2
የሱሳ የለታባ
(ማቶሳ 1:18-25)
1 ሄ ዎደ *ሄ ዎደ፥ ጌተቶዌ ጻማቅያ ዮሃንስ የለት ስሚደ ብሮ ጉꬃተꬃን ደእሽን የሱስ የለቶ ዎድያና። ሮማ ካዉተꬃ ጋርሳን ደእያ አሳይ ኡባይ ሱንꬃ ጻፈታናዳንነ ፓይደታናዳን አዉግስጾሰ ቄሳረፐ †ቄሳራ፦ ግያ ሱንꬃይ ካትያ ጉሳ። ሄዌኔካ ጮራ ጋድያ ሞድያ ዎልቃይ ደእያ ጮራ ካታቱዋ ካትያ ጉሳ። አዛዙ ከሴዳ። 2 ሄዌኔካ፥ ቀረነዮሰ ‡ቀረነዮሳ፦ ጌተትያዌ ሮማ ካቲ አዉግስጾሰ፥ ሶርያ ጌተትያ ይሁዳነ ጋሊላ አዉራጃቱዋ ኦይቄዳ ጋድያን ሱንꬃዬዳዋ። ሶርያ ጋድያ ሞድያ ዎደ ሀኔዳ ኮይሮ አሳ ፓይዱዋ።
3 ሀዋ ድራዉ እት እት አሳይ ጻፈታናዉ ባረ ካታማ ባረ ካታማ ቤዳ። 4 ዮሴፎካ ዳዊታ ጎልያፐነ ያራፐ ግድያ ድራዉ ጋሊላ አዉራጃን ደእያ ናዝሬተ ካታማፐ ደንዲደ ዳዊታ ካታማ ግዴዳዉንኮ ይሁዳን ደእያ ቤተሌመ ጌተትያ ካታማ ከሴዳ። 5 ሄ ዎደ የልያ ዎዲ ማቴዳ አዉ ኦሸታ ኡቴዳ ማይራማካ አናና እትፐ ባዱ። 6 ኡንቱንቱ ሄዋን ደእሽን እዝዉ የልያ ዎዲ ጋኪ አጌዳ። 7 እዛካ ባይራ ናኣ §ባይራ ናኣ፦ እስራኤልያ አሳይ የለቴዳ ናኣ ኡባ ጎልያንካ ጾሳዉ በስያዋ ጊኖ። ግዴዳ አቱማ ናኣ የላዱ፤ እማꬃይ ሸምፕያ ሳ ደማቤና ድራዉ፥ ናኣ ማዩዋን ጻጻደ ጋጳትያን *ጋጳትያ፦ ሀ ሚሻይ ምያይ ምያባይ ሳኣን ላለተናን ማና ማላ የጊደ እምያባ። ቀራዱ።
ዉድያ ሄምያዋንታነ ኪታንቻቱዋ
8 ሄ ጋድያን ቃማ ባረንቱ ዉድያ ሄሚደ ደምባን አቅያዋንቱ ደኢኖ። 9 ጾሳ ኪታንቻይ ቆፐናን ዪደ ኡንቱንቱ ምይያን ኤቄዳ፤ ጎዳ ቦንቹ ኡንቱንቱ ዩሹዋን ፖኤዳ ዎደ፥ ዎልቃማ ያሻይ ኡንቱንታ ኦይቄዳ። 10 ኪታንቻይ ኡንቱንታ፥ “ያዮፕተ፥ አሳዉ ኡባዉ ሀንያ ዳሮ ናሸችያ ምሽራቹዋ ታን ህንተንቶ አሃድ። 11 ሀቼ ዳዊታ ካታማን አሽያዌ የለቴዳ። እካ ጎዳ ክርስቶሳ። 12 ሀዌ ህንተንቶ ማላ ግዶ: ጋጭኖ ናአይ ማዩዋን ጻጸቲደ ጋጳትያ ግዶን ግሴዳዋ ደማንታ” ያጌዳ።
13 ቆፐናን ጮራ ጾሳ ኪታንቻቱ ኮይሮ ኪታንቻና እትፐ ቆንጬድኖ።
14 ጾሳካ ጋላቲደ፥ ሀዋዳን ጌድኖ:
“ቦንቹ ጾሳዉ
ቦላ ሳሉዋን ግዶ።
ሳኣን እ ዶስያ አሳዉ
ሳሮተꬃይ ግዶ”
ያጌድኖ።
