ይሁዳይ
ጻፌዳ ኪታ
ገሉዋ
ይሁዳ ኪታይ ጻፈቴዳዌ፥ አማነናን ደኢደ አማንያ አሳ ማላቲደ፥ ዎርዶ ትምርትያ ላልያ አሳቱዋፐ አማንያ አሳይ ናገታና ማላ፥ ኦዳናሳ። ሀ ቃንꬃ ኪታይ ባረ ግዶን ኦይቄዳዋን ላኤንꬆ ጰጽሮሳ ማላቴ። ጻፊ ናባብያዋንቶ ኦዲደ፥ “ላኤና ሀኖታን ጾሳይ ባረ ናናቶ እት ካላካ እሜዳ አማኖ ምኒደ ባጸታናዳን” ምንሲደ ቆፍሴ።
ሸምፓቱዋ ኡባቶ እመቴዳ ቃንꬃ ቆፋቱዋ
ገሉዋ 1-2
ዎርዶ አስታማራቱዋ ትምርትያ ኤሻነ ኩንደꬃ 3-16
አማኑዋ ናጋናዳን እመቴዳ ዞርያ 17-23
ዉርሰꬃ አንጁዋ 24-25
1
1 ታን የሱስ ክርስቶሳ ቆማይ ይሁዳይ፥ ያቆባ እሻይ፥ ጾሳይ ጼሴዳዋንቶ፥ ጾሳይ አዉ ሲቅያዋንቶ፥ ቃይ የሱስ ክርስቶስ ናግያዋንቶ፥ ሀ ዳብዳቢያ ጻፋይ።
2 ማሮተꬃይ፥ ሳሮተꬃይነ ሲቆተꬃይ ህንተናን ኩሞ።
ዎርዶ አስታማራቱዋ
3 ታ ሲቃቶ፥ ኑን እትፐ ሻክ አካና አቶተꬃባ ህንተንቶ ጻፋናዉ ታን ዳሮ ዳቡርያ ዎደ፥ ጾሳይ ባረ ናናቶ ላኤናን እት ገደ እሜዳ አማኖ ህንተ ባጸታና ማላ፥ ህንተና ዞራደ ጻፋናዉ ኮሽያዋ አኬካድ። 4 አያዉ ጎፐ፥ ጾሳ ኤረና እት እት አሳቱ ኦንነ በኤናን ህንተ ግዶ ገሌድኖ። ሄዋንቱ ኑ ጾሳ አꬎ ኬካተꬃባ ኦድያ ኪታ ኢታ ቱናተꬃዉ ጌላይ ታማርሲኖ፤ ኡንቱንቱ ኑ እት ካትያ፥ ኑ ጎዳ የሱስ ክርስቶሳ ኤሮኮ ያጊኖ፤ ቃይ ኡንቱንቱ ፕርዳ አካናዋ ጾሳ ማጻፋቱ ዳሮ ዎድያፐ ካሰ ኦዴድኖ።
5 ሽን ህንተ ሀ ኡባባ ኤርያዋ ግዶፐካ፥ ጎዳይ እስራኤልያ አሳ ግብጼ ጋድያፐ ዎት አሼደንቶነ ቃይ አማንቤናዋንታ ጉየፐ ዎት ꬋይሴደንቶ፥ ታን ህንተና ሀሳይሳናዉ ኮያይ። ከሳ 12:51፤ ፓይ. 14:29-30 6 ቃይ ባረንቱ ደኢያሳ አጊደ፥ ባረንቶ እመቴዳ ካፖተꬃ ናግቤና ኪታንቻቱ ፕርዳ አክያ ዎልቃማ ጋላሳይ ጋካናዉ ጾሳይ ኡንቱንታ ናግያሳን፥ ꬉማፐ ጋርሳን መꬍናዉ ቃች ዎꬄ።ዶመꬃ 6:2 7 ሄዋዳን ሶዶማነ ጋሞራ ግያ ካታማቱዋንነ ኡንቱንቱ ሄራን ደእያ ካታማቱዋን ደእያ አሳይ ሄ ኪታንቻቱዋዳን ዎሹሜድኖነ ዎሹማናዉ ሎይꬅ ካጄሌድኖ፤ ሄዋንቱ መꬍና ታማን ኤጺደ፥ ሀራቶ ሌምሱዋ ግዴድኖ። ዶመꬃ 19:1
