1 የሱስ ጌሻ አያናን ኩሚደ ዮርዳኖሳ ሻፋፐ ስሜዳ፤ አያናን መላ ሳኣ ካለሰቲደ ቤዳ። 2 ሄዋን ኦይታሙ ጋላሳ ዳብሎሳን ፓጨቴዳ። ሄ ጋላሳቱዋን አያነ ምቤና ድራዉ ዉርሰꬃ ፖሉዋ ሄራን እ ኮሻቴዳ።

3 ዳብሎስካ፥ “ኔን ጾሳ ናኣ ግዶፐ ሀ ሹቻ፥ ‘ኡክꬃ ግዳ’ ጋደ አዛዛ” ያጌዳ።

4 የሱስካ፥ “ ‘አሳይ ጾሳ ቃላ ኡባፐ አትን ኡክꬃ ጻላላን ደኤና’ ጌተት ጾሳ ቃላን ጻፈቴዳ” ያግ ዛሬዳ። ዛረ. 8:3

5 ዳብሎስካ ꬎቃ ግዴዳ ደርያ የሱሳ ከሲደ አላምያ ካዉተꬃ ኡባ ልጶ አይፊ ስማናዉ በሴዳ። 6 ዳብሎስካ፥ “ሀ ካዉተꬃ ማታይነ ቦንቹ ኡባይ ታዉ እመቴዳ። ታን ታ ዶስያ ኦስነ እማና፤ ነዉካ እማና። 7 ሄዋ ግድያ ድራዉ፥ ነ ታ ስንꬃን ታዉ ጎይኖፐ ሀ ኡባይ ኔሳ ግዳናዋ” ያጌዳ።

8 የሱስካ ዛሪደ፥ “ ‘ጎዳ ጾሳዉ ጎይና፥ አ ጻላላ ጎዳያ’ ጌተት ጾሳ ቃላን ጻፈቴዳ” ያጌዳ።

9-11 ዳብሎስካ የሱሳ የሩሳላመ አፊደ ጌሻ ጎልያ ሁጲያ ከሲደ፥

12 የሱስካ ዛሪደ፥ “ ‘ነ ጎዳ ጾሳ ፓጮፓ’ ጌተቴዳ” ያጌዳ።

13 ዳብሎስካ ፓጭያ ኡባ ዉርሶዋፐ ጉየ ጉꬃ ዎደዉ የሱሳፐ ሻከቴዳ።

14 የሱስካ አያና ዎልቃን ጋሊላ ጋድያ ስሜዳ። አ ዋሪካ ዩሹዋን ደእያ ኡባ ጋኬዳ። 15 የሱስካ አይሁዳቱዋ ዎሳ ጎልያን ታማርሲደ አሳን ኡባን ጋላተቴዳ።

16 እ ባረ ድጮ ካታማ ናዝሬተ ዬዳ፤ ካሰ ኦꬅያዋዳንካ ሳምባታ ጋላስ አይሁዳቱዋ ዎሳ ጎለ ገሊደ ናባባናዉ ደንዲደ ኤቄዳ። 17-19 ናብያ ኢስያሳ ን ጻፈቲደ ጻጸቴዳ ማጻፋ አዉ እሜድኖ። ሄ ማጻፋ ብሊደ:

20 ማጻፋካ ጻጺደ አይሁዳቱዋ ዎሳ ጎልያን ኦꬅያዎ እሚደ ኡቴዳ። አይሁዳቱዋ ዎሳ ጎልያን ደእያ አሳይ ኡባይ አ ጫድ ጼሌዳ። 21 የሱስካ፥ “ሀቼ ህንተዉ ናባበትና ህንተንቱ ስሴዳ ቃላይ ፖለቴዳ” ያጌዳ።

22 ኡባይ አዉ ማርካቴድኖ። አ ዶናፐ ከስያ አꬎ ኬካተꬃ ቃላፐ ደንዴዳዋን ማላለቲደ፥ “ሀዌ ዮሴፎ ናኣ ግደኔ?” ጌድኖ።

23 የሱስካ ስ ባንታን ሀ ሌምሱዋን፥ “ህንተንቱ ታዉ ‘ꬋልያ ጎዳዉ፥ ነ ሁጲያ ፓꬃ፥ ኔን ቅፍርናሆማን ኦꬅና ኑ ስሶዋ ኡባ ሀ ነ ካታማንካ ቃይ ኦꬃ’ ያጊደ ኦዲታ” ያጌዳ። 24 ቃይካ፥ “ቱሙዋ ያጋይ፥ ናቢ ባረ የለቶ ጋድያን ጋማካ ቦንቼተና። ዮሃ. 4:44