15 ኪታንቻቱ ኡንቱንቱፐ ሻከቲደ ሳሉዋ ከሶዋፐ ጉየ፥ ዉድያ ሄምያዋንቱ፥ “ጎዳይ ኑዉ ቆንጭሴዳዋ፥ ሀዋ ሀኔዳ የዉዋ በአናዉ ቤተሌመ ቦይተ” ጌተቴድኖ።
16 ኡንቱንቱካ ኤሌሊደ ቤድኖ። ማይራሞነ ዮሴፎ ደሚደ፥ ጋጭኖ ናአይካ ጋጳትያን ግሴዳዋ በኤድኖ። 17 ሄዋፐ ጉይያን ጉꬃ ናኣ ድራዉ ኦደቴዳዋ ቆንጭሲደ ኦዴድኖ። 18 ሀዋ ስሴዳ ኡባይ ኡንቱንቱ ኦዴዳ የዉዋን ማላለቴድኖ። 19 ማይራማ ቃይ ሀዋ ኡባ ባረ ዎዛናን ኦይቃደ ቆፓደ ጋምኣዱ። 20 ዉድያ ሄምያዋንቱካ ኡባ የዉ ኡንቱንቶ ኦደቴዳዋዳን ሀንና ደሞ ድራዉ፥ ስሴዳዎነ በኤዳዎ ኡባዉ ጾሳ ቦንቺድነ ጋላቲደ ስሜድኖ።
21 ናአዉ ሆስፑን ጋላሳ ግድና ቃጻረትያ ዎዲ ጋኮ ዎደ፥ እ አት ኡሉዋን አታናፐ ካሰ፥ ኪታንቻይ ከሶ ሱንꬃን፥ የሱሳ ጌተቴዳ። ዎጋ 12:3፤ ሉቃሳ 1:31
የሱስ ጌሻ ጎልያን ጾሳዉ ሼቴዳ
22 ሙሴ ዎጋ ማራዳን ጌይያ ዎዲ †ጌይያ ዎዲ፦ አይሁዳቱዋ ማጫ አሳይ አቱማ ናኣ የሎዋፐ ጉይያን፥ “ጌሻ ግዱኩ” ያግ ቆፒኖ። ቃይካ ሄ ናአይ ቃጻረታና ጋካናዉ እዛ ሶይፐ ከሰናዳን ኦሰታዉ። ሀ ዎዲ፥ ጌይያ ዎድያ ጌተቴ። ፖለቴዳ ዎደ ዮሴፎነ ማይራማ ጋጭኖ ናኣ ጾሳዉ ሼꬋናዉ የሩሳላመ አክ ቤድኖ። 23 ሄዌኔካ ጎዳ ዎጋን፥ “አቱማ ናኣ ግዴዳ ባይራ ናአይ ‡ባይራ ናአይ፦ 2:7 ጼልተ። ኡባይ ጾሳዉ ዱማቴዳዋ ግዳናዋ” ጌተት ጻፈቴዳዋዳንነ፥ ከሳ 13:2፣ 12 24 ቃይካ ጎዳ ዎጋን፥ “ላኡ ዶጎማቱዋ ዎይ ላኡ ሀራጰ ማራቱዋ” ጌተቶዋዳን፥ ጎዳዉ ያርሹዋ ያርሻናዉ አፌድኖ።
25 ሄ ዎደ ጽሎነ ገንጫ ግዴዳ ስሞና ጌተትያ እት ብታኒ የሩሳላመን ደኤ። እካ፥ እስራኤልያ አሳዉ አቶተꬃ ህዶታ ናግያዋነ አያና ጌሻይ አ ቦላን ሸምፔዳ አሳ። 26 ጎዳን ኦከቴዳ ክርስቶሳ በኤናን ሀይቀናዋ አያና ጌሻን አዉ ቆንጭሴዳ።
27 እካ ሄ ዎደ አያና ጌሻይ ካለꬅና፥ ጌሻ ጎልያ ገሌዳ። ናኣ የላዋንቱ ኤርያ ዎጋ ማራዳን፥ ኮሽያዋ አዉ ፖላናዉ ጉꬃ ናኣ የሱሳ ኦይቂደ ገሎ ዎደ፥
28 ስሞነ ሞክ አክ ናኣ እድሚደ ጾሳ ጋላቲደ ሀዋ ያጌዳ:
29 “ጎዳዉ፥ ኔን ቃላ ገሎ ማራዳን፥
ሀእ ታና ነ አይልያ ሳሩዋን ኔኮ አፋ።
30-31 ጋሱካ፥ ታ አይፋቱ፥
አሳ ኡባ ስንꬃን ኔን ጊግሴዳ፥
አሽያ ህዶታ በኤድኖ።
32 ሄዌካ እስራኤልያ ግደና አሳዉ፥
ቆንጨꬃ እምያ ፖኡዋ።
ቃይ ነ አሳዉ እስራኤለዉ ቦንቹዋ።”
33 ዮሴፎነ አ ዳያ አ ድራዉ ሃሳየቴዳ የዎ ማላለቴድኖ። 34 ስሞንካ አንጂደ ማይራሞ፥ “ሀዌ ናአይ እስራኤልያን ጮራቶ ደንዱዋስነ ኩንደꬃዉ ጋሶ ግዳናዉ፥ ቃይካ ኢታ ሃሳይያዋንቶ ማላ ግዳናዉ ዶረቴዳ። 35 ጮራቶካ ዎዛና ቆፋይ ቆንጮዋ ግዳናዉ፥ ነ ሸምፑካ ማሻን ቃንጾዋዳን ሴለታናዋ” ያጌዳ።
36 ቃይካ አሴራ ያራፐ ግዴዳ ፓኑኤላ ናታ ሃኖ ጌተትያ ናባታ ደአዉ፤ እዛካ ሎይꬃ ጭማዱ። ባረ ዎዶሮተꬃን ገሌዳ አስናና ላፑ ላይꬃ ደኤዳዉኖ። 37 እዝ ላይꬃይካ ሆስፑን ታማነ ኦይዱዋ ግዳና ጋካናዉ ጋላሳነ ቃማ ጌሻ ጎልያፐ ሻከተናን ጾማንነ ዎሳን ኪተታደ አምኤ §አምኤ፦ አምኤ ጉሳይ አስናይ ሀይቂና ገለናን ጋምኤዳ ማጫዉኖ። ሀ ፓይዱዋን ጻፈቴዳ ምሽራታ ላፑ ላይꬃ ጻላላ አስናና ጋምኦዋፐ ጉየ 84 ላይꬃ ኡባ አምኤ ግዳደ ጋምኣዱ። ግዳደ ጋምኣዱ።
38 ሄ ዎደካ ሺቃደ ጾሳ ጋላታዱ፤ ቃይካ የሩሳላመ አሳይ ዎዘታናዉ ናግያዋንቶ ኡባቶ ጋጭኖ ናኣ የሱሳባ ኦዳዱ።
ዮሴፎነ ማይራማ ናዝሬተ ስሜድኖ
39 ዮሴፎነ ማይራማ ጎዳ ህግያን አዛዘቴዳዋ ኡባ ፖሎዋፐ ጉየ ጋሊላ አዉራጃን ደእያ ባረንቱ ካታማ ናዝሬተ ስሜድኖ። ማቶሳ 2:23 40 ጉꬃ ናአይካ ድጪደነ ምኒደ ቤዳ፤ አꬎ ኤራንካ ኩሜዳ፤ ጾሳ አꬎ ኬካተꬃይ አ ቦላን ሸምፔዳ።
ጉꬃ ናኣ የሱስ ጌሻ ጎልያን
41 ዮሴፎነ ማይራማ ላይꬃን ላይꬃን ፓስጋ ባላ ቦንቻናዉ የሩሳላመ ካታማ ቢኖ። ከሳ 12:1-27፤ ዛረ. 16:1-8 42 ናአዉካ ታማነ ላኡ ላይꬃ ግዶ ዎደ ዶያዳን ባላዉ ህን የሩሳላመ ከሴድኖ። 43 ባላ ፖሎዋፐ ካላ ባረንቱ ጎለ ኡንቱንቱ ስሞደ ጉꬃ ናኣ የሱስ ዮሴፎነ ማይራማ ኤረናን የሩሳላመን አት አጌዳ። 44 ኡንቱንቱና እትፐ ደእያዋ ማላትና እት ጋላሳ ኦግያ ሀመቴድኖ። ጉየፐ ቃይካ ባረንቱ ዳባቱዋናነ ባረንቱ ሲቀትያዋንቱ ማታን ኮሻ ዶሜድኖ።
45 ꬋዮ ዎደ ኮዪደ ህን የሩሳላመ ስሜድኖ። 46 ሄዙ ጋላሳፐ ጉየ፥ ታማርስያዋንቱ ግዶን የሱስ ኡቲደ ኡንቱንቱ ግያዋ ስሲደነ ኡንቱንታ ኦቺደ ጌሻ ጎልያ ጋርሳን ደእያዋ በኤድኖ። 47 ስስያዋንቱ ኡባቱካ፥ አ አኬካንነ አ ዛሩዋን ማላለቴድኖ።
