታን ኦዳና ማላ፥ መꬍና ጎዳይ ታና ኪቴዳ። 13 ሄዋ ድራዉ፥ ሀእ ህንተ ኦግያካ ህንተ ኦሱዋካ ላምተ፤ መꬍና ጎዳ ህንተ ጾሳ ቃላዉ አዛዘትተ። ያቶፐ፥ መꬍና ጎዳይ ህንተ ቦላ አሀና ጌዳ ኢታባ አግ ባሻና። 14 ታና ግዶፐ፥ ታን ህንተ ኩሽያን ደአይ። ህንተዉ ሎአነ ሱረ ማለቴዳባ ታ ቦላ ኦꬅተ። 15 ህንተ ማታ ስꬊ ባይናን እትባ ኤርተ። ህንተ ታና ዎꬎፐ፥ ህንተ ህንተ ቦላ፥ ሀ ካታማ ቦላነ አ ግዶን አሳ ቦላ ጽሎ ሱꬃ አጩዋ አሀና። አያዉ ጎፐ፥ ታን ሀ ቃላ ኡባ ህንተ ሀይꬃን የጋና ማላ፥ ቱሙዋፐ መꬍና ጎዳይ ታና ኪቴዳ” ያጌዳ።

16 ካፓቱነ አሳይ ኡባይ ቄሳቶነ ትምቢትያ ኦድያዋንቶ ሀዋዳን ያጌድኖ፤ “ሀ ብታኒ ሀይቃናዉ በሰና! አያዉ ጎፐ፥ እ መꬍና ጎዳ ኑ ጾሳ ሱንꬃን ኑዉ ኦዴዳ” ያጌድኖ።

17 ጋድያ ጭማቱዋፐካ እቱ እቱ ኤቂደ፥ ሺቄዳ አሳዉ ኡባዉ ሀዋዳን ያጊደ ኦዴድኖ፤ 18 “ህዝቂያስ ይሁዳን ካተቴዳ ላይꬃን ሞረሸታፐ ዬዳ ሚክያስ ይሁዳ አሳዉ ኡባዉ ሀዋዳን ያጊደ፥ ትምቢትያ ኦዴዳ፤ ‘ኡባፐ ዎልቃማ መꬍና ጎዳይ ሀዋዳን ያጌ፤ ሚክ. 3:12 “ጽዮኔ ሾይቃዳን ጎሸታና። የሩሳላመ ካታማይካ ኮለቲደ፥ ሹቻ ዶርያ ግዳናዋ። ጌሻ ጎሊ ኬጸቴዳ ደሪ ዎራ ማያና” ያጌ’ ያጌዳ። 19 ያትና፥ ይሁዳ ካቲ ህዝቂያስነ ይሁዳ አሳይ ኡባይ አ ዎꬌዴ? ቱይት፥ ህዝቂያስ መꬍና ጎዳዉ ያዪደ፥ ጾሳዉ ዋትዋቴዳ። መꬍና ጎዳይ ባረ ኦꬃና ጌዳ ኢታባ አግ ባሼዳ። ሽን ኑን ኑረካ ኑ ቦላ ሎይꬅ ኢታባ አሀና ሀኔቶ” ያጌዳ።

20 (ቅርያት-ይኣሪማ ግያ ሳን ደእያ ሻማእያ ናኣ ኦርዮና ግያ እት ሀራ ብታኒ ደኤ፤ እካ ኤርማስ ኦዴዳዋዳን፥ ሀ ካታማ ቦላነ ሀ ቢታ ቦላ መꬍና ጎዳ ሱንꬃን ትምቢትያ ኦዴዳ። 21 ካቲ እዮአቄም፥ አ ኦላንቻቱ፥ አ ኦሳንቻቱ ኦርዮን ኦዴዳዋ ስሴዳ ዎደ፥ ካቲ አ ዎꬋናዉ ኮዬዳ። ኦርዮን ሄዋ ስሲደ ያዪደ፥ ግብጼ ቢታ ባቃቴዳ። 22 ግዶ ሽን፥ ካቲ እዮአቄም አክቦራ ናኣ ኤልናታናነ ሀራ አሳቱዋ ግብጼ ኪቴዳ። 23 ኡንቱንቱ ኦርዮና ግብጼፐ ከሲደ፥ ካትያ ዮአቄማዉ አፌድኖ። ማሻን እ አ ዎꬍሲደ፥ አ አሃ ጋድያ ማካናን ኦልሴዳ።)

24 ሽን ሳፋና ናኣ አህቃም ኤርማሳ ማዴዳ ድራዉ፥ አሳይ አ ዎꬋናዉ አꬂደ እምቤና።