25 “የዉዋን ቃይ ቱሙዋ ኦዳይ: ኤላሳ ዎድያን ሄዙ ላይꬃነ ኡሱፑን አገና እራይ ቡከናን እጽና ሳኣ ኡባን ዎልቃማ ኮሻይ ገሌዳ ዎደ፥ እስራኤለን ጮራ አምአቱ ደኢኖ። 1 ካታ. 17:1 26 ኤላስካ ሲዶና ጋድያን ደእያ ሰራፍታ ሄራ እት አምአትኮ ኪተቴዳፐ አትን ኦኮነ ኪተትቤና። 1 ካታ. 17:8-16 27 ናብያ ኤልሳአ ዎድያንካ እስራኤልያን ጮራ ኦሉዋ ሀርግያን *ኦሉዋ ሀርግያ፦ ጾሳ ቃላይ ታማርሰትያ ዎድያ ኡባን፥ “ኦሉዋ” ግያ ቃላይ ጋልባ ቦላን ሳክያ ሳኩዋ ኡባዉ አከትያዋ። ኦይቀቴዳዋንቱ ደኢኖ፤ ሶርያ ቢታን ደእያ ንእማነፐ አትን ኡንቱንቱፐ ኦንነ ፓጽ ቤና” ያጌዳ። 2 ካታ. 5:1-14

28 አይሁዳቱዋ ዎሳ ጎልያን ደእያዋንቱ ኡባቱ ሀዋ ስሲደ ዳርሲደ ሀንቀቴድኖ። 29 ኡንቱንቱ ደንዲደ የሱሳ ካታማፐ ጋጻ ከሲደ ዱገ ኦላናዉ ካታማይ ኬጸቴዳ ደርያ ሁጲያ አፌድኖ። 30 ሽን የሱስ ኡንቱንቱ ግዱዋና አꬊደ ቤዳ።

31 ሄዋፐ ጉይያን የሱስ ጋሊላ ጋድያን ደእያ ቅፍርናሆማ ካታማ ቤዳ። ሳምባታ ጋላሳንካ አሳ ታማርሴዳ። 32 እ ታማርስያ ትምርቲ ማታን ግድያ ድራዉ ስሴዳ አሳይ ኡባይ ማላለቴድኖ። ማቶሳ 7:28፣ 29

33 አይሁዳቱዋ ዎሳ ጎልያን ኢታ አያናይ ኦይቄዳ ብታኒ ደኤ፤ ባረ ኮሻ ꬎቁ ኦꬅ ዋሲደ፥ 34 “ሀያ ጎዶ አጋርኪ ናዝሬትያ የሱሳ፤ ኑዉ ኔናና አይ እትፐተꬃይ ደኢ? ኑና ባይዛናዉ ያድ? ኔን ኦነንቶ ኤራድ፤ ኔን ጾሳ አዉ ኪቴዳ ጌሻ ግድኪ!” ያጌዳ።

35 የሱስካ፥ “ጮኡ ጋ፥ አፐካ ከሳ” ያግ ሴሬዳ። ኢታ አያናይ ብታንያ ኡንቱንቱ ግዱዋን ኩንድሲደ አይነ ቆሄናን አፐ ከሴዳ።

36 አሳይ ኡባይ ማላለቲደ እቱ እቶ፥ “ሀዌ አያ ቃሌ? ባረዉ ደእያ ማታንነ ዎልቃን ኢታ አያናቱዋ ሴሬ፤ ቃይ ኢታ አያናይካ ከሴ” ያጊደ ሃሳዬድኖ። 37 አ ዋሪካ ሄ ዩሹዋን ደእያ ጋድያ ኡባ ጋኬዳ።

38 የሱስ አይሁዳቱዋ ዎሳ ጎልያፐ ደንዲደ ስሞና ጎልያ ገሌዳ፥ ስሞና ቦሎታታ ዎልቃማ ቆጹዋ ሀርግያን ሀርገታደ ግሴዳዉንዉ የሱስ እዞ ፓꬃናዳን አሳይ አ ዎሴዳ። 39 እ ማታን ኤቂደ ቆጹዋ ሀርግያ ሴርና፥ ሀርጊ የዲሼዳ፤ ሄ ዎድያንካ ደንዳደ ኡንቱንቶ ኪተታዱ።

40 አዋይ ዉሎ ዎድያን ዱማ ዱማ ሀርግያን ኦይቀቴዳ ሀርጋንቻቱዋ ኡባ አኮ አሄድኖ፤ እካ እቱዋ እቱዋ ቦላ ባረ ኩሽያ ዎꬂደ ፓꬄዳ። 41 ኢታ አያናቱካ፥ “ኔን ክርስቶሳ ጾሳ ናኣ” ያግ ዋሲደ ጮራ አሳፐ ከሴድኖ። እ ክርስቶሳ ግዶዋ ኡንቱንቱ ኤሬዳ ድራዉ ሃሳየና ማላ ድጌዳ።

42 ሳአይ ዎንቶ ዎደ አሳይ ባይናሳ ቤዳ፤ አሳይ ኡባይ አ ኮዪደ እ ደኢያሳ ዬድኖ። ባረንቱፐ ሻከት ቤናዳን ድጋናዉ ኮዬድኖ። 43 እ ቃይ፥ “ህን ሀራ ካታማቶ ባደ ጾሳ ካዉተꬃ ምሽራቹዋ ቃላ ኦዳናዉ ኮሼ፤ ታን ኪተቴዳዌ ሀዋ ድራሳ” ያጌዳ።

44 ጋሊላን ደእያ አይሁዳቱዋ ዎሳ ጎለን ቃላ ታማርሲደ ጋምኤዳ።