48 ዮሴፎነ አ ዳያ አ በኦ ዎደ ማላለቴድኖ። አ ዳያካ፥ “ታ ናአዉ፥ አያዉ ኑና ሀዋዳን ኦꬃይ? ነ አቡነ ታነ ኔና ኮዪደ፥ ዳሮ መቶቴዶ” ያጋዱ።
49 የሱስካ ኡንቱንቶ፥ “አያዉ ታና ኮዪቴ? ታ አቡ ጎለን *ታ አቡ ጎለን፦ ጉሳይ፥ ታ አቡ ኪቴዳ ኦሱዋ ፖላናዉ በሴ ጉሳ። ደአናዉ ታዉ ኮሽያዋ ኤርበይክቴ?” ያግ ዛሬዳ። 50 ሄዋ ያግ ኦዶፐ አትን፥ ኡንቱንቶ እ ኦዴዳ የዉ አያ ግንቶ ገልቤና።
51 ሄዋፐ ስሚደ፥ ኡንቱንቱና እትፐ ህን ናዝሬተ ቤዳ፤ ሄዋንካ ኡንቱንቶ አዛዘቴ። አ ዳያካ ሄዋ ኡባ ባረ ዎዛናን ዎꬃዱ። 52 የሱስካ ኤራንነ ጌሳን፥ ሳባንካ ጾሳነ አሳ ስንꬃን ድጬዳ። 1 ሳሜላ 2:26፤ ሌም. 3:4
*2:1 ሄ ዎደ፥ ጌተቶዌ ጻማቅያ ዮሃንስ የለት ስሚደ ብሮ ጉꬃተꬃን ደእሽን የሱስ የለቶ ዎድያና።
†2:1 ቄሳራ፦ ግያ ሱንꬃይ ካትያ ጉሳ። ሄዌኔካ ጮራ ጋድያ ሞድያ ዎልቃይ ደእያ ጮራ ካታቱዋ ካትያ ጉሳ።
‡2:2 ቀረነዮሳ፦ ጌተትያዌ ሮማ ካቲ አዉግስጾሰ፥ ሶርያ ጌተትያ ይሁዳነ ጋሊላ አዉራጃቱዋ ኦይቄዳ ጋድያን ሱንꬃዬዳዋ።
§2:7 ባይራ ናኣ፦ እስራኤልያ አሳይ የለቴዳ ናኣ ኡባ ጎልያንካ ጾሳዉ በስያዋ ጊኖ።
*2:7 ጋጳትያ፦ ሀ ሚሻይ ምያይ ምያባይ ሳኣን ላለተናን ማና ማላ የጊደ እምያባ።
2:21 ዎጋ 12:3፤ ሉቃሳ 1:31
†2:22 ጌይያ ዎዲ፦ አይሁዳቱዋ ማጫ አሳይ አቱማ ናኣ የሎዋፐ ጉይያን፥ “ጌሻ ግዱኩ” ያግ ቆፒኖ። ቃይካ ሄ ናአይ ቃጻረታና ጋካናዉ እዛ ሶይፐ ከሰናዳን ኦሰታዉ። ሀ ዎዲ፥ ጌይያ ዎድያ ጌተቴ።
‡2:23 ባይራ ናአይ፦ 2:7 ጼልተ።
2:23 ከሳ 13:2፣ 12
§2:37 አምኤ፦ አምኤ ጉሳይ አስናይ ሀይቂና ገለናን ጋምኤዳ ማጫዉኖ። ሀ ፓይዱዋን ጻፈቴዳ ምሽራታ ላፑ ላይꬃ ጻላላ አስናና ጋምኦዋፐ ጉየ 84 ላይꬃ ኡባ አምኤ ግዳደ ጋምኣዱ።
2:39 ማቶሳ 2:23
2:41 ከሳ 12:1-27፤ ዛረ. 16:1-8
*2:49 ታ አቡ ጎለን፦ ጉሳይ፥ ታ አቡ ኪቴዳ ኦሱዋ ፖላናዉ በሴ ጉሳ።
2:52 1 ሳሜላ 2:26፤ ሌም. 3:4