1 ጽባርዮሳ ጌተትያ ካቲ ካዉቴዳ ታማነ እቼሸꬅያ ላይꬃን ጰንጸናውያ ጵላጾስ ይሁዳ ሞድያ ዎደ፥ ሄሮድሰ ጋሊላን ኦይደንꬅያ ሻኩዋ ሞድያ ዎደ፥ አ እሻይ ፕልጶስካ እጹርያንነ ጽርኮንዶሳን ኦይደንꬅያ ሻኩዋ ሞድያ ዎደ፥ ልሳንዮስካ አብሌነን ኦይደንꬅያ ሻኩዋ ሞድያዋ ግዲደ ሞድ ደእሽን፥ 2 ሃንነ ቀያፋይ ቄሳቱዋ ካፓቱዋ *ቄሳቱዋ ካፓቱ ሃንነ ቀያፋይ፦ ሃና ካፖተꬃ ዎዲ የሱስ የለታናፐ ካሰ 6-15 ላይꬃ ጋካናሳ። ቀያፋ ጌተትያ ሃና ቦሉ 18-37 ላይꬃ ካፖ ግዲደ የሱሳ የለታፐ ካሰ ጋምኤዳ። ግዲደ ደእሽን፥ ጾሳ ቃላይ ዛካራሳ ናኣ ዮሃንሳኮ መላ ቢታን ዬዳ። 3 ዮሃንስ ዮርዳኖሳ ሻፋ ሄራ ኡባ ቢደ፥ “ህንተ ናጋራይ አቶ ጌተታና ማላ ናጋራ ፓጺደ ጻማቀትተ” ያግ ታማርሴዳ።

7 ሀዋ ድራዉ ዮሃንስ አ ኩሽያን ጻማቀታናዉ ከሴዳ አሳዉ ሀዋዳን ኦዱዋ ዶሜዳ፥ “ሄንተኖ፥ ሾሻ ናቶ፤ ይያ ሀንቁዋፐ አታና ማላ ህንተንታ ኦን ማቄዴ?ማቶሳ 12:34፤ 23:33 8 ስም ህንተንቱ ናጋራፐ ስሜዳዋንቶ በስያ አይፍያ አይፍተ። ህንተንቱ ዎዛናን አብራሃሞ ኑ አቡ ደኤ ጎፕተ። ጾሳይ አብራሃሞ †አብራሃሞ ናና፦ አይሁዳ አሳቱ ባረንታ ጾሳይ ዶሬዳ አሳ ያግ ቆፒኖ። ጋሱነካ፥ በን ህዶታ ቃላይ ጾሳፐ ኑ አቡ አብራሃሞ እመቴዳ ያጊደ ቆፕያ ድራሳ። ናና ሀ ሹቻቱዋፐ ደንꬃናዉ ዳንዳዬ ያጋደ ታን ህንተንቶ ኦዳይ። 9 ሀእ ኡባ ቤጽ ምꬃ ጻጱዋን ቃንጻናዉ ጊግ ኡቴዳ፤ ስም ሎኦ አይፍያ አይፈና ምꬃይ ኡባይ ቃንጸቲደ ታማን ኦለታናዋ።”ማቶሳ 7:19

10 “ያትና ሀእ ኑ አያ ኡዳኔ?” ያጊደ አ ጮራ አሳይ ኦቼዳ።

11 ዮሃንስካ፥ “ላኡ ማዩ ደእያዌ ባይናዎ እሞ፤ ቁማይ ደእያዌካ ባይናዎ ግሾ” ያግ ዛሬዳ።

12 ቃራጻ ሺሽያዋንቱካ ጻማቀታናዉ ዪደ፥ “ታማርስያዎ፥ ኑ አያ ኡዳኔ?” ያግ ኦቼድኖ። ሉቃሳ 7:29

13 እ ኡንቱንቶ፥ “ጌተቶዋፐ አꬎ ቃራጻ አꬅ ሺሾፕተ” ያግ ኦዴዳ።

14 ሄዋፐ ካላ ዎታዳራቱ፥ “ኑንሽ፥ አያ ኡዳኔ?” ያግ አ ኦቼድኖ።

ዮሃንስካ፥ “አሳ ሻሉዋ ናቁዋን ቦንቂ አኮፕተ፥ ኦናነ ዎርዱዋን ሞቶፕተ፥ ህንተንቱ ድርጉ ህንተንቶ ግዳና” ያግ ዛሬዳ።

15 ሄ ዎደ አሳይ ኡባይ ክርስቶሳ ዩሳ ናጊደ ደእያ ድራዉ ዮሃንሳ፥ “ሀዌካ ክርስቶሳ ግደናን አተና” ያጊደ ባረንቱ ዎዛናን ማሌድኖ። 16 ዮሃንስ ኡባቱዋካ፥ “ታን ሃꬃን ጻማቃይ፤ ግዶፐ አትን ታፐ ዎልቃማይነ ታንካ አ ጫማ ቃሹዋ ብላና ዳንዳየናዌ ‡አ ጫማ ቃሹዋ ብላና ዳንዳየናዌ፦ ሀዌ ቆማ ዎይ ዳንጋጽራት ኦሱዋ። ብሮ ያናዋ፤ እካ አያና ጌሻንነ ታማን ጻማቃናዋ፤ 17 አ ኩሽያን ካꬃ ዳላፐ ሻክ ጌሽያ ላይዳይ ደኤ። ካꬃ ኡዱማን ቡኮዋ ጌሽ ፑኒደ አይፍያ ድይያን ቆሌ፤ ሽን ዳላ ቶኤና ታማን ጉዴ።”

