3
ፃማቂያ ዮሃኒሲ ዬሱሳው ኦጊያ ጊጊሴ
(ማት 3፡1-12፤ ማር 1፡1-8)
1 ፂባሪዮሳ ጌቴቲያ ካቲ ካዉቴዳ ታማኔ ኢቼሼꬂያ ላይꬃን ጴንፄናዊያ ጲላፆሲ ዪሁዳ ሞዲያ ዎዴ፥ ሄሮዲሴ ጋሊላን ኦይዴንꬂያ ሻኩዋ ሞዲያ ዎዴ፥ ኣ ኢሻይ ፒሊጶሲካ ኢፁሪያኒኔ ፂርኮንዶሳን ኦይዴንꬂያ ሻኩዋ ሞዲያ ዎዴ፥ ሊሳኒዮሲካ ኣቢሌኔን ኦይዴንꬂያ ሻኩዋ ሞዲያዋ ጊዲዴ ሞዲ ዴዒሺን፥ 2 ሃኒኔ ቄያፋይ ቄሳቱዋ ካፓቱዋ * ቄሳቱዋ ካፓቱ ሃኒኔ ቄያፋይ፡ ሃና ካፖቴꬃ ዎዲ ዬሱሲ ዬሌታናፔ ካሴ 6-15 ላይꬃ ጋካናሳ። ቄያፋ ጌቴቲያ ሃና ቦሉ 18-37 ላይꬃ ካፖ ጊዲዴ ዬሱሳ ዬሌታፔ ካሴ ጋሚዔዳ። ጊዲዴ ዴዒሺን፥ ፆሳ ቃላይ ዛካራሳ ናዓ ዮሃኒሳኮ ሜላ ቢታን ዬዳ። 3 ዮሃኒሲ ዮርዳኖሳ ሻፋ ሄራ ኡባ ቢዴ፥ «ሂንቴ ናጋራይ ኣቶ ጌቴታና ማላ ናጋራ ፓፂዴ ፃማቄቲቴ» ያጊ ታማሪሴዳ።
4 ናቢያ ኢሲያሳ ማፃፋን ፃፌቴዳ ቃላዳን፥ ኢሳ 40፡3-5
«ሜላ ቢታን ዋሲያ ቢታኒያ ኮሻይ፥
‹ጎዳው ኦጊያ ጊጊሲቴ፤
ኣ ኦጊያካ ሱሪሲቴ።
5 « ‹ኦላይ ኡባይ ኩሞ፤
ዴሪኔ ዞዚ ዴንባ ጊዶ፥
ጊጌና ኦጊ ኡባይ ጊጎ፥
ሃንቺሮ ኦጊ ኡባይ ሊቆ።
6 « ‹ሄዋ ጊዶፔ ኣሳይ ኡባይ ፆሳይ ኣሺያዋ ቤዓና› »
ያጌዳ።
7 ሃዋ ዲራው ዮሃኒሲ ኣ ኩሺያን ፃማቄታናው ኬሴዳ ኣሳው ሃዋዳን ኦዱዋ ዶሜዳ፥ «ሄንቴኖ፥ ሾሻ ናቶ፤ ዪያ ሃንቁዋፔ ኣታና ማላ ሂንቴንታ ኦኒ ማቄዴ? ማት 12፡34፤ 23፡33 8 ሲሚ ሂንቴንቱ ናጋራፔ ሲሜዳዋንቶ ቤሲያ ኣይፊያ ኣይፊቴ። ሂንቴንቱ ዎዛናን ኣብራሃሞ ኑ ኣቡ ዴዔ ጎፒቴ። ፆሳይ ኣብራሃሞሲ † ኣብራሃሞሲ ናና፡ ኣዪሁዳ ኣሳቱ ባሬንታ ፆሳይ ዶሬዳ ኣሳ ያጊ ቆፒኖ። ጋሱኔካ፥ ቤኒ ሂዶታ ቃላይ ፆሳፔ ኑ ኣቡ ኣብራሃሞሲ ኢሜቴዳ ያጊዴ ቆፒያ ዲራሳ። ናና ሃ ሹቻቱዋፔ ዴንꬃናው ዳንዳዬ ያጋዴ ታኒ ሂንቴንቶ ኦዳይ። 