8 ሄዋዳን ቃይ ሄ አኩመትያ አሳቱ ባረንቱ አሳተꬃ ቱንሲኖ፤ ጾሳ ጎዳተꬃ ካꬊኖ፤ ቦንቾ መታቱዋካ ቦሪኖ። 9 ሽን ኪታንቻቱዋ ካፑ ምካኤል ሙሴ አሃባ *ምካኤል ሙሴ አሃባ፦ ሀዌ በስያዌ፥ በን ኮይሮቲደ አይሁዳቱዋ ማጻፋን ሙሴባዉ ጻፈቴዳዋ። ጻላህያና ፓሉመቴዳ ዎደ፥ “ጎዳይ ኔና ሴሮ” ጌዳዋፐ አትን፥ ቦርያ ቃላን አ ቦላ ፕርዳናዉ ኮይቤና። ዳኔላ 10:13፣ 21፤ 12:1፤ ሳፃ 12:7፤ ዛረ. 34:6፤ ዛካ. 3:2 10 ሽን ሄ አሳቱ ባረዉ አኬከናባ ኡባ ቦሪኖ፤ ቃይ ኡንቱንቱ ዩሽ ቆፐና ዶአቱዋዳን፥ መታ ኤራተꬃን ኤርያ የዋቱ ኡንቱንታ ꬋይስያዋንታ። 11 ኡንቱንቶ አዬሮ! አያዉ ጎፐ፥ ኡንቱንቱ ቃዬል ሀመቴዳ ኦግያ †ቃዬል ሀመቴዳ ኦግያ፦ ቃዬል ባረ እሻ አቤላ ዎꬌዳ። ዶመꬃ 4:3-8 ጼልተ። ሀመቴድኖ። ሻሉዋ ድራዉ ጊደ፥ ባላም ኦꬄዳዋ‡ባላም ኦꬄዳዋ፦ ጌሻ ቃላ ፓይዱዋ ማራዳን፥ ቦላ ጉጃ ደማና ጊደ እስራኤልያ አሳ ሸቂከ ጊደ እጼዳ ጋሱዋን ኡንቱንቱ ጾሳዉ አዛዘተናዳን ደአና ኦግያ ታማርሴዳ። ፓይ። 22:18፤ 24:13፤ 25:1-3፤ 31:16 ጼልተ። ማላ ባይዙዋ ኦꬄድኖ። ቃይ ቆረ §ቆረ፦ ዳታነና እትፐ ግዲደ ሙሴዉነ አሮነዉ ማካሌዳዋዳን፥ ማካላ አሳ ታማርሴድኖ። ፓይ. 16:1-35፤ 26:9-10 ጼልተ። ግያ ብታኒ ማካሊደ ꬋዬዳዋዳን፥ ኡንቱንቱካ ማካሊደ ꬋዬድኖ።ዶመꬃ 4:3-8፤ ፓይ. 22:1-35፤ 16:1-35
12 ሄዋንቱ ሲቁዋን ሾቢያ ህንተ ምያሳን ህንተናና ያሽ ባይናን ምያ ዎደ፥ ቆሰቴዳ ꬉቡዋ ማላ። ኡንቱንቱ ባረንቱ ጻላላ ናጊኖ። ኡንቱንቱ ጫርኩ አፍያ እራይ ባይና ሻርያ ማላ፤ ቃይ ኡንቱንቱ ቦንያን አይፍያ አይፈና፥ ጻጱዋና ሾደቲደ፥ ሙለካ መሌዳ ምꬃ ማላ። 13 ኡንቱንቱ ባረንቱ ፖኩዋ ገንና ሆሞትያ፥ ኢታ አባ ቤታ ማላ። ኡንቱንቱ፥ ጾሳይ፥ መꬍናዉ ሳካና ꬉማን ሳኣ ጊግስ ዎꬄዳ ዩይያ ጾልንታቱዋ ማላ።
14-15 ሄኖክ አዳማፐ ዶምና፥ ላፑንꬃ የለታ ግድያዌ፥ ዳሮ ዎድያፐ ካሰ ኡንቱንቱዋ ትምቢትያ ኦዲደ፥ ሀዋዳን ያጌዳ፤
“አኬክተ፤ ጾሳ ኤረና ናጋራንቻ አሳቱ ኦꬄዳ፥
ኢታ ኦሱዋ ኡባዉነ፥
ቃይ ጾሳ ኤረና ሄ ኢታ አሳቱ፥
ጾሳ ቦላ ሃሳዬዳ ኢታ ሃሳያ ኡባዉ፥
ጎዳይ ኡንቱንቱ ኡባ ቦላ ፕርዳናዉ፥
ባረ ጮራ ሻአ ጌሻቱዋና እትፐ ያና”
ያጌዳ።ዶመꬃ 5:18፣ 21-24 16 ሄ አሳቱ ኡባ ዎደ ዙዙሚኖነ ሀራቱዋ አማሳሊኖ፤ ቃይ ባረንቱ ኢታ አሙዋ ካሊኖ፤ ባረንቱ ሁጰዉ ጎአ ደማናዉ ሀራቱዋ ሳቢኖነ ባረንቱ ኮሻ ዎጋፐ አꬂደ፥ ꬎቁ ኦꬅ ሃሳዪኖ።