18 ዮሃንስካ ሀራ ጮራ ቃላን ጮራ አሳ ማቂደ ምሽራቹዋ ቃላ ኦዴዳ።

19 ጋሊላ ሞድያ ሄሮድሳ ቃይ ባረ እሻ ፕልጶሳ ማቻቶ ሄሮድያዶ እ አኬዳ ድራዉነ ሀራካ ጮራ ኢታ ኪታ ኪተቶ ድራዉ፥ ዮሃንስ ሴሬዳ። 20 ሀዋ ድራዉ ሀ ኡባ ጉጂደ ሄሮድሰ ዮሃንሳ ቃሾ ጎለ ገልሴዳ። ማቶሳ 14:3-4፤ ማር. 6:17-18

21 አሳይ ኡባይ ጻማቀት ስሞዋፐ ጉይያን የሱስ ጻማቀቴዳ። እ ዎስ ደእሽንካ ሳሉ ዶየት አጌዳ። 22 ጌሻ አያናይካ ሀራጵያ ማላቲደ አ ቦላን ዎꬌዳ። ሳሉዋፐካ፥ “ታ ዶስያ ናአይ ኔና፤ ኔናን ታን ናሸታይ” ያግያ ቃላይ ዬዳ። ዶመꬃ 22:2፤ ማዝ. 2:7፤ ኢሳ. 42:1፤ ማቶሳ 1:17፤ ማር. 1:11፤ ሉቃሳ 9:35

23 የሱስ ታማርሱዋ ዶሞደ አዉ ሀታሙ ላይꬃ ግዴዳ፤ ጮራ አሳይካ ባረንቶ ማላቶዋዳን አ ዮሴፎ ናኣ ያጊኖ፤ ዮሴፎ ኤለ ናኣ፤ 24 ኤለ ማተ ናኣ፤ ማተ ሌዊያ ናኣ፤ ሌዊ ምልከ ናኣ፤ ምልከ ዮና ናኣ፤ ዮን ዮሴፎ ናኣ፤ 25 ዮሴፎ ማታትያ ናኣ፤ ማታት አሞጸ ናኣ፤ አሞጸ ናሆመ ናኣ፤ ናሆመ ኤስሊመ ናኣ፤ ኤስሊመ ናገ ናኣ፤ 26 ናገ ማኣተ ናኣ፤ ማኣተ ማታትዩ ናኣ፤ ማታትዩ ሴመየ ናኣ፤ ሴመይ ዮሴፎ ናኣ፤ ዮሴፎ ዮዳ ናኣ፤ 27 ዮድ ዮናና ናኣ፤ ዮናን ሬሰ ናኣ፤ ሬሰ ዘሩባቤላ ናኣ፤ ዘሩባቤል ሳላትያላ ናኣ፤ ሳላትያለ ኔለ ናኣ፤ 28 ኔል ምልከ ናኣ፤ ምልከ ሃደ ናኣ፤ ሃደ ዮሳሰ ናኣ፤ ዮሳሰ ቆሳማ ናኣ፤ ቆሳም ኤልማዶመ ናኣ፤ ኤልማዶመ ኤረ ናኣ፤ 29 ኤረ ዮሴኤ ናኣ፤ ዮሴኤ፥ ኤልኤዘራ ናኣ፤ ኤልኤዘረ፥ ዮራመ ናኣ፤ ዮራም ማጻተ ናኣ፤ ማጻተ ሌዊያ ናኣ፤ 30 ሌዊ ስሞና ናኣ፤ ስሞነ ይሁዳ ናኣ፤ ይሁዳይ ዮሴፎ ናኣ፤ ዮሴፎ ዮናና ናኣ፤ ዮናን ኤልያቄማ ናኣ፤ 31 ኤልያቄም ሜልያ ናኣ፤ ሜልየ ማይናና ናኣ፤ ማይናን ማጻተ ናኣ፤ ማጻተ ናታነ ናኣ፤ ናታነ ዳዊተ ናኣ፤ 32 ዳዊተ እሰይ ናኣ፤ እሰይ እዮቤዳ ናኣ፤ እዮቤድ ቦኤዛ ናኣ፤ ቦኤዝ ሳልሞና ናኣ፤ ሳልሞን ናህሾና ናኣ፤ 33 ናህሾን አምናዳባ ናኣ፤ አምናዳብ ራማ ናኣ፤ ራም አሪና ናኣ፤ አሪናይ ሄዝሮና ናኣ፤ ሄዝሮን ፐሬዛ ናኣ፤ ፐሬዝ ይሁዳ ናኣ፤ 34 ይሁዳይ ያቆባ ናኣ፤ ያቆብ ይሳቃ ናኣ፤ ይሳቅ አብራሃሞ ናኣ፤ አብራሃሞ ታራ ናኣ፤ ታር ናኮራ ናኣ፤ 35 ናኮር ሴሮሄ ናኣ፤ ሴሮህ ራጋዋ ናኣ፤ ራጋው ፐለጋ ናኣ፤ ፐለግ አቤራ ናኣ፤ አቤር ሳላ ናኣ፤ 36 ሳል ቃይናና ናኣ፤ ቃይናን አርፋክሲደ ናኣ፤ አርፋክሲደ ሴመ ናኣ፤ ሴም ኖሄ ናኣ፤ ኖሄ ላሜሄ ናኣ፤ 37 ላሜህ ማቱሳላ ናኣ፤ ማቱሳል ሄኖከ ናኣ፤ ሄኖክ ያሬዳ ናኣ፤ ያሬድ ማላልኤላ ናኣ፤ ማላልኤል ቃይናና ናኣ፤ 38 ቃይናን ሄኖሳ ናኣ፤ ሄኖስ ሴተ ናኣ፤ ሴት አዳማ ናኣ፤ አዳም ጾሳ ናኣ።