9 ሃዒ ኡባ ቤፂ ሚꬃ ፃጱዋን ቃንፃናው ጊጊ ኡቴዳ፤ ሲሚ ሎዖ ኣይፊያ ኣይፌና ሚꬃይ ኡባይ ቃንፄቲዴ ታማን ኦሌታናዋ።» ማት 7፡19
10 «ያቲና ሃዒ ኑ ኣያ ኡዳኔ?» ያጊዴ ኣ ጮራ ኣሳይ ኦቼዳ።
11 ዮሃኒሲካ፥ «ላዑ ማዩ ዴዒያዌ ባይናዎ ኢሞ፤ ቁማይ ዴዒያዌካ ባይናዎ ጊሾ» ያጊ ዛሬዳ።
12 ቃራፃ ሺሺያዋንቱካ ፃማቄታናው ዪዴ፥ «ታማርሲያዎ፥ ኑ ኣያ ኡዳኔ?» ያጊ ኦቼዲኖ። ሉቅ 7፡29
13 ኢ ኡንቱንቶ፥ «ጌቴቶዋፔ ኣꬎ ቃራፃ ኣꬂ ሺሾፒቴ» ያጊ ኦዴዳ።
14 ሄዋፔ ካላ ዎታዳራቱ፥ «ኑኒሺ፥ ኣያ ኡዳኔ?» ያጊ ኣ ኦቼዲኖ።
ዮሃኒሲካ፥ «ኣሳ ሻሉዋ ናቁዋን ቦንቂ ኣኮፒቴ፥ ኦናኔ ዎርዱዋን ሞቶፒቴ፥ ሂንቴንቱ ዲርጉ ሂንቴንቶ ጊዳና» ያጊ ዛሬዳ።
15 ሄ ዎዴ ኣሳይ ኡባይ ኪሪስቶሳ ዩሳ ናጊዴ ዴዒያ ዲራው ዮሃኒሳ፥ «ሃዌካ ኪሪስቶሳ ጊዴናን ኣቴና» ያጊዴ ባሬንቱ ዎዛናን ማሌዲኖ። 16 ዮሃኒሲ ኡባቱዋካ፥ «ታኒ ሃꬃን ፃማቃይ፤ ጊዶፔ ኣቲን ታፔ ዎልቃማይኔ ታኒካ ኣ ጫማ ቃሹዋ ቢላና ዳንዳዬናዌ ‡ ኣ ጫማ ቃሹዋ ቢላና ዳንዳዬናዌ፡ ሃዌ ቆማ ዎይ ዳንጋፂራቲ ኦሱዋ። ቢሮ ያናዋ፤ ኢካ ኣያና ጌሻኒኔ ታማን ፃማቃናዋ፤ 17 ኣ ኩሺያን ካꬃ ዳላፔ ሻኪ ጌሺያ ላይዳይ ዴዔ። ካꬃ ኡዱማን ቡኮዋ ጌሺ ፑኒዴ ኣይፊያ ዲዪያን ቆሌ፤ ሺን ዳላ ቶዔና ታማን ጉዴ።»
18 ዮሃኒሲካ ሃራ ጮራ ቃላን ጮራ ኣሳ ማቂዴ ሚሺራቹዋ ቃላ ኦዴዳ።
ሄሮዲሴ ፃማቂያ ዮሃኒሳ ቃቼዳ