ምኖ አኬክሱዋነ ዞርያ
17 ሽን ታ ሲቃቶ፥ ኑ ጎዳ የሱስ ክርስቶስ ኪቴዳዋንቱ ህንተንቶ በን ሃሳዬዳ ቃላ አኬክተ። 18 ኡንቱንቱ ህንተንቶ፥ “ዉርሰꬃ ዎድያን፥ ባረንቶ ጾሳይ ባይናዋንቱ፥ ባረንቱ አሙዋ ካልያዋንቱ፥ ቃይ ህንተ ቦላ ቅሊጭያዋንቱ ያና” ያጌድኖ። 19 ሄዋንቱ አሳ ግዶን ሻኮተꬃ መꬍያዋንታነ፥ ባረንቱ ኢታ አሞ ሞደቴዳዋንታ፤ ቃይ ጌሻ አያናይ ባይናዋንታ።
20 ሽን ታ ሲቃቶ፥ ኡባፐ አꬍያ ጌሻ አማኑዋን ህንተ ሁጲያ ኬጽተ፤ ቃይ ጌሻ አያና ዎልቃን ጾሳ ዎስተ። 21 ቃይ ኑ ጎዳይ የሱስ ክርስቶስ ባረ ማሮተꬃን ህንተንቶ እማና መꬍና ደኡዋ ናጊደ፥ ህንተ ሁጲያ ጾሳ ሲቁዋን ዎꬅተ።
22 እት እት ስꬊ ደእያ አሳቶ ቃረትተ። 23 እቱዋ እቱዋ ታማፐ ዳፍ ከሲደ አሽተ። ቃይ ሀራይ አቶ ኡንቱንቱ ኢታ አሙዋን ቱኔዳ ማዩዋ እጺደካ፥ እቶ እቶ ያሻተꬃን ቃረትተ።
ጋላታ ዎሳ
24-25 ህንተ ኩንደናዳን፥ ህንተና ናጋናዉነ ፖኩ ባይናዋንታ ኦꬂደ፥ ባረ ቦንቹዋ ስንꬃ ዎልቃማ ናሸቻን ሺሻናዉ ዳንዳይያ ኑና አሽያ እት ጾሳዉ፥ ኑ ጎዳ የሱስ ክርስቶሳ ባጋና ቦንቹ፥ ግታተꬃይ፥ ዎልቃይነ ማታይ፥ አꬌዳ ዎደ ኡባፐነ ሀእነ መꬍና ጋካናዉ ግዶ። አመንእ።
1:5 ከሳ 12:51፤ ፓይ. 14:29-30
1:6 ዶመꬃ 6:2
1:7 ዶመꬃ 19:1
*1:9 ምካኤል ሙሴ አሃባ፦ ሀዌ በስያዌ፥ በን ኮይሮቲደ አይሁዳቱዋ ማጻፋን ሙሴባዉ ጻፈቴዳዋ።
1:9 ዳኔላ 10:13፣ 21፤ 12:1፤ ሳፃ 12:7፤ ዛረ. 34:6፤ ዛካ. 3:2
†1:11 ቃዬል ሀመቴዳ ኦግያ፦ ቃዬል ባረ እሻ አቤላ ዎꬌዳ። ዶመꬃ 4:3-8 ጼልተ።
‡1:11 ባላም ኦꬄዳዋ፦ ጌሻ ቃላ ፓይዱዋ ማራዳን፥ ቦላ ጉጃ ደማና ጊደ እስራኤልያ አሳ ሸቂከ ጊደ እጼዳ ጋሱዋን ኡንቱንቱ ጾሳዉ አዛዘተናዳን ደአና ኦግያ ታማርሴዳ። ፓይ። 22:18፤ 24:13፤ 25:1-3፤ 31:16 ጼልተ።
§1:11 ቆረ፦ ዳታነና እትፐ ግዲደ ሙሴዉነ አሮነዉ ማካሌዳዋዳን፥ ማካላ አሳ ታማርሴድኖ። ፓይ. 16:1-35፤ 26:9-10 ጼልተ።
1:11 ዶመꬃ 4:3-8፤ ፓይ. 22:1-35፤ 16:1-35
1:14-15 ዶመꬃ 5:18፣ 21-24