1 አሮና አቱማ ናናይ፥ ናዳብነ አብሁ፥ ባረንቱ እጻና ጩውስያ ሚሻ አኪደ፥ አ ቦላን ታማ ዎꬄድኖ፤ ታማ ቦላ ቃይ እጻና ቆሌድኖ፤ ያቲደ፥ መꬍና ጎዳይ ኡንቱንታ አዛዝቤና፥ ሀራ ታማ መꬍና ጎዳ ስንꬃን ሺሼድኖ። 2 ሄዋ ጋሱዋን መꬍና ጎዳ ስንꬃፐ ታማይ ዪደ፥ ኡንቱንታ ሜዳ፤ ኡንቱንቱካ መꬍና ጎዳ ስንꬃን ሀይቄድኖ። 3 ሄዋፐ ጉይያን፥ ሙሴ አሮና፥ “መꬍና ጎዳይ፥

4 ሙሴ አሮና አዉዋ እሻ ኡዝኤላ አቱማ ናናቱዋ፥ ምሻኤላነ ኤልጻፋና ጼጊደ፥ “ሃ ዪተ፤ ህንተ አዉዋ እሻ ናናቱዋ አሃ ጾሳ ዱንካንያ ስንꬃፐ ደንꬂደ፥ ዱንካኔዳ ሳኣፐ ጋጻ ከስተ” ያጌዳ። 5 ሄዋ ድራዉ ኡንቱንቱ ዪደ፥ ሙሴ አዛዜዳዋዳን፥ ባረንቱ ቄሰተꬃ ማዩዋና ኡንቱንቱ አሃ ቶኪደ፥ ዱንካኔዳ ሳኣፐ ጋጻ ከሴድኖ።

6 ሄዋፐ ጉይያን፥ ሙሴ አሮናነ አ አቱማ ናናቱዋ፥ ኤልኣዛራነ እታማራ ሀዋዳን ያጌዳ፤ “ህንተ ሀይቀና ማላነ፥ መꬍና ጎዳይ ማባራ ኡባ ቦላን ሀንቀተና ማላ፥ ህንተ ሁጲያ ሜድሶፕተ፤ ህንተ ማዩዋካ ፔꬎፕተ። ሽን ህንተ እሻቱ፥ እስራኤልያ አሳቱ፥ መꬍና ጎዳይ ባረ ኤꬄዳ ታማን ጹጌዳዋንቶ ዬካና ጎፐ ኡንቱንቱ ዬክኖ። 7 ቃይካ ህንተ ዱንካንያ ፐንግያፐ ካረ ከሶፐ ህንተ ሀይቃና፤ አያዉ ጎፐ ጾሳይ ኦክያ ዛይቲ ህንተ ቦላን ደኤ” ያጌዳ። ኡንቱንቱካ ሙሴ ጌዳዋዳን ኦꬄድኖ።

8 መꬍና ጎዳይ አሮና ሀዋዳን ያጌዳ፤ 9 “ህንተ ሀይቀና ማላ፥ ዱንካንያ ግዶ ገልያ ዎደ፥ ኔንካ ነ ናናይካ ዎይንያ ኤሳ ዎይ ሀራ ማꬆይያ ኡሻ ኡሾፕተ፤ ሄዌ ስንꬃፐ ያና የለታዉካ መꬍናዉ ህገ ግዲደ ደአና። 10 ህንተ ጌሻነ ጌሻ ግደናባ ቃይ ቱናነ ቱና ግደናባ ሻኪደ ኤርተ። 11 መꬍና ጎዳይ ሙሴ ባጋና ኦዴዳ ዎጋ ኡባካ እስራኤልያ አሳ ታማርስተ” ያጌዳ።