19 ጋሊላ ሞዲያ ሄሮዲሳ ቃሲ ባሬ ኢሻ ፒሊጶሳ ማቻቶ ሄሮዲያዶ ኢ ኣኬዳ ዲራዉኔ ሃራካ ጮራ ኢታ ኪታ ኪቴቶ ዲራው፥ ዮሃኒሲ ሴሬዳ። 20 ሃዋ ዲራው ሃ ኡባ ጉጂዴ ሄሮዲሴ ዮሃኒሳ ቃሾ ጎሌ ጌልሴዳ። ማት 14፡3-4፤ ማር 6፡17-18
ዮሃኒሲ ዬሱሳ ፃማቄዳ
(ማት 3፡13-17፤ ማር 1፡9-11)
21 ኣሳይ ኡባይ ፃማቄቲ ሲሞዋፔ ጉዪያን ዬሱሲ ፃማቄቴዳ። ኢ ዎሲ ዴዒሺንካ ሳሉ ዶዬቲ ኣጌዳ። 22 ጌሻ ኣያናይካ ሃራጲያ ማላቲዴ ኣ ቦላን ዎꬌዳ። ሳሉዋፔካ፥ «ታ ዶሲያ ናዓይ ኔና፤ ኔናን ታኒ ናሼታይ» ያጊያ ቃላይ ዬዳ። ዶም 22፡2፤ ማዝ 2፡7፤ ኢሳ 42፡1፤ ማት 1፡17፤ ማር 1፡11፤ ሉቅ 9፡35
ዬሱሳ ዬሌታይ ካሴ ጉዬ ማዪዛፔ ዴዒያ ፓይዱዋ
(ማት 1፡1-17)
23 ዬሱሲ ታማርሱዋ ዶሞዴ ኣው ሃታሙ ላይꬃ ጊዴዳ፤ ጮራ ኣሳይካ ባሬንቶ ማላቶዋዳን ኣ ዮሴፎ ናዓ ያጊኖ፤ ዮሴፎ ኤሌ ናዓ፤ 24 ኤሌ ማቴ ናዓ፤ ማቴ ሌዊያ ናዓ፤ ሌዊ ሚልኬ ናዓ፤ ሚልኬ ዮና ናዓ፤ ዮኒ ዮሴፎ ናዓ፤ 25 ዮሴፎ ማታቲያ ናዓ፤ ማታቲ ኣሞፄ ናዓ፤ ኣሞፄ ናሆሜ ናዓ፤ ናሆሜ ኤሲሊሜ ናዓ፤ ኤሲሊሜ ናጌ ናዓ፤ 26 ናጌ ማዓቴ ናዓ፤ ማዓቴ ማታቲዩ ናዓ፤ ማታቲዩ ሴሜዬ ናዓ፤ ሴሜዪ ዮሴቆ ናዓ፤ ዮሴቆ ዮዳ ናዓ፤ 27 ዮዲ ዮናና ናዓ፤ ዮናኒ ሬሴ ናዓ፤ ሬሴ ዜሩባቤላ ናዓ፤ ዜሩባቤሊ ሳላቲያላ ናዓ፤ ሳላቲያሌ ኔሌ ናዓ፤ 28 ኔሊ ሚልኬ ናዓ፤ ሚልኬ ሃዴ ናዓ፤ ሃዴ ዮሳሴ ናዓ፤ ዮሳሴ ቆሳማ ናዓ፤ ቆሳሚ ኤልማዶሜ ናዓ፤ ኤልማዶሜ ኤሬ ናዓ፤ 29 ኤሬ ዮሴዔ ናዓ፤ ዮሴዔ፥ ኤሊዔዜራ ናዓ፤ ኤሊዔዜሬ፥ ዮራሜ ናዓ፤ ዮራሚ ማፃቴ ናዓ፤ ማፃቴ ሌዊያ ናዓ፤ 30 ሌዊ ሲሞና ናዓ፤ ሲሞኔ ዪሁዳ ናዓ፤ ዪሁዳይ ዮሴፎ ናዓ፤ ዮሴፎ ዮናና ናዓ፤ ዮናኒ ኤሊያቄማ ናዓ፤ 31 ኤሊያቄሚ ሜሊያ ናዓ፤ ሜሊዬ ማዪናና ናዓ፤ ማዪናኒ ማፃቴ ናዓ፤ ማፃቴ ናታኔ ናዓ፤ ናታኔ ዳዊቴ ናዓ፤ 32 ዳዊቴ ኢሴይ ናዓ፤ ኢሴይ ኢዮቤዳ ናዓ፤ ኢዮቤዲ ቦዔዛ ናዓ፤ ቦዔዚ ሳልሞና ናዓ፤ ሳልሞኒ ናሂሾና ናዓ፤ 33 ናሂሾኒ ኣሚናዳባ ናዓ፤ ኣሚናዳቢ ራማ ናዓ፤ ራሚ ኣሪና ናዓ፤ ኣሪናይ ሄዝሮና ናዓ፤ ሄዝሮኒ ፔሬዛ ናዓ፤ ፔሬዚ ዪሁዳ ናዓ፤ 34 ዪሁዳይ ያዪቆባ ናዓ፤ ያዪቆቢ ዪሳቃ ናዓ፤ ዪሳቂ ኣብራሃሞ ናዓ፤ ኣብራሃሞ ታራ ናዓ፤ ታሪ ናኮራ ናዓ፤ 35 ናኮሪ ሴሮሄ ናዓ፤ ሴሮሂ ራጋዋ ናዓ፤ ራጋዊ ፔሌጋ ናዓ፤ ፔሌጊ ኣቤራ ናዓ፤ ኣቤሪ ሳላ ናዓ፤ 36 ሳሊ ቃይናና ናዓ፤ ቃይናኒ ኣርፋኪሲዴ ናዓ፤ ኣርፋኪሲዴ ሴሜ ናዓ፤ ሴሚ ኖሄ ናዓ፤ ኖሄ ላሜሄ ናዓ፤ 37 ላሜሂ ማቱሳላ ናዓ፤ ማቱሳሊ ሄኖኬ ናዓ፤ ሄኖኪ ያሬዳ ናዓ፤ ያሬዲ ማላሊዔላ ናዓ፤ ማላሊዔሊ ቃይናና ናዓ፤ 38 ቃይናኒ ሄኖሳ ናዓ፤ ሄኖሲ ሴቴ ናዓ፤ ሴቲ ኣዳማ ናዓ፤ ኣዳሚ ፆሳ ናዓ።
*3:2 ቄሳቱዋ ካፓቱ ሃኒኔ ቄያፋይ፡ ሃና ካፖቴꬃ ዎዲ ዬሱሲ ዬሌታናፔ ካሴ 6-15 ላይꬃ ጋካናሳ። ቄያፋ ጌቴቲያ ሃና ቦሉ 18-37 ላይꬃ ካፖ ጊዲዴ ዬሱሳ ዬሌታፔ ካሴ ጋሚዔዳ።
3:4 ኢሳ 40፡3-5
3:7 ማት 12፡34፤ 23፡33
†3:8 ኣብራሃሞሲ ናና፡ ኣዪሁዳ ኣሳቱ ባሬንታ ፆሳይ ዶሬዳ ኣሳ ያጊ ቆፒኖ። ጋሱኔካ፥ ቤኒ ሂዶታ ቃላይ ፆሳፔ ኑ ኣቡ ኣብራሃሞሲ ኢሜቴዳ ያጊዴ ቆፒያ ዲራሳ።
3:9 ማት 7፡19
3:12 ሉቅ 7፡29
‡3:16 ኣ ጫማ ቃሹዋ ቢላና ዳንዳዬናዌ፡ ሃዌ ቆማ ዎይ ዳንጋፂራቲ ኦሱዋ።
3:20 ማት 14፡3-4፤ ማር 6፡17-18
3:22 ዶም 22፡2፤ ማዝ 2፡7፤ ኢሳ 42፡1፤ ማት 1፡17፤ ማር 1፡11፤ ሉቅ 9፡35