12 ሙሴ አሮናነ አቴዳ አ አቱማ ናናቱዋ ኤልኣዛራነ እታማራ ሀዋዳን ያጌዳ፤ “መꬍና ጎዳዉ ታማን ጹግያ ያርሹዋፐ አቴዳ ካꬃ ያርሹዋ አኪደ፤ እርሹዋ የገናን ኡክተ፤ ያቲደ እ ሎይꬅ ጌሻ ግድያ ድራዉ፥ ያርሽያ ሳኣ ማታን አ ሚተ። ዎጋ 6:14-18 13 መꬍና ጎዳዉ ታማን ጹግያ ያርሹዋፐ ሄዌ ኔናነ ነ አቱማ ናናቱዋ ጋክያ ህንተ ግሹዋ ግድያ ድራዉ፥ ሄዋ ህንተ ጌሻ ሳኣን ሚተ፤ አያዉ ጎፐ፥ ጾሳይ ታና ሄዋዳን ኦꬃና ማላ አዛዜዳ። 14 ሽን ቃꬄዳ አንጎሱዋነ ሺቄዳ ገድያ ኔን፥ ነ አቱማ ናናይነ ነ ማጫ ናናይ ዎጋዳን ጌሻ ሳኣን ሚተ። አያዉ ጎፐ፥ ሄዌ እስራኤልያ አሳይ ሺሽያ እትፐተꬃ ያርሹዋፐ ኔናነ ነ አቱማ ናናቱዋ ጋክያ ህንተ ግሹዋ። ዎጋ 7:30-34 15 መꬍና ጎዳዉ ያርሼዳ ገድያነ ቃꬄዳ አንጎሱዋ አሳይ ታማን ጹግያ ሞꬍያና እትፐ ጋꬂደ፥ መꬍና ጎዳ ስንꬃን ቃꬅያ ያርሹዋዳን ቃꬃናዉ አሀና። መꬍና ጎዳይ አዛዜዳዋዳን፥ ሄዌ ነዉነ ኔናና ደእያ ነ አቱማ ናናቶ መꬍናዉ ህንተና ጋክያ ህንተ ግሹዋ ግዳናዋ” ያጌዳ።

16 ሙሴ ናጋራ ያርሹዋ ዴሻይ ዋኔደንቶነ ኤራናዉ ኮዪደ ኦቼዳ፤ እ ጹገት ድጌዳዋ ኤሬዳ ዎደ፥ አቴዳ አሮና አቱማ ናናቱዋ፥ ኤልኣዛራነ እታማራ ሀንቀቴዳ፤ ኡንቱንቱ፥ 17 “ናጋራ ያርሹ ሎይꬅ ጌሻ ግዴዳዋንቱ ግዱዋፐ እቱዋ ግዴዳ ጌሻ፤ ቃይ ሄዌካ አሳ ናጋራ መꬍና ጎዳ ስንꬃን አቶ ጊሳና ማላ ህንተንቶ እመቴዳ፤ ያትና ህንተ አ ሎይꬅ ጌሻ ሳኣን አያዉ ምበይክቴ?ዎጋ 6:24-26 18 ሄ መህያ ሱꬃይ መꬍና ጎዳ ዱንካንያ ግዶ ገልቤናዋ ግዶደ፥ ታን ህንተና አዛዜዳዋዳን፥ ህንተ አ ሄ ጌሻ ሳኣን ማናዉ በሴ፤ ሽን አጌድታ” ያጌዳ።

19 አሮን ሙሳ፥ “በአ፤ አሳቱ ሀች ባረንቱ ናጋራ ያርሹዋነ ጹግያ ያርሹዋ መꬍና ጎዳ ስንꬃ አሄድኖ፤ ግዶፐነ ቃይ ሀዋ ማላባይ ታ ቦላ ጋኬዳ። ያትና ዎን ታን ናጋራ ያርሹዋ ሀች ሜዳዋ ግድንቶነ፥ መꬍና ጎዳይ ናሸታናዋ ሽን አቴዴሻ?” ያጌዳ። 20 ሙሴ ሄዋ ስሴዳ ዎደ፥ ሄ ዛሩ አ አሌዳ።